赤柱唯一！市集背後街坊小店每日推出限時午餐益自己友

提到赤柱，最近唔少人都只識找尋一間以粉紅歐陸風格、意式烘焙為主嘅赤柱打卡餐廳，但據連登認證，赤柱區內只有一間餐廳為可支持商家，絕對係One And Only，兩個人搵食謹記要睇清楚啲啦！

於赤柱拍拖吃喝玩樂，不外乎到美利樓、海旁打卡，或暫於赤柱市集行逛，甚至到赤柱沙灘曬吓太陽兼玩吓水，但搵食呢？大多數餐廳都並非自己友，今次編輯就帶大家去隱藏於赤柱市集背後嘅街坊餐廳，完全係自己友。

黑板上只有3個餐點，事實上每日唔同，想試就要留意官方Facebook每日公佈，不過每日3個餐大致上都係以西餐為主要菜式，服務對象為赤柱街坊，絕對係一間名副其實自己友嘅餐廳。當街坊與店主關係良好，甚至會預留餐點予街坊，飲品亦會較大杯，而街坊與店主嘅話題亦圍繞鄰里之間或區內之事，充滿人情味，的確非常「街坊」，恍惚走入赤柱一個小角落。

當日3款午市套餐為美式燒鴨配沙嗲汁$49、椰汁葡式雞$49、紐西蘭西冷牛扒配黑椒汁$64，皆以西式為主，感覺簡單，無乜特色，而且下晝1點半只餘下美式燒鴨可供選擇，甚至只可配搭黑椒汁，但可選配飯或意粉，估計店主與街坊關係良好，每日有固定容人幫襯。

美式燒鴨意粉上枱後，白色膠碟配上舊式格仔餐枱布，有如本地舊有港式餐廳，感覺有懷舊味道，港式西餐名副其實。無期望之下，意粉甚有驚喜，爽滑彈牙，軟硬適中，可以輕鬆將整碟意粉食完。燒鴨肉質唔嚡口，而黑椒汁、燒鴨亦互相配合，相信比原先沙嗲汁更好，黑椒味稍濃，但可融入燒鴨，亦可混合意粉。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 由赤柱市集轉上小路即會搵到小店，由赤柱市集向海旁方向走，近最後一個路口轉左即達，並非到盡頭分岔路口。

❷ 注意門口寫有早餐時間為07:00至10:30，午餐時間為11:30至14:30，下午茶時間則為14:30至16:30，但事實上只有午餐，而且賣完就無。

❸ 午市最低消費$42，座位唔多，需要人齊先入座。

❹ 巴士路線6,6X皆可由中環交易廣場前往赤柱，但巴士路線260為特快路線，車程會更快到達赤柱。

❶ 官方Facebook會每日公佈當日午餐餐點，想預先知道可以直接查看一下，皆因小店客人僅以街坊為主。

❷ 注意小店逢星期一休息，避免摸門釘。

❸ 午餐配有飲品，冷熱飲同價。

❹ 凍檸茶較有茶味，凍檸蜜味道稍淡。