長沙灣深宵食堂近天悅廣場！午餐有燒烤串燒BBQ 套餐低至$47！

深水埗、長沙灣分別有唔少美食可擇，兩者都算係美食集中點，拍拖兩個人喺深水埗、長沙灣之間亦有唔少選擇。雜九龍工業學校、天悅廣場不遠，就會見到餐廳以「深宵」命名，難道係顧名思議只做晚市串燒BBQ美食？事實上，呢間日式串燒店不單有午市套餐，而且價錢低至$46，真係性價比頗高。

長沙灣營盤街同一條街道內有唔少小店，比較出名嘅係主打韓式吐司Egg Drop嘅小店，而其實離吐司店幾步之遙，就會搵到另一間日式小店。

小店由2018年起屹立至今有逾3年，店名由「吉寸」易名，目前雖然以「深宵」命名，但事實上係由朝做到晚嘅餐廳。晚市菜式吸引，睇得出係以串燒等BBQ燒物為主打，但原來午市都有燒物，而且價錢相宜，等同現時一碗車仔麵，晏晝十都可以試吓燒烤午餐呀！

店內燒物有燒白鱔、燒鯖魚燒蠔、烤蝦豬串、厚切牛舌芯等，燒烤午餐同樣係即叫即做。以汁燒金菇肥牛卷拼孜然雞扒飯為例，可選飯或烏冬，午餐$46，晚餐$54，再選配搭日式咖哩汁、黑椒汁或蒜蓉洋蔥汁，套餐更附送汽水或台式果味茶。

以飯盒盛載，驟眼睇嚟似足茶記水平，蒜蓉洋蔥汁配白飯的確有如茶餐廳嘅螢光色醬汁。午餐價錢同賣相等同碟頭飯，白飯就只係飽肚之用。

白飯並非重點，燒物先係出色嘅地方，就算放置飯盒內，汁燒金菇肥牛卷、孜然雞扒都令人垂涎。雞扒經醃製過，加上孜然粉點綴，傳出陣陣香氣；而汁燒金菇肥牛卷更吸引，肥牛，包裹一小串金菇，減低肥膩感，醬汁鹹中有甜香，金菇唔黐牙，整體肥而不膩。

另外，燒原塊豬頸肉飯亦係靠燒物取勝，午餐$48，晚餐$56。大塊豬頸肉質感軟腍，份量感覺不少，油香十足，燒得香口惹味。

兩個人旅吓行

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

❶ 食物即叫即做，所以食物需時，但其實都係10分鐘左右。

❷ 午餐時間為12:00至18:00。

❸ 外賣加$1。

❹ 有二人、四人外賣串燒晚餐，套餐價由$192至$1090，款式不少。

EATWO

Miss A