【花蓮景點】免費入園！花蓮新景點理想大地A2水岸園區！童話風Starbucks背後藏落羽松森林

花蓮網紅景點有好多，理想大地A2水岸園區就有一個充滿童話風嘅Starbucks，背後更有一個落羽松森林，既可以遊湖觀賞，亦可以於岸邊打卡湖畔星巴克，拍拖兩個人自駕遊嘅新景點之一。

來自於理想大地企業集團嘅「a2水岸」，目前開放免費入園，既有遊湖小船，亦有遊園小火車。不過，小火車由今年10月起暫時停止服務，直到翌年初。

理想大地「a2水岸」園區以療癒系森林設計，週邊皆為落羽松，無論喺湖中心，抑或係湖邊，都可以觀賞壯觀森林湖景。加上湖畔有一座設計獨特嘅Starbucks，可以拍攝水岸倒影，甚至遠眺山脈，台灣人更稱為童話風星巴克，打卡必到！

今次呢座Starbucks位於「a2水岸」湖邊，係一座全台灣唯一湖畔Starbucks，景色絕美，更轉瞬成為花蓮壽豐鄉新地標！Starbucks一隅正對湖邊，可欣賞四季變化嘅落羽松森林，於湖邊歎邊咖啡，坐低chill吓，恍如身處歐洲小鎮。

據悉，該園區嘅Starbucks係參考美國加州Carmel社區嘅童話風咖啡廳，令呢間花蓮Starbucks都有如一間糖果屋。建築物以半木系設計，室內為溫暖木色調，亦有六角形地磚、冰柱玻璃，更有360度中島形吧檯、LED仿真壁爐。加上外面又窄又高嘅煙囪，設計充滿童趣，更似歐式度假屋。

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 可以選擇遊湖遊船﹐人均TWD350，上船購票位置近Starbucks，由08:30到17:00都有船，船程大概需時20分鐘，更有導覽解說。

❷ Starbucks有室內同戶外座位，戶外座位雖然正對湖景，但座位數量唔多。建議早啲前往，否則晏咗就會有埋旅行團或遊覽車，人流會更多。

❸ 整個園區免費入場，但就禁止吸煙，亦唔可以玩滑步車、單車。

❹ 園區設有停車場，適宜自駕前往，但該官方停車場經常爆滿，如果無位可以泊出面，只要白線內都可以泊，或者轉入「花蓮理想大地渡假飯店」理想路一帶，都有唔少車位可以停低。