台灣手信來來去去都係鳳梨酥、太陽餅、牛軋糖、豬肉紙等，但手信選擇其實重有好多，拍拖兩個人去台中旅遊都可以搵啲新鮮感嘅。今次E.A.Two於台中發現一間芝麻醬專門店，全台北、中、南部合共有8間分店，芝麻醬極濃稠，台中分店更加係唯一加入芝麻醬雪糕嘅一間！
「申皇芝麻醬」由2009年於台中起家，於全台有8間分店，分佈於台北、台中、台南，至今有15年歷史。該店主打固然係芝麻醬，包括黑芝麻醬、白芝麻醬，另有芝麻糕、極上香麻醬拌麵、純穀粉、養生茶、堅果等，一罐芝麻醬賣TWD600，目前3罐就賣TWD1380。如果喺台中買咗，唔想拎住幾罐走圍走，可以於台北分店取貨，幾方便。
白芝麻醬、黑芝麻醬size無異，一罐有足足500g，份量均等，白芝麻醬比較順滑，黑芝麻醬就比較香口。芝麻醬香濃又滑順，難怪該店夠膽講無添加同新鮮現磨！芝麻醬有好多食用方式，該店講明開封前唔需要冷藏，每次食用前攪拌；開封之後，芝麻油唔需要倒走，因為內含亞麻油酸，但就要保持乾燥唔好掂水。
芝麻醬既可以搽多士，亦可以撈麵，更可以加入果汁，或者當yogurt、沙律醬、火鍋醬料，甚至係芝麻飲都得，E.A.Two則比較鍾意芝麻醬撈麵食，皆因該店嘅芝麻醬極濃稠，只係勺一小羹，就可以撈一碗麵，真係神級芝麻醬。用芝麻醬撈麵，1分鐘就食得，簡單方便，懶人必備！
台中分店最特別嘅地方係唯一有售賣雪糕嘅一間，就算唔買芝麻醬，都可以試吓芝麻醬配雪糕！不過，雪糕為限定口味，不時會轉換，當日為朱古力軟雪糕。雪糕以法芙娜巧克力100%純頂級可可粉炮製，以法國最頂級可可配上濃黑低糖配方，雪糕買一送一，霜淇淋TWD90有2支，人均僅TWD45，不妨一試！本身對雪糕配芝麻醬無乜好感，但又估唔到幾配合，令雪糕帶有少少芝麻香。不過，如果對芝麻醬無乜興趣，就未必需要去試，因為你預咗入去會被sell買芝麻醬。
E.A.Tips :
❷ 該店全台有8間分店，包括台北萬華店、台北慶北店、台中豐原店、台中東興店、台中崇德店、台中南屯店、台南大同店、台南開元店。
❸ 門市同網上都可以購買。
❹ 雪糕只係得台中南屯店先至有。
申皇芝麻醬 - 台中南屯旗艦店
台中市南屯區向心南路943號1樓
12:00–21:00
+886423827267
https://www.101go.com.tw/
申皇芝麻醬 - 台北萬華店
台北市萬華區和平西路二段147號
星期一至五10:30–18:30；星期六09:00–17:00；星期日休息
+886223880449
銅鑼灣泰式船麵店船皇變迷你香港打卡酒場！突成網絡人氣店水準如何？主打維他奶醬串燒、埋單人均到底幾錢？
【#船麵變串燒】銅鑼灣謝斐道內，本來有間泰式船麵店，值得拍拖兩個人前往。該店曾經由銅鑼灣開到其他地區，後來只係剩返老銅分店，到最後直接結束營業，E.A.Two都覺得好可惜，因為船麵出品其實不俗。最近，有唔少人推介一間同一舖位嘅港式串燒酒場，原先以為係唔關我事嘅食肆，直到見到一張餐牌寫住「聯乘船皇」。
上環搬到銅鑼灣地帶？老字號飛藥堂蔘茸海味店隱身冷清商場！海味零食、過大禮專門店
