長康市集蚊型街市平價小食店 堅持每日派發150盒飯

青衣屋邨地帶可以搵食嘅地點唔多,當中長康邨就只有2間小食店,同樣藏於長康市集內,比較低調,其中一間更每日堅持派發150盒飯俾有需要人士,而每份飯盒內嘅餸菜更以素食為主,值得拍拖兩個人去懲罰一下。

長康市集簡單嚟講就係迷係街市,地方極細,舖頭亦少,而市集內就隱藏2間小食店,一間係木屋小食店,另一間係主廚小食,當中後者就係一間每日派飯嘅小店,先到先得,派完即止。

至於小食款式,除咗有燒賣、牛肉球、腸粉、豉油皇炒麵、脆炸雞翼等,亦有$35至$45嘅平價飯,都屬街坊價錢。

當中,招牌口水雞$25 入口無乜辛辣味,醬汁唔太似口水汁,雞肉質感亦一般,而且添加大量青瓜絲令主體隱藏咗;而麻辣牛柏葉$25 則相對比較重辛辣味,醬汁則同口水雞差唔多顏色,同樣加插大量青瓜絲,唔算突出。

反而泰式鳳爪$25 貌似水份甚重,以為好辣,但入口唔辣,而且味道酸甜,幾開胃;至於桂花冰粉$20 剛比較穩陣,入口清甜,難度唔高;而一支細豆漿$7 為磨製豆漿,有豆味,底部有黃豆渣。

E.A.Tips :

❶ 長康市集位於青衣長康邨內。

❷ 主廚小食每日3點至4點都會派飯,以長者優先,但唔會派發即棄餐具、膠袋,需要自備環保袋。

小店有張印花咭,滿4個送魚蛋一串,滿8個可當$20用。 ❸



EATWO
Miss A

主廚小食chef street food

青衣長康邨一期康和樓地下長康市集M15號舖
11:00 – 20:00

木屋小食店

青衣長康邨康和樓長康市集地下M16號舖
星期一至六12:00 - 19:30;星期日全日休息
6034 4141