台灣有好多秘境打卡位，從嘉義折返台中其間，於雲林縣古坑鄉搵到一個打卡景點，恍如一個秘密花園。雖然大部份都係裝置藝術，但造景逼真，而且設計浪漫。當中有粉紅城堡、水漾森林教堂、草原大時鐘、七彩隧道等等，拍拖兩個人打卡必到！
從「嘉義火車站」出發，大概30至45分鐘車程就能夠前往以下呢個打卡景點；而從「台中火車站」，則需要大概1小時車程，所以從嘉義前往會比較接近。
呢個景點原先名為「古坑．珍粉紅城堡 水漾森林教堂」，據悉目前已經易名為「粉紅泡泡 原粉紅城堡鹿角村」。不過，園區內無論門票價錢定當中嘅設計，大致上都係差唔多，同充滿童話風，恍如一個迷你莊園，適宜同另一半前往打卡或舉行婚禮。
園區旁邊有個停車場，自駕前往可以將車輛停泊於自設停車場內，然後購票入園。該園區地方偌大，分成3至4個區域，基本上係分為水上教堂、粉紅城堡、大草原、餐廳等。
甫踏入園區，一座絕美水上教堂馬上映入眼簾！呢座迷你水上教堂座落水中心，必須要走過一道小路先可以進入，而且只係得一條路。水漾森林教堂以玻璃屋設計，造景認真，非常通透，從旁邊由上而下拍攝畫面更可愛，猶如置身童話故事當中！
另一端有一座粉紅城堡，同樣係園區內打卡，據悉該城堡本身係因為男主人為妻子嘅公主夢而特別打造，顯現男方對女方嘅愛意，後來就變成給予遊人進入打卡嘅地方。
其實，園區內唔單止有多座打卡裝置藝術，包括門口英式電話亭、粉紅馬車、LOVE字樣、創意韆鞦、鋼琴，以及愛情海、玫瑰花牆、520時鐘、小船等，每一處皆少女心爆發！除咗近門口處嘅水上教堂，入面重有一座樹教堂，多個裝置藝術背後更有落羽松森林，秋冬前往景色會更優美。據了解，該園區目前重有一個全新造景區，名為小荷蘭，有興趣不妨去參觀一下啦！
另一端更有一片草原，當中有巨型時鐘，建議徒步至粉紅小樓觀景台，從上而下拍攝，畫面會更療癒！距離大時鐘不遠處，亦有一道迷霧彩虹橋步道，可以折返餐廳或入口方向，當中重有一架pink pink機車，配合園區粉紅風格。
離開之前，可以善用門票上嘅飲料券，於餐廳食返個下午茶，或者飲杯嘢chill吓先，餐廳地方同樣偌大，有足夠座位空間，歎埋下午茶就完成呢次浪漫小旅行咯！
E.A.Tips :
❷ 入場門票人均TWD200，但有TWD100為餐飲券。
❸
❹
古坑珍粉紅城堡／水漾森林教堂＞粉紅泡泡Pink bubbles 原粉紅城堡鹿角村
雲林縣古坑鄉湳仔50號
10:00–18:00；星期二、三休息
+88655829520
https://www.facebook.com/PinkChurchCoffee
觀塘Mini Friday與鄰舖米走雞合拼經營？半自助式變午市套餐更適合打工仔！
【#打工仔飯堂】網上嘅資訊好多時都係有真有假，E.A.Two查證以下餐廳時，發現最出名嘅飲食平台竟然寫佢已經結業。不過親身到達現場時，就發現同層兩間餐廳都係依然尚存。雖然無咗半自助式午餐，但仍然容許拍拖兩個人去醫吓肚。
慈雲山平價街坊店兩三碗餃子逾10款餡任揀！最受歡迎竟然係石板／石鍋小食？
