全港16間分店、執笠倉變大舖！文具佬生活百貨賀年禮盒88折！小店聯乘新年禮品2025、點只文具／零食／飲品／雜貨

要搵平價商店，通常都未必係香港本土嘅小店，但當中有一間小店從執笠倉變大舖，現時全港已擴充至16間分店。最近西環、柴灣都有分店試業，間間地方偌大，貨品選擇眾多，賀年禮盒同樣有88折優惠，新年不妨拍拖兩個人去逛逛！

由九龍、新界開到港島嘅「文具佬生活百貨」，從2020年至今已有16間分店。雖然近年香港係逆市，身處結業潮，但該店依然間間地方偌大，貨品選擇多蘿蘿。店內唔單止有傳統文具，亦有各式精品、生活雜貨，玩具、潮流美妝、3C用品應有盡有，最難得係款款價格相宜，就似平價雜貨店，CP值高！

今次到西環試業新店，只要購買5件以上就有88折優惠。甫踏入大門口，就見到有大量卡通精品，包括Chiikawa系列，最平低至$6.9！入面重有Mufusand卡通精品，一隻中Size公仔大概賣$69.9。同一條lane都有Sanrio卡通精品，Hello Kitty小公仔最平$55！另一邊廂，都有唔少小朋友玩具，好多款都大平賣，重平過去玩具反斗城。

適逢2025年新年，「文具佬」又有全新優惠，現時新年禮品有88折優惠，門市、網店同步，購買賀年禮品唔一定要去大型超市。其中，Hello Kitty曲奇賣$79.1、Godiva賣朱古力$149.5，店內尤其多日本禮盒，價格平到$34.3都有，包括帝王蟹蟹子煎餅、草莓曲奇禮盒、起司蛋糕禮盒、伊勢龍蝦片、蛋捲禮盒等，重有傳統金莎朱古力禮盒。

該店飲品最平$6，好多都係$13兩支，隨時比士多更平！最入面就係個人護理用品、零食、醬料，連夾糖都有$9/100g，有自己夾，有獨立包裝！另外，文具、3C、節日裝飾、Broadgame、玩具、飾物都有，日韓新貨都有唔少。而隱藏Corner有個懷舊區，包括舊款設計波子棋$58，飛行棋、康樂棋、鬥獸棋，細細盒只係$25，睇清楚原來都係文具佬自己出產！

最特別之處係「文具佬」有賣其他小店嘅產品，除咗同舟口罩$59，亦有悅和醬園，每支本土醬油賣$15至37。而另一間小店係永樂粉麵店﹐該店都有出產新年禮盒，例如永樂出奇盒$121.4、特濃蝦子麵禮盒$95，一袋蝦子麵有12個，賣$90，優惠折完重平！蝦子麵煮滾之後，發現麵條黏附有大量蝦子，唔會被水沖走，入口更有濃濃蝦子味，的確物有所值！