香港人最喜愛食米線，貪圖快捷又平靚正，拍拖兩個人食米線都有唔少選擇，好多人會揀連鎖店，但其實米線小店都有好多間可以選擇。今次E.A.Two前往近年新開業、隱身於大埔嘅米線店，單單米線已經與別不同？
座落「和暢金廚」對面嘅「田家雲南米線」，於近一、兩年先開業，兩者同樣曾經參與「大埔為食友」嘅優惠活動，係大埔區小店之一，該小店列表詳情可以留意另一條連結。
「田家雲南米線」主打固然係米線，但你以為係一般米線店，甚至係譚仔連鎖店，就大錯特錯啦！呢間米線店淨係米線都與別不周，事關該店並非選用普通米線，而係一款幼身米線。該種米線來自於雲南，質感煙韌，入口爽滑，而且比一般米線掛湯。米線幼身，比普遍米線幼，但就稍稍比米粉粗，米線就似幼絲，亦有絲滑感，食得太慢都唔會發脹。
一碗田家小窩米線$36，包含有芽菜、韭菜、雲南酸菜、腐皮、秘製炒炸醬，另有過橋米線可以選擇。該店講明無加味精，而且足料，連另一間小店「糖水雄」都曾表示支持。炸醬混有辣炒肉碎，與湯底混合味道香濃，嗰種辣度幾有辣勁，入口並非普遍嘅麻辣，反而係香辣，味蕾幾刺激。
店內只有4至5款米線可以選擇，除咗包括雲南湯米線、撈米線同過橋米線，另一款似乎較特別嘅係蟲草花手撕雞湯米線$46，適合當日未必想食酸辣或香辣嘅朋友，因為湯底係比較鮮甜，而且睇落較健康。湯底似乎都算用心，係食得出有雞骨等雞湯味，但當然走唔甩係混有少少乜乜清雞湯味，否則純鮮雞湯去熬煮應該蝕大本，至少唔係落味精，湯底唔會濁，難怪夠膽標榜呢一點。
配菜加$7、$10、$15，豬大腸、手切腩肉都係加$10，加$15嘅有雲南金香火腿、雪花肥牛、新鮮豬潤、墨魚蝦春卷、豬頸肉，店內部份座位比較狹窄，好容易留意到隔離檯食乜，當日隔離檯就有碟香辣雞翼，睇落幾吸引。至於飲品加$6至$8，叫咗杯凍檸茶先見到隔離檯杯熱檸茶、熱檸水好特別，檸檬變成檸檬蓉，又幾有創意。
蒜泥白肉$38 食店內其中一款小食，基本上同米線配料手切腩肉無太大分別，入口清涼，但肥瘦比例就稍有分別。從腩肉可見，該店刀工頗細膩，每片薄切而整齊。如果計賣相，米線配料手切腩肉就比較出色，唔單止薄切腩肉，而且真係半肥瘦，質感通透，入口竟然全無肥膩感。
而蒜泥白肉上面平舖大量蒜蓉，所以蒜香味十足，肉質就較瘦，瘦肉大概佔三份二。整碟蒜泥白肉其實都算不俗，但就係爭一點，食完之後恍然大悟，欠缺嘅係花椒油！因為該店嘅蒜泥白肉入口同小鍋米線一樣係偏香辣，而非麻辣，段古佢應該有少少花椒油，但就係可能無乜花椒油香味。
E.A.Tips :
❷ 如果巴士於大埔廣福道落車，需徒步至寶鄉道，然後再轉入小路。
❸ 該店以劃紙方式點餐。
❹
田家雲南米線
大埔南盛街16號南盛大廈地下1號舖
10:30 - 21:30
3582 8348
串噹噹宵夜店與平記茶餐廳合拼！每人送一隻藤椒鮑魚！大排檔小菜有鑊氣、本地僅存小店賣脆炸臭豆腐！
【#串燒x茶記】近年，香港結業潮湧現，唔少餐廳為求生存落去都想盡辦法。E.A.Two最近前往紅磡一間串燒店，覺得好適宜拍拖兩個人去食宵夜。同時發現該店目前已經同另一間茶餐廳合併，朝早至下午賣茶記菜式，夜晚就繼續賣大排檔菜式。雖然呢個合作方法好聰明，完全慳成本，但就有啲擔心佢哋可唔可以再捱得住。
