【嘉義景點】市中心日式宿舍檜意森活村！森林鐵路車庫隱藏退休火車打卡！

「嘉義火車站」附近就好似嘉義縣嘅中心點，如果想要拍拖兩個人快閃走嘉義一帶，可以於火車站落車。今次前往嘉義火車站週邊景點，其中包括一個日式宿舍，以及舊式火車鐵路，打卡必到！

距離「嘉義火車站」前站只有不足30分鐘步程嘅「檜意森活村」，座落近東面位置，係嘉義知名景點之一。「檜意森活村」簡單嚟講係舊時一個日式宿舍，現時已經改建成文化園區，更有故事館、文創市集、藝文展覽等等。

「檜意森活村」園區地方唔細，有29棟日式檜木建築物，亦包括市立古蹟，以及罕見鐸式建築。據悉，係現時全台保留得最完好保存嘅日式宿舍！「檜意森活村」歷史可追塑至1914年，當時係大正3年，原先係林業日式宿舍為主。由於附近阿里山林業森林物產豐富，主要係出產檜木，所以「檜意森活村」一帶都被稱為「檜町」，所以園區內都散發檜木香氣。

目前，遊人進入園區內基本上大部份都係唔需要門票，但有部份展覽有機會需要門票，例如係「嘉義故事館」或「時光特區」；而「一心二葉館」本身係日本基層職員宿舍。其他日式檜物建築群和風味濃，以傳統日式實牆「真壁」式打造，屋頂亦為切娶妻式屋根配黑瓦。宿舍內裏係高級主管、主管及眷屬、單身宿舍，亦包含公共澡堂、招待所等，室內亦分為「座敷」、「居間」、「玄關」等，布局巧花心思。

與「檜意森活村」相距不遠嘅係「阿里山森林鐵路車庫園區」，同樣來自於日治時期﹐兩者步程僅需約5分鐘，適宜同日前往。從大門口窺視，會發覺園區內懷舊風濃厚，滿佈舊式火車，可以打卡。

原先該「鐵路車庫園區」係叫做「北門修理工場」，於1912年先啟用，用作協助修理阿里山鐵路行駛嘅車輛，據知代表作係修理阿里山檜木車廂！現時，園區內擺放住阿里山珍貴嘅退休火車，比如係退役蒸汽火車、動力客車、柴油機車等，亦有圓形轉車台，恍如鐵路博物館，鐵路迷必達！

本來從「檜意森活村」徒步5分鐘，可以前往另一個非常有趣嘅打卡景點「Happy Lab」，但現時未清楚實際狀況，有機會已經結業。先回顧一下，呢座「Happy Lab」其實就係一間糖果店，只係同時係一間扭蛋店，設計就恍如一間實驗室，將實驗室同糖果融合，變成糖果實驗室！

呢間糖果實驗室少女心爆棚，牆邊全為糖果，可以隨意夾糖。而夾糖之前，可以自選一個器皿盛載糖果，包括做實驗嘅玻璃樽，入到幾多就隨你入幾多，每個大概TWD150起，最啱打卡！

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 檜意森活村設有免費定點解說，只要前往旅客服務中心就可以參加，大概只係10分鐘，因為只係好簡單介紹園區，同埋點玩檜意。而部份展館有可能需要付費，但外面其他地方都係免費遊覽。

❷ 乘搭台鐵至「嘉義火車站」，徒步約20分鐘即達檜意森活村。另外都可以於「嘉義火車站」轉乘「台灣好行」106故宮南院線，於「文化中心／檜意森活村站」落車。

❸ 如果自駕前往，可以將車停泊於「嘉義府前停車場」，地址為嘉義市東區忠孝路188號。園區外都有少量白色線停車格，可以停車。

❹