台中市至少有6個市場，大部份都係地道濃厚，就好似街市嘅熟食市場，其中第二市場就係最為人熟悉嘅台中市場。今次E.A.Two就前往第五市場，呢個台中市場係鮮見遊客嘅地方，前往該市場嘅大部份都係在地人，即刻睇睇拍拖兩個人有咩好食！
「台中第五市場」位處台中市西區，前後左右由幾條街組成，包含自立街、樂群街同大明街，毗鄰台中教育大學、忠孝國小。市場歷史沿自於日治時期，於1937年底開業使用至今，有超過80年歷史，原本叫「旭町消費市場」，設有眾多食店同商店，據悉有逾百間攤檔，充滿老台中味道！
市場內大部份都係地道美食，而且價格相宜，唔單止有配搭燒肉嘅蚵仔粥、麵線、爌肉飯，亦有湯圓、潤餅、蒸肉包、飯糰，甚至有在地人喜愛嘅袋裝紅茶，消暑必備！
台中第五市場美食（1）﹕味香鮮肉湯圓 x 古早味三種冰
「味香鮮肉湯圓」係一間在地人先喜愛嘅湯圓店，店舖隔離重有間主打米苔目嘅「古早味三種冰」，位置近「忠孝國小」。呢間「味香鮮肉湯圓」係一種台式湯圓，亦係在地人隱藏市場古早味美食。所謂嘅「味香鮮肉湯圓」，其實就係一種鹹味湯圓，表皮係糯米皮，似足港式甜湯圓；而入面則並非香甜餡料，反而係鮮豬肉，所以湯圓內係鹹嘅。至於湯圓嘅湯底亦非薑同紅糖，而係鹹湯，所以其實係一碗鹹湯圓。
雖然在地人似乎好鍾意食呢款鮮肉湯圓，糯米皮係Q軟，入面就似豬肉餃子嘅內餡；但對於我哋外地人嚟講，就真係有啲食唔慣，因為就好似食緊鹹嘅湯圓，質感奇怪。該店除咗有鮮肉湯圓，亦有燙青菜、麵條等可以選擇，
台中第五市場美食（2）﹕阿彬爌肉飯
座落台中第五市場樂群街同自立街嘅「阿彬爌肉飯」，亦係在地人嘅美食小店，唔單止有爌肉飯，亦有爌肉便當。客人可以自選肥肉飯或瘦肉飯，亦可以揀大份或小份，只係以糖、鹽、醬油等簡單配料去滷同煮，已經足以吸引在地人。
台中第五市場美食（3）﹕樂群街蚵仔粥
樂群街「蚵仔粥」就係一款台中第五市場嘅台式肉粥，TWD50就有一碗！據知粥內既有肉，亦有蚵仔，而粥底就係比較黏稠，頗為順滑，一碗粥可以同時食到蚵仔同肉，蚵仔鹹中有甘甜味。另外，店內重有一款紅燒肉，人氣同蚵仔粥幾乎並列，有機會不妨試吓蚵仔粥加紅燒肉。
台中第五市場美食（4）﹕狀元米糕
呢個市場有大量老店食店，而「狀元米糕」係一款已傳承超過40年嘅台式米糕店，歷史悠久，係另一間台中第五市場嘅老字號食店。該店連台灣知名媒體《食尚玩家》都曾經報道過，店舖位置近「忠孝國小」，米糕來自於老師傅傳統手藝，以長糯米配上特別配料，加上豬油、肉燥，以及瘦肉、醬油等，係一款地道民間小食。
台中第五市場美食（5）﹕日棧飯糰
另一間係有超過30年歷史嘅「日棧飯糰」，係在地人喜愛嘅早餐選項，以台式飯糰為主，大概TWD40就有一件飯糰，大清早不時會有排隊購買，人龍不斷。據悉，該店本身係叫「桶Q飯糰」，外面係糯米造嘅飯糰，入面就係飽滿餡料，包括肉鬆、酸菜、菜脯，重有花生粉點綴。
台中第五市場美食（6）﹕游記潤餅
而「游記潤餅」就係另一間台中第五市場嘅排隊美食，潤餅對於外地人嚟講可能未必覺得美味，但在地人就似乎好喜愛。潤餅一嚿只係TWD50，表面就係一層餅皮模樣，薄薄餅皮入面就包裹住豆干、燒肉、酸菜、豆芽菜、高麗菜，亦有菜脯、花生粉等，客人重可以加入自己喜愛嘅醬料。
台中第五市場美食（7）﹕樂群手工麵線
台中第五市場有唔少麵線店，而「樂群手工麵線」就係第五市場頗受歡迎嘅麵線，會配搭肉羹、鮮蚵、滷腸等，一碗麵線糊只係TWD50，上面會淋上油蔥醬汁。不過，該店一個禮拜有3日係休息日，只於星期三、五、六、日營業，但依然有唔少人排長龍。
台中第五市場美食（8）﹕陳記蚵仔麵線
第五市場另一間麵線店係「陳記蚵仔麵線」，以蚵仔麵線為主，有近40年歷史，所以同時係一間老店，如果想食就要先拎號碼牌，再等候入場。該店一碗麵線大概係TWD50，都係有蚵仔、肉羹、大腸，攤車中會見到呢種台式白麵線糊就似羹湯，有時間不妨去試埋啦！
台中第五市場美食（9）﹕太空紅茶冰
從「味香鮮肉湯圓」走出，轉個彎就會見到有條人龍，唔少在地人都會排隊等待購買「太空紅茶冰」。呢間紅茶店於第五市場其實都係無人不知，據悉創業該年同阿姆斯壯登上月球有關，至今營業有超過50年歷史！
「太空紅茶冰」大多數都係用杯裝，但有部份在地人反而係選擇用袋裝紅茶，或者係因為袋裝紅茶較杯裝紅茶價格較低，而且更有古早味。該店嘅紅茶入口充滿茶香，帶有甜味，但又唔會有苦澀味，清爽怡人，非常順口，但紅茶入面碎冰就較多。據知係以日月潭茶葉炮製﹐搖勻吓再飲就更好！
