【新年好去處2024】直擊尖沙嘴海港城HELLO KITTY 50週年展覽 朝聖達摩/7個願望+8款扭蛋 免費比付費進入更麻煩?

早前,編輯特意前往台北參觀Hello Kitty 50週年特展,剛好與最近香港嘅Hello Kitty 50週年展覽作對比。相對嚟講,同一個主題,如果係拍拖兩個人前往,台北展覽絕對逛得比香港尖沙嘴海港城展覽舒服,到底點解?

踏入50週年,官方當然會於唔同地域舉辦慶祝活動。適逢農曆新年來臨,香港嘅Hello Kitty主題展覽亦加入新春裝飾,於五支旗杆旁邊,將無嘴貓搖身一變成為人氣招財貓。

由2024年1月25日至2月25日,尖沙嘴碼頭旁邊嘅海港城露天平台就有一個Hello Kitty裝置展覽,當中包括有高約5米嘅巨型紅噹噹達摩,而其他小型Hello Kitty亦同樣化身成日式達摩,吸引唔少人上前打卡。

不過,展覽中有幾多個Hello Kitty迷就不得而知,只係見到大部份都係遊客。相對於台北展覽嚟講,最大分別就係付費與免費入場,台北展覽需付費入場,自然可以吸納更多真心喜愛嘅同伴,而香港展覽則為免費入場,自然殺出一堆程咬金,喜愛嘅可能只佔一成。

台北Hello Kitty 50週年展覽入場時已有派發限定精品,只要預訂入場票就可擁有;香港Hello Kitty 50週年展覽為免費入場,付50元正則可以獲得一個迷你心鎖或扭蛋,但當日早上11點正時,該心鎖已經悉數售馨,到底係喜愛嘅人太多,定係數量太少呢?

除咗5米高Hello Kitty版達摩,旁邊亦有一輪經典蘋果型花車及雕塑,背後則為只有一條路線嘅打卡位,出入口少,所以人群聚集時容易被擠得水洩不通。更嚴重之處,係大部份入場人士都唔識得排隊,甚至自行開一條隊當排咗隊,此展覽大概係編輯走過其中一個最不滿意嘅Hello Kitty展覽。

近海港城一端為一道粉色小橋入口,內裏為蘋果許願花園。走入去只見到滿滿人群,隱約見到一個個小型Hello Kitty達摩,分為唔同顏色。需要極細心觀察,方才發現每一個達摩除不同顏色,更代表不同意思。

每個Hello Kitty達摩頭頂都有個紅蘋果,身上各自有唔同顏色,同時代表各項願望,包含有財富、事業、愛情、學業、家庭、健康、幸運、開心,一共有8款願望。另外,亦有幾個Hello Kitty設計雕塑裝飾,比如Hello Kitty與青梅竹馬嘅Dear Daniel心心相印雕塑像,以及樹下鞦韆、座椅,同樣可以打卡。

兩個人旅吓行

bangkok
曼谷走走
tokyo
東京走走
台北走走

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好,
了解更多E.A.Two 資訊

E.A.Tips :

❶ 所有收益扣除部分成本後,海港城將撥捐予「願望成真基金」。

❷ 2月2日至2月3日,Hello Kitty 設計師山口裕子小姐會舉行簽名會。

❸ 其他裝置及活動重有海運觀點嘅「Hello Kitty旗鼓醒獅花園」、海港城美術館嘅「Every flower tells a story」藝術展覽,以及Hello Kitty x 奇華餅家糖果曲奇期間限定店、海運大廈地下中庭嘅Hello Kitty 50周年期間限定店。

❹ 於Klook可以預訂體驗套裝,參加Hello Kitty 設計師山口裕子小姐的簽名會,親筆繪畫個人獨有Hello Kitty,慶典體驗套裝 A (HK$600) 及 慶典體驗套裝B (HK$900) 。

❺ 預訂網址﹕https://www.klook.com/zh-HK/activity/106026-harbour-city-hello-kitty-50-package-a/ 。



EATWO
Miss A

HELLO KITTY · HAPPY 50 @海港城

海運大廈露天廣場
10:00 - 22:00

醫吓肚

火炭首選工廠食堂!圓點工房抵食港式、西式下午茶 開胃黑醋炒意粉/沙律菜/咖喱牛腩飯

【#工廈小確幸】有留意E.A.Two網站嘅讀者,大概會知道火炭區係我哋比較少前往嘅區域﹐主要係因為該區小店甚罕見,而且好荒蕪,想要搵食都唔容易。但事實上,火炭係一個工業區,同其他工業區一樣都有工廠食堂及地面其他小店,其中一間如同樓上Cafe嘅小店就值得大家拍拖兩個人一試。

馬灣小巷貓壁畫消失?寶寶屋食堂變港日Crossover碼頭小店 蔥醬雞翼飯/吉列豬扒飯/陳皮冬瓜鴨腿湯飯

【#隱藏馬灣】馬灣小島一直以來唔單止受到遊客歡迎,連本地人都好鍾意,整個小島只有專用巴士同少量經申請嘅車輛,廢汽排放唔多,環境較市區舒適,適合拍拖兩個人閒遊。區內餐廳美食不少,E.A.Two曾經帶大家去過不下3間小店,經讀者提議,方才發現原來馬灣內重有一間最值得支持嘅小店,現時隱藏於珀麗灣碼頭附近!

【區區有小店2024】10間本土尚存爆荽餐廳推介!芫荽心太軟/餃子/牛肉麵|芫茜美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年尚存擁有芫荽菜式嘅小店,即睇該區隱藏美食介紹,芫荽迷必試!

【區區有小店2024】3間尚存日本直營本土連鎖壽司餐廳推介!最平$12/抵食大拖羅/迷你壽喜燒|連鎖壽司美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年尚存嘅=日本直營連鎖壽司小店,即睇該區隱藏美食介紹!

【區區有小店2024】廣東道3間尚存本土茶餐廳推介!焦糖流心蛋撻/椒鹽炸燒賣/親民碟頭飯|廣東道茶餐廳美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年廣東道尚存嘅茶餐廳小店,即睇該區隱藏美食介紹!

{"speed":"1000","height":"600","pause":"4000"}
影吓相
{"speed":"1000","height":"600","pause":"4000"}