台鐵好過高鐵？高雄去台南交通方法！高雄30分鐘直達台南車站！

香港去高雄有直航，但台南就無直航機，需要經高雄先可以去到台南，但因為呢個緣固，台南嘅遊客遠比高雄少，更適合拍拖兩個人旅行。台灣高鐵雖然可以穿梭各城市，但要從高雄前往台南主要市區一帶，就唔係乘搭高鐵，反而只需乘搭台鐵。原來由高雄去台南市區，最快只係30分鐘，即睇來往高雄至台南方法！

從高雄落機，馬上就可以到達捷運「高雄國際機場站」，經捷運紅線前往各景點。高雄捷運有4個車站都可以轉乘台鐵，包括「高雄車站」、「左營站」、「橋頭車站」、「岡山車站」。其中，「高雄車站」係距離機場最近嘅火車站，想要最早轉乘台鐵，可以於該同名捷運站落車。而「左營站」就係可以同時轉乘台鐵同高鐵嘅車站，比較近「瑞豐夜市」，適宜食完夜市先再搭車去台南。

今次E.A.Two選擇於距離高雄機場最遠嘅轉乘站「橋頭車站」出發，先於「橋頭糖廠站」落車，並遊覽景點「橋頭糖廠」及「橋頭老街」，然後徒步至「橋頭火車站」，就可以轉乘台鐵。事實上，「橋頭車站」係一個有百年歷史嘅車站，週邊都充滿復古感，包括木製門窗、早期嘅舊式燈箱、木製門框上「候車站」嘅木牌、週邊手繪地圖、舊式車站木椅等。捷運「橋頭火車站」同台鐵「橋頭車站」基本上係相連，交通轉乘方便。另外，「岡山車站」都係其中一個轉乘站，同「橋頭車站」只係相距1個站。雖然該車站係4個轉乘站中距離機場最遠，但實際上係距離台鐵「台南火車站」最近嘅一個站。

由台鐵「橋頭車站」起步，會經過7個車站，除咗「岡山車站」，中途亦有「大湖火車站」、「中洲火車站」、「保安車站」等。如果係沙崙支線，可以繼續前往「永康車站」，將「永康車站」同「保安車站」結合，車票上更有「永保安康」嘅祝福語，受到唔少鐵路迷歡迎。

同樣於「橋頭車站」前往「高雄車站」，高雄去台南自駕或搭的士嘅話，車程都要45分鐘，但台鐵就只係需要30至40分鐘，況且價錢更低，單程人均僅需TWD42。而台鐵時間表可以於網站或官方app隨時查詢得到，台鐵每班次比高鐵密，所以一般每日營運時間唔需要特別去預訂車票，用悠遊卡入閘就得。

台鐵班次之間相距最短可能只係幾分鐘，不過最長有機會相距半小時，除非你好夜先搭車，班次就會較少。只要登入台鐵app，就可以睇到台鐵即時到達指定車站嘅時間，多數都可以自行掌控旅程時間。不過，要留意官方app寫住該列車係咪「區間車」，因為有部份列車係有指定席，即係你可以預先購買指定時間嘅車票，就一定有位坐，畀咗錢先搭得。如果無預訂車票，最好睇定「區間車」先好上車，但其實大部份都係「區間車」嚟。