【嘉義景點】傳統漁鄉變遊客景點！東石漁人碼頭設網美彩色屋／風車、觀夕必到！

嘉義市區內有部份可以徒步而至嘅景點，今次E.A.Two選擇自駕遊往海旁方向，該地點原先係一個傳統漁鄉，現時已變成觀光景點，設有多間適合網美打卡嘅風車、彩虹屋。不過，其實呢個漁人碼頭更適宜拍拖兩個人黃昏時間前往，皆因係觀賞夕陽西下嘅好地方！

從「嘉義火車站」出發，自駕大概45分鐘，可以去到近郊海旁嘅「東石漁人碼頭」。目的地係嘉義近郊沿海景點，本來係一個傳統漁鄉，純樸自然，之所以叫漁人碼頭，係因為在地居民會出海捕魚。只不過，近年「東石漁人碼頭」搖身一變成為嘉義觀光景點，令唔少喜愛踏青嘅遊人慕名而至，改變傳統漁鄉嘅用途。

「東石漁人碼頭」以風、陽光、魚、船、海洋、燈塔為主題元素，更劃出一個戲水區、人工沙灘，畀小朋友放電，另外更有配合漁人碼頭風情嘅海產市場、美食街。如果去漁人碼頭觀光，不妨去吓海洋文化館、觀海亭，因為碼頭座落西面海港，可以觀景，尤其係日落靚景，網美必到！

現時，漁人碼頭唔少現代化裝飾，比如係法式彩虹屋、彩色隧道、七彩風車等，令人感覺唔似有好耐歷史。如果要追塑「東石漁人碼頭」嘅歷史，最早可以追塑至明清時期，當時依然係「東石漁港」，只要漁船出發，好多時都會得到豐富漁獲，所以呢一帶都能夠供應海產。

「東石漁人碼頭」現時有一道位於臨海觀景休憩區嘅木棧道，亦有船型觀景台。穿梭其中，可以放眼台灣海峽風景，間中可能會見到有啲漁筏經過，感受當中嘅漁鄉之情。碼頭風景優美，夕陽與晚霞順利交接，形成一幅會郁動嘅圖畫，大自然風景比AI圖片更精彩。

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 乘搭高鐵或臺鐵至「嘉義站」，轉乘嘉義客運7211，然後於「朴子轉運站落車，再轉乘只限假日行駛嘅嘉義客運7233A，於「東石漁人碼頭站」落車即達。或者乘搭高鐵至「嘉義站」後，轉乘另一假日行駛嘅嘉義縣公車養嘉湖口幸福179，亦可直達「東石漁人碼頭站」。

❷ 「東石漁人碼頭」無需門票入場。碼頭一帶有多間蚵仔餐廳。

❸ 碼頭自設免費停車場﹐空間頗大，有足夠車位，方便自駕遊。

❹ 從「嘉義火車站」出發，自駕約45分鐘可以到達碼頭。