隱藏曼谷美食！路邊最高水準興興海南雞飯！每日僅營業4小時、泰國人最愛、鄰近BTS！

海南雞飯係曼谷必食嘅菜式之一，最為人熟悉嘅係水門市場內粉紅色、綠色海南雞飯，但E.A.Two今次有更好推介！曼谷市中心BTS站之下，有一間路邊海南雞飯，既係泰國人最愛雞飯，每日亦只限定營業4小時。想要拍拖兩個人去呢間隱藏海南雞飯店，即刻睇睇邊個BTS樓下啦！

曼谷水門市場最受歡迎嘅就係海南雞飯，綠色招牌嘅「廣興海南雞飯」係最多分店，粉紅色招牌嘅「紅大哥海南雞飯」就係泰國《米芝蓮指南》嘅選擇。上述兩間海南雞飯都係唔少香港人認識嘅食店，雖則水準唔差，但E.A.Two另有更好選擇。該海南雞飯店位置靠近BTS站，雖然只係路邊攤，但雞飯水準令人難忘。

只要乘搭BTS至「Phrom Phong站」，下行樓梯轉頭就會見到「興興海南雞飯」。該店毗鄰高檔大型商場「Emporium」，並非一間正式店舖，只係路邊一間車仔檔，非營業時間係唔會見到呢間海南雞飯店。該店僅於傍晚4、5點先開始營業，然後於8點左右收舖，星期日休息，全個星期只有24小時營業。

車仔檔擺放BTS站樓下，旁邊就有幾張鋪上檯布嘅餐檯，每張檯都坐滿客人，天橋下馬路邊就有一條人龍，一直排隊等候入座，但客人流轉度都算高。雖然該店係路邊攤，但當地人都完全唔介意坐路邊食飯。不過，我哋當日有啲唔舒服想直接返酒店休息，所以只係買外賣，未有堂食。

「興興海南雞飯」完全只係曼谷一間街頭小店，全店只有一種食物可以選擇，就係海南雞飯。Chicken with Rice 泰式雞肉飯分兩種size，一碟size s賣50泰銖，中size m賣60泰銖，大size l就賣80泰銖。店內重有款炸雞飯60泰銖，而齋雞肉就賣70、120、180泰銖，加飯15泰銖。

每一份雞飯都會附上雞骨湯，但外賣全部都無碗或碟盛載，並以膠袋盛載雞骨湯、醬汁，以紙包住雞飯。店內嘅雞湯比起水門市場粉紅色、綠色嘅雞湯更濃郁，而且係鮮甜雞湯味，有雞骨味之餘，亦有冬瓜，冬瓜煮得軟爛，幾乎入口即融，雞湯亦非加入胡椒或胡椒粉，非常清甜。

雞飯雖自帶鹹香，但同水門市場嗰兩間無太大分別。更特別之處係雞飯唔需要加入店內附上嘅醬汁，雖然雞肉配搭醬汁係更惹味，帶有微微辛辣味，但就算唔蘸醬汁都係令人意想不到。雞肉就別具風味，表面雪白，肉質鮮嫩，細膩而唔會乾柴，無論咩部位都咁軟滑，雞皮與雞肉之間有少少油脂感。雞肉好有雞味，香氣濃郁，入口唔會好油膩。