平常好多長輩都會提醒小心去外地水土不服，呢句說話雖然好多時左耳入、右耳出，但其實都係真理。去外地旅遊，的確有機會因為誤中飲食陷阱而唔舒服，其中泰國曼谷就係一個好大機會中伏嘅目的地。今次E.A.Two就因腹瀉、發燒而需要於旅遊中休息，決定講吓有咩菜式係會好大機會引致肚屙絞腸痧，希望大家拍拖兩個人去旅遊都能夠提高警覺。你又估唔到當中有邊幾道菜呢？
去旅行最怕就係水土不服唔舒服，一旦出現肚痛、肚屙腹瀉、嘔吐、食物中毒等狀況，就算唔係大病，小病都真係會影響行程。據悉，泰國係容易令旅遊人士腹瀉嘅國家之一，甚至位列五強。泰國衞生局於於2024年初曾經提過有幾種容易引致腹瀉嘅泰國菜式，甚至食物中毒。不過，當地美食眾多，大多數旅行都未必會太注意，所以只能靠自己時刻提高警覺。
以E.A.Two經驗所得，於泰國曼谷旅行期間因當地食物引起腹瀉情況，係會持續1至5日，比較輕微嘅話就至少需要休息1晚或1日。病徵通常有肚痛、肚屙、發燒、發熱發冷、噁心、手腳痠軟、疲勞、甚至屙青屎，因為屙出綠色嘅屎即係代表身體入面有菌。如果無充足休息或治療，隨時會有更嚴重變化。以曼谷當地為例，一旦發生唔舒服或腹瀉等情況，應該點算呢？
事實上，曼谷市區一帶唔會太麻煩，如果有咩唔舒服，去藥房等地方都可以買到藥，比如Asok區「Terminal 21」，當日前往商場地牢位置，就搵到最底有間藥房，位置近「屈臣氏」，曼谷「屈臣氏」無藥買，附近反而有間舖頭有得買藥，幾十至百幾泰銖就有止痛藥。
曼谷有好多受歡迎嘅菜式，但細菌病毒不少。如果想要避免於旅途出現腹瀉等情況，影響旅遊行程，就要留意以下泰國菜式。其中，採用椰奶、咖喱、豬油、發酵大米嘅菜式配搭都要特別小心，雪糕甜點、蛋黃醬亦未必夠凍同儲理得好。泰式沙律好多都係陷阱嚟，包括辣蝦沙律、蜆肉沙律、葉子沙律、生蝦沙律等涼拌菜式。至於蟹肉炒飯，就係比較意外嘅菜式，連一啲辛辣菜式都榜上有名，原來蟹肉炒飯都係曼谷菜式中嘅高危一族。
水上市場、海灘等地方雖然非常便利，但亦要小心飲食，因為通常難以知道食物係幾時準備同儲存方式。飲品都係有機會有菌嘅地方，比如牛奶、冰凍飲品，冰粒都係高危之處。所以喺曼谷飲嘢，最穩陣係好似西方遊客咁，飲罐裝或支裝飲品，成支上檯自己開，唔好由其他人接觸開口，要盡量避免飲一杯杯嘅飲料。
肚屙時服用阿士匹靈等止痛藥大家都好清楚，多數價格唔會好高，成人每次食1至2片，每日唔可以服用多過8片，上次最平好似35泰銖左右。肚屙之後，一般會流失唔少水份，以及電解質，所以最好身體稍為好返啲嘅時候，就要多補充水份同電解質，例如飲加入礦鹽嘅溫水，或者服用一啲叫藥用炭嘅成藥，可紓緩返腹部腸胃。
E.A.Tips :
❷ 萬一真係唔舒服，其實到市區一帶商場都會搵到藥房，比如Asok地區Terminal21，地牢最底有間價格唔貴嘅藥房，而且交通方便。
❸ 唔舒服唔好隔硬走行程，留喺酒店休息反而會好得更快。
❹
銅鑼灣泰式船麵店船皇變迷你香港打卡酒場！突成網絡人氣店水準如何？主打維他奶醬串燒、埋單人均到底幾錢？
【#船麵變串燒】銅鑼灣謝斐道內，本來有間泰式船麵店，值得拍拖兩個人前往。該店曾經由銅鑼灣開到其他地區，後來只係剩返老銅分店，到最後直接結束營業，E.A.Two都覺得好可惜，因為船麵出品其實不俗。最近，有唔少人推介一間同一舖位嘅港式串燒酒場，原先以為係唔關我事嘅食肆，直到見到一張餐牌寫住「聯乘船皇」。
