【澳門展覽2024】巨型太陽蛋空降澳門銀河免費入場！粉紅雞蛋屋／可愛蛋盒藝術展覽背後同環保有關？｜蛋形蛋語/The Egg House

雞蛋對我哋嚟講係別句意義，可以團結﹐亦可以撞向石牆；雞蛋於藝術層面嚟講，有藝術家更能夠帶出環保意味，以及生命思考，一樣充滿正能量。於2024年7月起，澳門銀河有大大度太陽蛋從天而降，形成可以打卡嘅雞蛋屋，吸引唔少人朝聖，展覽免費入場！

由即日起至2024年10月7日，澳門銀河今個夏天有一個藝術展覽，以「蛋形蛋語沉浸式藝術體驗」為主題，將細小又渺小嘅雞蛋搬到大舞台上。據了解，該展覽係來自於一位荷蘭藝術家Henk Hofstra（亨克·霍夫斯特拉），今次特別將當地知名公共藝術裝置作品移師澳門。

首先，澳門銀河商場內就已經有個「太陽蛋從天而降（Eggs Fall from the Sky）」嘅室內展覽，巨型太陽蛋造型既有創意、又吸睛，一隅更有一個自拍空間，可以讓客人自行合照留念。而中庭及週邊都可以見到巨型太陽蛋裝置，從正面睇有如太陽蛋座椅。不過從高空觀察，會更有驚喜，太陽蛋裝置甚霸氣，原來呢隻太陽蛋係別具意思？

據悉，今次巨型太陽蛋裝置，係同全球氣候變暖有關，藝術家將太陽設計成太陽蛋一樣，期望引起大家關注全球暖化嘅問題。睇得明藝術家嘅用心之後，方才發現展覽滿滿正能量。另外，當中重有「生命之源」藝術裝置，象徵愛與生命，唔單止有太陽蛋，亦有男女剪影，蛋形裝置能呼態「愛之鳥」創作，喚醒大家生命、愛、健康同正能量嘅重要。

走到商場角落，會見到展覽另一個部份，當中有一個奇妙有趣嘅「雞蛋屋」。據聞呢組蛋屋就係來自Sense Creation Inc.創辦人徐萱同其他紐約藝術家，以雞蛋組成藝術體驗。踏入展覽，方才發現藝術街於起居空間中皆加入雞蛋元素，包括玄關、大廳、睡房、浴室及廚房，每個角落都佈滿雞蛋，設計俏皮花巧，打卡必到！

「雞蛋屋」地方不大，大概分成6個小空間。踏入屋內大門後，就見到一隻太陽蛋造型裝置，呼應返第一部份嘅巨型太陽蛋裝置。及後繼續向前走，就會走到玄關位，當中有多面鏡子，更有色彩繽紛嘅一串串雞蛋垂直而立，鏡面可延伸空間，雞蛋亦用色吸睛。

然後就會到達一間粉紅色為主調嘅雞蛋屋，當中有一個雞蛋盒、雞蛋形檯櫈，造型搞鬼。前面就係一間鮮黃色房間，有如休憩間，一端有雞蛋形直立燈架，另一端亦有同前一個空間相似嘅雞蛋形檯櫈。空間十足，唔會隔硬將展覽物擺放得密密麻麻，有足夠空間畀人打卡。

旁邊有一間藍色為主調嘅睡房，不過睡床就係垂直設計，而非平放。睡床正中央有一張雞蛋造型綿被，可以裝睡打卡。走到後面，可見地面淺藍色馬賽克磁磚上刻有「The Egg House」呼應主題。該位置係一個雞蛋主題浴室，除咗淺藍色花灑，亦有雞蛋形座廁，以及巨型廁紙架，其巨型廁紙上更有雞蛋圖案。臨走時，會見到最後會牆邊上空有一排排打蛋器，有如馬卡龍色，善用展覽每處空間。

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 展覽免費入場，不過就要用wechat登入。

❷ 是次藝術展覽設有設有工作坊，可於以下網址報名﹕ https://bit.ly/eggspression_workshop，會以抽籤形式分配名額，並以短訊確認。

❸ 從港澳碼頭、氹仔客運碼頭、港珠澳大橋澳門口岸乘搭發財車可以直達澳門銀河。乘搭澳門輕軌至「排角站」，都可以前往澳門銀河，即係官也街一帶嘅對面。

❹ 臨走前掃個QR code，會有小禮物送，都係雞蛋造型文具。