【#海味專門店】銅鑼灣雖然係人流滿滿嘅區域，但現時都有唔少冷清商場，銅鑼灣地帶就係其中之一，屹今已經愈來愈少人會走上去行街。事實上，有一間老字號蔘茸海味專門店隱身於呢個商場內，一邊係賣海味、藥材，另一邊係過大禮專門店，拍拖兩個人結婚必揀！
北角鯊魚肉四式燒賣隱身中醫診所！新天中藥茶館老中醫師處方自家涼茶／湯包！
【#老式涼茶舖】燒賣、魚蛋係香港知名而獨有嘅港式小食，好多燒賣、魚蛋都會喺小食店度搵到，而北角有間老字號涼茶舖就憑住鯊魚肉燒賣爆紅，受到一眾喜愛食燒賣嘅網友追捧，唔少人都拍拖兩個人朝聖。唔知點解，好多涼茶舖唔單止賣涼茶，都係會賣埋燒賣、魚蛋，到底點解呢？
西灣河小街極細粉紅Cafe、樣樣加甜！蛋糕店Rose Home Kitchen情侶拍拖紀念日餐廳之選！
【#粉紅咖啡店】雖然好多人話香港有好多劣食，但其實有唔少小店依然默默地做好自己本份，有好多值得支持嘅餐廳等待大家發掘。今次E.A.Two前往西灣河，發覺有一間絕對值得更多嘅細小粉紅咖啡店，適合情侶拍拖兩個人前往，無論紀念日定撐檯腳都好適合！
大角嘴富多來商場最神秘小店！我要辣魚蛋主打港式雞煲、原來真係有魚蛋！
【#最神秘食店】香港有好多神秘到不得了嘅小店，好多時候就算拍拖兩個人行過，都唔知間舖賣乜嘢。E.A.Two每次走過大角嘴富多來商場，都留意到一間非常騎呢嘅小店，睇落好似真係有嘢賣，但實際上長期都閂門，而且唔係畀客人行入去，但佢又選址地舖，原來間中真係會有限時車仔檔推出嚟！
土瓜灣零負評名物有樂燒味！老細隨時放假、開舖時間不定極有性格！乳鴿／叉燒／豉油雞／燒肉難以挑剔！
【#土瓜灣名物】今時今日，喺香港絕對好難搵到無批評嘅餐廳小店。如果拍拖兩個人真係想搵陣，可以試吓呢間土瓜灣名物港式燒味店，至少未見到有任何批評，咁耐依然可以keep住零負評！睇嚟該店生意真係唔差，老細就算係一人辦公，唔單止可以隨時放假，開舖時間亦不定，甚至講明瞓醒先開，非常有性格！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。
金鐘CBD隱藏歷史遺跡！香港賽馬會復修軍火庫空中花園眺維港！入口神秘、保留火藥路軌、打卡石屎森林蜿蜒天橋！
【#CBD景點】香港CBD一帶向來都係金融中心、商業地區，四圍都係高聳商廈，景點並唔多，唔係近海就係近山。今次E.A.Two帶大家前往隱藏於金鐘區內嘅歷史遺跡，既保留舊時軍火庫，亦加入可眺望維港嘅空中花園，放空必到！拍拖兩個人更可以打卡石屎森林中嘅蜿蜒天橋，景點免費入場！
【下集】直擊馬灣舊村8大僅存完整保留打卡位！2025年翻新完畢正式開放、全變空盪盪彩色小屋？
【#全新開放】馬灣舊村早年被完全封鎖，經過幾年重修，最近終於翻新完畢，並正式開放公眾入場，有關當局似乎有意模仿意大利「五漁村」，將破舊小屋通通髹成繽紛彩色小屋，並加插藝術壁畫，吸引拍拖兩個人同一家大細入場打卡，同時命名為「馬灣1686」，到底昔日馬灣舊村變成咩樣呢？今次E.A.Two正式走入全新馬灣地標，發現大部份地方都已經人面全非，舊屋通通變成空有華麗外觀、缺乏實際內涵嘅彩色小屋，只係勉強搵到有8個僅餘完整保存嘅地方，即刻睇吓係邊幾個地方！