上環搬到銅鑼灣地帶？老字號飛藥堂蔘茸海味店隱身冷清商場！海味零食、過大禮專門店
【#海味專門店】銅鑼灣雖然係人流滿滿嘅區域，但現時都有唔少冷清商場，銅鑼灣地帶就係其中之一，屹今已經愈來愈少人會走上去行街。事實上，有一間老字號蔘茸海味專門店隱身於呢個商場內，一邊係賣海味、藥材，另一邊係過大禮專門店，拍拖兩個人結婚必揀！
北角鯊魚肉四式燒賣隱身中醫診所！新天中藥茶館老中醫師處方自家涼茶／湯包！
【#老式涼茶舖】燒賣、魚蛋係香港知名而獨有嘅港式小食，好多燒賣、魚蛋都會喺小食店度搵到，而北角有間老字號涼茶舖就憑住鯊魚肉燒賣爆紅，受到一眾喜愛食燒賣嘅網友追捧，唔少人都拍拖兩個人朝聖。唔知點解，好多涼茶舖唔單止賣涼茶，都係會賣埋燒賣、魚蛋，到底點解呢？
西灣河小街極細粉紅Cafe、樣樣加甜！蛋糕店Rose Home Kitchen情侶拍拖紀念日餐廳之選！
【#粉紅咖啡店】雖然好多人話香港有好多劣食，但其實有唔少小店依然默默地做好自己本份，有好多值得支持嘅餐廳等待大家發掘。今次E.A.Two前往西灣河，發覺有一間絕對值得更多嘅細小粉紅咖啡店，適合情侶拍拖兩個人前往，無論紀念日定撐檯腳都好適合！
大角嘴富多來商場最神秘小店！我要辣魚蛋主打港式雞煲、原來真係有魚蛋！
【#最神秘食店】香港有好多神秘到不得了嘅小店，好多時候就算拍拖兩個人行過，都唔知間舖賣乜嘢。E.A.Two每次走過大角嘴富多來商場，都留意到一間非常騎呢嘅小店，睇落好似真係有嘢賣，但實際上長期都閂門，而且唔係畀客人行入去，但佢又選址地舖，原來間中真係會有限時車仔檔推出嚟！
土瓜灣零負評名物有樂燒味！老細隨時放假、開舖時間不定極有性格！乳鴿／叉燒／豉油雞／燒肉難以挑剔！
【#土瓜灣名物】今時今日，喺香港絕對好難搵到無批評嘅餐廳小店。如果拍拖兩個人真係想搵陣，可以試吓呢間土瓜灣名物港式燒味店，至少未見到有任何批評，咁耐依然可以keep住零負評！睇嚟該店生意真係唔差，老細就算係一人辦公，唔單止可以隨時放假，開舖時間亦不定，甚至講明瞓醒先開，非常有性格！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。
金鐘CBD隱藏歷史遺跡！香港賽馬會復修軍火庫空中花園眺維港！入口神秘、保留火藥路軌、打卡石屎森林蜿蜒天橋！
【#CBD景點】香港CBD一帶向來都係金融中心、商業地區，四圍都係高聳商廈，景點並唔多，唔係近海就係近山。今次E.A.Two帶大家前往隱藏於金鐘區內嘅歷史遺跡，既保留舊時軍火庫，亦加入可眺望維港嘅空中花園，放空必到！拍拖兩個人更可以打卡石屎森林中嘅蜿蜒天橋，景點免費入場！
【下集】直擊馬灣舊村8大僅存完整保留打卡位！2025年翻新完畢正式開放、全變空盪盪彩色小屋？
【#全新開放】馬灣舊村早年被完全封鎖，經過幾年重修，最近終於翻新完畢，並正式開放公眾入場，有關當局似乎有意模仿意大利「五漁村」，將破舊小屋通通髹成繽紛彩色小屋，並加插藝術壁畫，吸引拍拖兩個人同一家大細入場打卡，同時命名為「馬灣1686」，到底昔日馬灣舊村變成咩樣呢？今次E.A.Two正式走入全新馬灣地標，發現大部份地方都已經人面全非，舊屋通通變成空有華麗外觀、缺乏實際內涵嘅彩色小屋，只係勉強搵到有8個僅餘完整保存嘅地方，即刻睇吓係邊幾個地方！