E.A.Tips :
❷ 每間店舖營業時間各有不同。
❸
❹
臺中市第五市場／台中第五市場
台中市西區大明街9號
07:00－13:00
04-2227-9299
銅鑼灣樓上舖一定要訂位？吳留手居酒屋燒物有驚喜！午市原條粉嫩厚舌芯定食$150有找！
【#老銅居酒屋】如果講銅鑼灣加居酒屋，通常第一時間都係覺得會好貴，就算午市價錢都唔會平，今次E.A.Two就前往「老銅」市區街頭小巷轉角處一間居酒屋，原來係一間樓上舖，午市價錢都算適中，拍拖兩個人去食都係可以接受，不過原來原先需要book位？
【區區有小店之台灣篇2026】全台19間香港人小店！星級牛腩麵／自修室咖啡／雪花冰／港式菠蘿油／媽媽料理
【#台灣香港人2026】近年唔少香港人到外地闖一闖，台灣就係其中一個聚集香港人嘅國家，甚至有唔少香港人經營嘅食肆，拍拖兩個人去台灣嘅時候不妨去支持一下啦！以下係全台灣由本土香港人開嘅餐廳同店舖，由台北到宜蘭，台中到高雄，都有近20間小店可以選擇。
【區區有小店之全港廢水地圖2026！41間本土茶飲＋4間台灣直營店一覽！翡翠檸檬茶／蜜柑烏龍／珍珠奶茶／椰子汁／五花茶／純果茶手搖飲品！
【#香港茶飲2026】台灣有好多手搖飲品店，自從珍珠奶茶打入香港市場之後，本地愈來愈多茶飲店，唔少香港人都逐漸習慣拍拖兩個人出街人手一杯。雖然全盛期香港有海量茶飲店，但隨住結業潮湧現，茶飲店都少不免一間又一間結束營業。不過，目前依然營業嘅茶飲店都唔少，而唔少年輕人更改稱茶飲為廢水，呢個詞語近年流行於香港同澳門。E.A.Two今次又再整理本地嘅茶飲店地圖，重有幾間係台灣直營嘅手搖飲料店，到底有幾多間呢？台灣直營固然係有水準保證，但希望大家首選係本地出品嘅茶飲店啦！
【區區有小店2026】將軍澳、康城、坑口、寶林、調景嶺31間尚存餐廳美食！手打魚蛋粉／港式糖水舖／鮮果茶／藍芝士蘋果薄餅
【#將軍澳美食2026】一年又過去，香港小店買少見少，E.A.Two繼續為香港人搜羅仍舊隱身香港、默默經營嘅地道小店，小店選擇眾多，兩個人出街拍拖可以慢慢揀。每間食肆都有優點同缺點，真正避免中伏唔係跳走，而係要知道邊度好邊度差。好食嘅就去食多啲，唔好食唔好逼自己食。到今時今日，香港依然係自己小店自己撐！呢篇係將軍澳、康城、寶林、調景嶺、坑口篇﹕
【區區有小店2026】九龍灣19間尚存餐廳美食！地道大排檔／隱藏無骨炸雞／$5件壽司
【#九龍灣美食2026】一年又過去，香港小店買少見少，E.A.Two繼續為香港人搜羅仍舊隱身香港、默默經營嘅地道小店，小店選擇眾多，兩個人出街拍拖可以慢慢揀。每間食肆都有優點同缺點，真正避免中伏唔係跳走，而係要知道邊度好邊度差。好食嘅就去食多啲，唔好食唔好逼自己食。到今時今日，香港依然係自己小店自己撐！呢篇係九龍灣篇﹕
【區區有小店2026】西灣河4間尚存餐廳美食！甜味西餐／街坊茶記／黃金雞飯
【#西灣河美食2026】一年又過去，香港小店買少見少，E.A.Two繼續為香港人搜羅仍舊隱身香港、默默經營嘅地道小店，小店選擇眾多，兩個人出街拍拖可以慢慢揀。每間食肆都有優點同缺點，真正避免中伏唔係跳走，而係要知道邊度好邊度差。好食嘅就去食多啲，唔好食唔好逼自己食。到今時今日，香港依然係自己小店自己撐！呢篇係西灣河篇﹕
赤柱隱藏免費博物館！香港懲教博物館毗連監獄！設10個展覽館＋2個打卡位、最驚喜係邊個？
【#赤柱博物館】於2025年11月，有個「香港博物館節」，有超過17個博物館都係免費入場，但就唔包括隱身於赤柱嘅呢個博物館。不過，呢個博物館本身都係免費入場，如果拍拖兩個人於赤柱一帶散步，不妨順路遊覽呢個展覽館。
超迷你唐樓博物館隱身上環街頭！近PMQ元創方／新聞館！保留裝潢、件件舊香港人昔日必備架生！
【#超迷你博物館】好多人成日話香港無地方去，無嘢好行，其實現時依然有好多地方隱身市區內，值得拍拖兩個人去搜索一下。今次E.A.Two就前往一間近月先開放公眾進入嘅「唐樓博物館」，原來呢間小型博物館真係隱身於一幢唐樓內，入面保留咗昔日嘅場景同用具。而唐樓位置唔單止近上環知名文創地標「PMQ元創方」，同時毗鄰「香港新聞博物館」，任何人都係免費入場，即睇預約方法！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。