【#平價餃子】慈雲山係一個完全屋邨地，同時係一個學校邨，週邊最多嘅就係屋邨同中小學，附近都係街坊同學生。不過，該區食肆並唔多，至今都有唔少餐廳結業，E.A.Two已經食得八八九九，今次去嘅餃子店就係附近車仔麵店嘅姊妹店，拍拖兩個人想食平啲都有所選擇。
【中秋月餅2026】超過20間香港小店本地生產月餅！流心咖啡／港式奶茶／金腿伍仁／開心果麻糬／黑芝麻冰皮／燕窩月餅！留意早鳥優惠、英國專線點買？
【#月餅攻略2026】每年一到暑假，都係準備預訂中秋月餅嘅時候。隨住本地結業潮，拍拖兩個人喺香港買月餅，選擇可能已經愈來愈少。不過，識揀依然有唔少選擇，首選一定係小店模式，如果真係想再穩陣啲，都可以揀日資連鎖店。上年有店舖特設英國專線，今年都唔例外。E.A.Two又再整合2026年中秋節月餅推介，想食咩口味嘅月餅都係任君選擇！
灣仔金庸武俠小說主題Cafe玩味十足！笑林寺隱藏被咖啡耽誤嘅意粉大廚？
【#被咖啡耽誤】雖然近年香港結業潮湧現﹐但有啲餐廳依然客人一個接一個，價格豐儉由人﹐E.A.Two覺得今時今日仍然能夠吸引客人拍拖兩個人排隊都照食，必然有原因。香港有唔少咖啡店，灣仔有一間中西合璧嘅咖啡店非常有玩味，實試之後就覺得咖啡唔係最吸引，意粉先至係最意想不到嘅選擇，入面絕對有位被咖啡耽誤嘅意粉大廚！
荃灣海旁屋苑平台隱藏平價漢堡包／Pizza店！Hustle Guy近月搬入街市重新開業！
【#搬遷試業】要數荃灣區平靚正嘅美食，應該有排數，呢個大區每個角落都有值得拍拖兩個人前往嘅小店。今次E.A.Two於海濱一帶去到一個屋苑平台，當中有一間隱身街市內嘅burger同pizza店，真係可以叫做平靚正，難怪一直係街坊選擇。最近該店更將原店搬入街市內，堂食座位增加，試業當中連紅紙都未拆！
土瓜灣人氣茶飲店裕吉堂近月重開！手搖飲貴過碟飯？店舖限定用茶煮飯整炸雞？
【#重開試業】土瓜灣向來美食眾多，E.A.Two已經基本上食過晒值得前往嘅小店，有好多更加係重複地去完又去。當中有間原先位於大街上嘅茶飲店「裕吉堂」喺上年底宣佈結業，而近月就重開試業，選址轉為內街，原先只提供外賣，現時就增設堂食，重有土瓜灣限定嘅茶味嘅飯餐，碟飯比茶飲更加抵食，拍拖兩個人不妨一試。
赤柱隱藏免費博物館！香港懲教博物館毗連監獄！設10個展覽館＋2個打卡位、最驚喜係邊個？
【#赤柱博物館】於2025年11月，有個「香港博物館節」，有超過17個博物館都係免費入場，但就唔包括隱身於赤柱嘅呢個博物館。不過，呢個博物館本身都係免費入場，如果拍拖兩個人於赤柱一帶散步，不妨順路遊覽呢個展覽館。
超迷你唐樓博物館隱身上環街頭！近PMQ元創方／新聞館！保留裝潢、件件舊香港人昔日必備架生！
【#超迷你博物館】好多人成日話香港無地方去，無嘢好行，其實現時依然有好多地方隱身市區內，值得拍拖兩個人去搜索一下。今次E.A.Two就前往一間近月先開放公眾進入嘅「唐樓博物館」，原來呢間小型博物館真係隱身於一幢唐樓內，入面保留咗昔日嘅場景同用具。而唐樓位置唔單止近上環知名文創地標「PMQ元創方」，同時毗鄰「香港新聞博物館」，任何人都係免費入場，即睇預約方法！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。