觀塘Mini Friday與鄰舖米走雞合拼經營？半自助式變午市套餐更適合打工仔！
【#打工仔飯堂】網上嘅資訊好多時都係有真有假，E.A.Two查證以下餐廳時，發現最出名嘅飲食平台竟然寫佢已經結業。不過親身到達現場時，就發現同層兩間餐廳都係依然尚存。雖然無咗半自助式午餐，但仍然容許拍拖兩個人去醫吓肚。
慈雲山平價街坊店兩三碗餃子逾10款餡任揀！最受歡迎竟然係石板／石鍋小食？
【#平價餃子】慈雲山係一個完全屋邨地，同時係一個學校邨，週邊最多嘅就係屋邨同中小學，附近都係街坊同學生。不過，該區食肆並唔多，至今都有唔少餐廳結業，E.A.Two已經食得八八九九，今次去嘅餃子店就係附近車仔麵店嘅姊妹店，拍拖兩個人想食平啲都有所選擇。
【中秋月餅2026】超過20間香港小店本地生產月餅！流心咖啡／港式奶茶／金腿伍仁／開心果麻糬／黑芝麻冰皮／燕窩月餅！留意早鳥優惠、英國專線點買？
【#月餅攻略2026】每年一到暑假，都係準備預訂中秋月餅嘅時候。隨住本地結業潮，拍拖兩個人喺香港買月餅，選擇可能已經愈來愈少。不過，識揀依然有唔少選擇，首選一定係小店模式，如果真係想再穩陣啲，都可以揀日資連鎖店。上年有店舖特設英國專線，今年都唔例外。E.A.Two又再整合2026年中秋節月餅推介，想食咩口味嘅月餅都係任君選擇！
灣仔金庸武俠小說主題Cafe玩味十足！笑林寺隱藏被咖啡耽誤嘅意粉大廚？
【#被咖啡耽誤】雖然近年香港結業潮湧現﹐但有啲餐廳依然客人一個接一個，價格豐儉由人﹐E.A.Two覺得今時今日仍然能夠吸引客人拍拖兩個人排隊都照食，必然有原因。香港有唔少咖啡店，灣仔有一間中西合璧嘅咖啡店非常有玩味，實試之後就覺得咖啡唔係最吸引，意粉先至係最意想不到嘅選擇，入面絕對有位被咖啡耽誤嘅意粉大廚！
荃灣海旁屋苑平台隱藏平價漢堡包／Pizza店！Hustle Guy近月搬入街市重新開業！
【#搬遷試業】要數荃灣區平靚正嘅美食，應該有排數，呢個大區每個角落都有值得拍拖兩個人前往嘅小店。今次E.A.Two於海濱一帶去到一個屋苑平台，當中有一間隱身街市內嘅burger同pizza店，真係可以叫做平靚正，難怪一直係街坊選擇。最近該店更將原店搬入街市內，堂食座位增加，試業當中連紅紙都未拆！
赤柱隱藏免費博物館！香港懲教博物館毗連監獄！設10個展覽館＋2個打卡位、最驚喜係邊個？
【#赤柱博物館】於2025年11月，有個「香港博物館節」，有超過17個博物館都係免費入場，但就唔包括隱身於赤柱嘅呢個博物館。不過，呢個博物館本身都係免費入場，如果拍拖兩個人於赤柱一帶散步，不妨順路遊覽呢個展覽館。
超迷你唐樓博物館隱身上環街頭！近PMQ元創方／新聞館！保留裝潢、件件舊香港人昔日必備架生！
【#超迷你博物館】好多人成日話香港無地方去，無嘢好行，其實現時依然有好多地方隱身市區內，值得拍拖兩個人去搜索一下。今次E.A.Two就前往一間近月先開放公眾進入嘅「唐樓博物館」，原來呢間小型博物館真係隱身於一幢唐樓內，入面保留咗昔日嘅場景同用具。而唐樓位置唔單止近上環知名文創地標「PMQ元創方」，同時毗鄰「香港新聞博物館」，任何人都係免費入場，即睇預約方法！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。