旺角花園街街市屹立多年熟食中心地踎泰國菜人均$120

街市市政大廈內嘅熟食中心向來帶俾人骯髒、雜亂嘅感覺，但其實間中都會搵到好嘢食，當中旺角花園街熟食中心內就有一間屹立多年嘅泰國菜，無論係紅咖哩定青咖哩、冬蔭公定串燒，都係即叫即整，雖然係外賣，但都算拍得住九龍城著名嘅泰國菜，可以拍拖兩個人一試。

熟食中心位處頂層，乘搭扶手電梯到頂樓即會見到一張張枱櫈，有圓枱有長木枱，第一間小店就係「樹屋泰菜」，店面為綠色招蜂、泰國字樣，餐牌先會寫有店名，唔知情嘅人確實會走漏眼。環境上比較混亂，雖然係泰國風格嘅大排檔木枱櫈，感覺非常地踎，煙民較多，愛好乾淨嘅朋友可能需要叫外賣。

當中有冬蔭公(細)$65，(大)$108，細份有3至4人份量，但等同車仔麵碗大小，雖然係平靚正，但實際上又未至於3至4人份量，最多2人。味道不俗，色澤偏白，有別於港式冬蔭公，無加入茄膏，但有蕃茄，入口偏酸，配料有菇、連殼蝦肉，整體帶有椰奶香，無咩辛辣味，酸甜味較重，再加入香葉提味，的確幾香口。

泰式濕炒河或乾炒河$58至$78 可選有豬、牛或雞，編輯原來點選濕炒河，但似乎嚟錯乾炒河，But Any肥，份量好多，配料都唔少，牛肉唔韌，質地幾軟腍，油脂唔多。河粉滑溜有鑊氣，乾炒河比濕炒河稍油膩，內裏都有配搭椰菜、芥蘭解膩。

至於泰式肉鬆蝦醬炒飯$58至$78，細碟份量已經不少，足夠一個人飽肚，炒飯比炒河精彩，鑊氣十足，內有雞蛋絲、肉鬆，拌有蔥粒、洋蔥、泰國臘腸粒。泰國米飯粒乾身，蝦醬份量適中，唔會太鹹，非常香口。

比較適合外賣嘅係龍眼水$16，入口似龍眼蜜，內有龍眼粒，味道香甜，如同蜜糖水，其實係過甜，但又的確係泰國風格，配搭泰國菜底可以解膩。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 熟食中心位處街市頂層，毋須入街市，於側邊乘搭扶手電梯轉完又轉即可到達。

❷ 編輯去嘅時候唔使安心出行app，但見前則需要，當時已經有實Q於門口守住。

❸ 挑選菜式要有技巧，如果堂食當然點咩都得，但外賣就要避免湯麵或沙冰，時間一耐會影響口感。

❹ 熟食中心環境較差，附近有其他店舖，而且大多數食客都會食煙，有無需要外賣就要睇附近情況。

❺ 留意小店只開晚市，係無午市供應。

EATWO

Miss A

【區區有小店2024】坪洲2間尚存本土餐廳推介！鑊氣炒飯／貓咪Cafe／菠蘿包雪糕｜坪洲美食推薦2024