【新年好去處2024】荃灣荃新天地引龍入室太單調百家布披龍身反高潮有創意

荃灣商場有好多，多個商場皆有新春展覽活動，其中荃新天地就以百家布龍紮為新年裝置，另外加上甚有環保意味嘅漂書活動及服飾、玩具交換店，不妨拍拖兩個人逛一逛。

由1月27日至2月25日，荃灣荃新天地以「百家祝福‧關愛荃城」為主題，一期及二期都有展覽設置，1期只有以28米長嘅「百家布錦繡祥龍」、許願樹裝置及新春市集，其中許願樹極騎呢，行過都唔覺得佢存在，而市集地方極小，而且當中攤檔同一般市集無異，只係多咗三兩間賣年花嘅店舖。

至於「百家布錦繡祥龍」，竟然獲發 SDG 世界紀錄官方證書，打破「可持續發展目標」(Sustainable Development Goal, SDG) 嘅世界紀錄。而呢堆百家布，於展覽完結後將會變成30件長者飲食圍巾，送贈荃灣區院舍長者。

1期中庭設計簡單，只有一條恍如舞龍舞獅嘅金龍，似竹籤製作，感覺同灣仔利東街嘅竹製金龍無異。不過，今次荃新天地1期嘅金龍特別在於以百家布披在龍身，造型上係稍有驚喜。而百家布上，亦加上一塊塊小牌，上方寫有新年祝福語句。不過，敗筆在於龍頭上寫有「荃新天地」四個大字，感覺肉鄉村某啲鄉活動，土味甚濃。

至於2期中庭方面，並非展覽裝置，而係設有多間期間限定店，包括有「玩‧玩具交換所」、「裳‧二手服飾義賣店」，以及「荃城漂書日」。當中，大家可以將唔要嘅衣物、玩具、書籍帶到中庭，然後交換或捐出，二手物件既可送舊迎新，亦可支持環保﹐有意思，活動能帶出珍惜、減廢等意念。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 「百家布錦繡祥龍」展覽於2024 年 1 月 27 日至 2 月 25 日上午 10 時至晚上 10 時喺荃新天地 1 期中庭舉行。而新春許願樹於2024 年 2 月 10 日至 2 月 18 日中午 12 時至下午 6 時喺荃新天地 1 期地下花園廣場開放，透過現場捐款 HK$20 予香港社區組織協會或登記成為 S+ REWARDS 會員並以指定點數換領百家祝願寶牒,即可把祝願拋上許願樹,為新年取得好意頭。

❷ 「玩 ‧ 玩具交換所」於2024 年 1 月 27 日至 2 月 25 日中午 12 時至晚上 9 時喺荃新天地 2 期中庭行舉行。而「裳 ‧ 二手服飾義賣店」於2024 年 1 月 27 日至 2 月 25 日中午 12 時至晚上 9 時喺荃新天地 2 期中庭舉行。

❸ 「百家布錦繡祥龍」利是封由2024 年 1 月 27 日起至換完即止，換領時間為中午 12 時至晚上 9 時﹐換領地點於荃新天地 1 期禮賓處。凡+ REWARDS 會員憑指定點數即可於 S+ REWARDS App 換領一套 8 個的「百家布錦繡祥龍」利是封，數量有限,換完即止。

❹ 另有「關愛荃城」系列社區活動，包括荃新天地「百家祝福‧關愛荃城」小義工計劃、荃新天地 x 香港青年協會家居探訪活動、荃城漂書日、荃民康健日。凡於2024 年 2 月 3 至 4 日上午 11 時至下午 7 時荃新天地 2 期中庭參與漂書活動﹐將早前於社區收集到的舊書漂出﹐可免費入場並帶同舊書到現場漂走場內書籍,或 S+ REWARDS 會員憑 1點數漂走心儀書籍一本。

❶ 2024 年 1 月 31 日至 2 月 9 日上午 11 時至晚上 9 時於荃新天地 1 期花園廣場更有新春市集。而2024 年 2 月 18 日 (年初九)下午 1 時於荃新天地 1 期花園廣場有金龍醒獅賀新歲活動。