【澳門舊美食】21世紀仍保留60年代冰室風格！禮記雪糕飲冰專家鎮店之寶雪糕三文治30年代賣足91年

講到澳門遊客店，以自家製新鮮雪糕聞名嘅「禮記雪糕」必然係數一數二嘅選擇。雖然多年過去，但唔少情侶都依然會拍拖兩個人前往Sweet Sweet，上咗年紀嘅人亦會回味呢間懷舊風雪糕冰室。今日再前往呢間經典食店，發覺客人仍舊絡繹不絕，到底單靠懷舊雪糕係咪可以留住客人呢？香港，真係要學習一下。

「禮記雪糕」係澳門當地嘅知名老字號「雪糕專家」，專門出品自家製雪糕。事實上，該店由1933年創辦，從手推車賣雪糕賣到開店，現時澳門店係由60年代開業至今時今日。「年紀」有91歲嘅「禮記雪糕」，近年更獲官方列為「澳門特色老店」之一，都算係食肆中嘅老人家。

當香港一間又一間食肆相繼結業，連老店都做唔住，然後執1間開10間、執10間開16間；澳門卻依然能夠繁榮昌盛，以為遊客唔會再食「禮記雪糕」呢啲食店，點知客人依然源源不絕，一個接一個推門而入。該店一直係家族式經營，目前已經去到第3代傳人。整間店舖都仍然保留60年代冰室風格，氣氛懷舊，前後都有「禮記雪糕專家」招牌，連同英文名稱「Lai Kei Sorvetes」中英對照。

店內每球雪糕MOP14，雙球MOP28、三色MOP41，口味眾多，有椰子、雲呢嗱、朱古力、芒果、花生、香芋、蜜瓜、薄荷、咖啡、士多啤梨、芝麻，重有雪糕紅豆冰MOP26、奶茶、咖啡、三文治等可擇，但雪糕其實都幾貴。不過，店內嘅「鎮店之寶」必然要選雪糕磚同雪糕三文治MOP18！雪糕三文治同以前嘅包裝如出一轍，可以話從來無變過，中文字都係從右至左書寫，英文就由左至右書寫，圖案手工味濃，同出面招牌一樣充滿懷舊風格。

雪糕三文治個盒同以前一樣，都係極細小，上下夾層就似冰凍威化餅，中間就係雪成偏硬嘅方形雪糕磚。雪糕分別係三種口味，三種顏色層層相間，包括有雲呢嗱、蜜瓜、椰子口味，味道啱唔啱食就睇個人，但就無其他口味可以選擇。直接啲講，呢間舖頭只係感受懷舊風格，同埋好熱嘅情況入去食雪糕、涼冷氣休息一下。

水果配雪糕都係吸引之選，其中包括香蕉船MOP42、菠蘿船MOP42等。香蕉船不時都有，菠蘿船就好似比較少見，諗住一試，結果真係幾失望。菠蘿船只係一個長船形玻璃砵碗，維持傳統風格，至今無變過。內裏放有薄荷、雲呢嗱口味雪糕球，而雪糕球上有cream。菠蘿船上的確係佈滿菠蘿，雪糕球被週邊菠蘿圍繞，雪糕球係比較軟身。雖然官網係寫雪糕係配上當季水果，但實際情況就係用上罐頭菠蘿，而且係有糖水浸過嘅罐頭菠蘿粒，超市買到嗰種，真係無下次。