【台北夜市】西門町11間小吃精選雞翅包飯／碳烤雞排／大腸包小腸／24小時麵店

西門町為台北旅遊熱門目的地，而西門町夜市更加係一個極受歡迎嘅夜市之一，唔少年輕人都鍾意拍拖兩個人去逛逛街，一邊找尋時尚心頭好，另一邊到處搵食，留低旅行回憶。西門町夜市美食不少，除咗魯肉飯、麵線、滷味、蚵仔煎等知名小吃，其實重有好多食店值得一試，馬上探索西門町各款美食小吃！

位於台北市萬華區嘅西門町夜市，不僅位於交通密集嘅優越地理位置，亦為台北著名街區，設有特色徒步區，潮流商場及電影林立，KTV、書店、貼紙相機及精品店眾多，唔少活動及街頭活動都會於西門町舉行，匯聚潮流男女，係台北知名流行商圈，有如以前旺角西洋菜南街、東京新宿。

西門町夜市美食（1）﹕街邊小販檔

除咗正式攤檔，西門町主要通道入夜後就有一架又一架小販攤檔出現，各式台式小吃應有盡有。比如係雞翅包飯、火焰串燒、雞腿卷、炸鮮奶、炒泡麵等。

西門町夜市美食（2）﹕天天利美食坊

西門町內嘅「天天利美食坊」，有台灣人稱為台北3大魯肉飯店，其半熟蛋滷肉飯馳名中外，連西方遊客都慕名一試！滷肉飯加蛋、雞蛋蚵仔煎、香菇肉羹湯、蘿蔔糕等都係店內招牌小吃。

延伸閱讀﹕【台北美食】西門町2大人氣美食！滿滿滷肉飯／蚵仔煎人龍店＋平價豆漿／蛋餅早餐店

西門町夜市美食（3）﹕阿宗麵線

而「阿宗麵線」為另一間西門町星級小吃，廿幾年依然屹立不搖，由台灣人名店變成遊客名物，連日本人都曾選為最受歡迎台灣小吃，為西門町必食小吃之一。一碗麵線小碗TWD60，大碗TWD75，即使到夜晚10點，依然需要排隊。

西門町夜市美食（4）﹕師園鹹酥雞

「師園鹹酥雞」座落於西門町鬧市之中，相對於「阿宗麵線」、老天祿滷味」未必咁出名，但其實係由師大夜市擴展至西門町，現時亦係西門町甚受歡迎嘅鹹酥雞。該店營業時間較夜，每日營業至凌晨12點，TWD70就有一份鹹酥雞，最適合一眾夜貓去買鹹酥雞當宵夜！

西門町夜市美食（5）﹕烏來ㄟ原住民不滿族山豬肉香腸大腸包小腸

位於西門町夜市小街上嘅「大腸包小腸」，以「烏來原住民不滿族」為名，由碧潭開到西門町，主要都係售賣台灣知名小吃大腸包小腸。最特別之處係大腸包小腸都有10款口味，各款大多為TWD75一份，招牌綜合口味則為TWD80。

西門町夜市美食（6）﹕胖叔叔炙燒骰子牛

座落同一道西門町夜市峨眉街小街上嘅「胖叔叔炙燒骰子牛」，每日營業至凌晨12點。店內顧名思義主打係牛肉粒，採用炙燒方式，令粒粒有如骰子嘅牛肉更香口。不過，價格上有啲偏高，TWD250一份，值唔值自行決定。

西門町夜市美食（7）﹕老天祿滷味

「老天祿滷味」係西門町3大熱門美食，歷史悠久，最早可追塑至日治時期。該店由小小滷味攤到舖面，主打乾式滷味，為唔少台灣人經典小吃。

西門町夜市美食（8）﹕家鄉碳烤雞排

位處西門町夜市峨眉街小街上嘅「家鄉碳烤雞排」，毗連大腸包小腸店，以炭烤方式呈現雞排。店內雞排先炸後烤，雞排一早經過脆炸，其後再放上炭爐上慢烤，令雞排帶上香濃炭烤味，雞排乾爽，同時添加上香甜醬汁，口味獨特。該店每日營業至凌晨12點，所以夜晚於西門町想食宵夜都有好去處。

西門町夜市美食（9）﹕西門麵店

自問係夜貓嘅朋友，夜媽媽行到西門町又肚餓，不妨前往一度24小時營業嘅「西門麵店」。該店已有超過60年歷史，主打涼麵及豬腳飯，不過該店不時大排長龍，當多人嘅時候，排起隊嚟好比「天天利美食店」及「阿宗麵線」。一份涼麵由TWD50至60，一份，而TWD110嘅銷魂豬腳飯則含有限量豆腐，店內亦有牛肉麵及烏醋乾麵等可以選擇。