添福小食+混醬坊

深水埗黃竹街2間小食店僅幾步之遙 即試黑椒牛漢堡Crossover和牛牛丸

深水埗本土食店固然眾多,當中黃竹街有2間小食店相距僅幾步之遙,但一間門庭若市,而另一間則少見人龍,但其實2間都係平民小食店。大多數人只會拍拖兩個人選擇熱門食店,到底質素係咪差好遠?編輯今次就一次過買晒2間,即管睇吓質素係咪真係有分別。

正對長沙灣道楓樹街遊樂場嘅添福小食,係一間受到大眾歡迎嘅熱門店之一,上年中更殺入荔枝角開分店,繼續以港式漢堡包為主打,同時有炸物及港式小食,吸引唔少上班族、學生哥支持。

當中,招牌之作係添福巨無霸$28,麵包為普通芝麻軟包,漢堡包內有生菜、蕃茄、半溶芝士、漢堡扒,入口好似有少少千島醬,漢堡扒肉質似乎係手打漢堡,表面好似好薄身,但咬開發現漢堡牛肉都算幾厚身,而且肉質細嫩,有少少牛筋位,肉感淋身,入口肉汁豐腴,有牛味之餘亦甚Juicy,啖啖略帶幾分牛脂香,生菜、蕃茄則可減低肥膩感,同時增添爽脆感。

另有黑椒牛肉漢堡$23,的確比港版金拱門抵食,重點同添福巨無霸一樣係手打牛肉質感,而非連鎖店嘅牛肉。不過,漢堡牛肉加添黑椒,令味道過於香濃,黑椒味蓋過一切,只係茄汁化解半溶芝士嘅膩感,加添多少少洋蔥粒可能會較好。不過,外賣漢堡包最大問題在於美觀度,只要漢堡包一旦包上紙張,隨即會變形,如果漢堡包轉用紙盒包裝,保存時間可較長,美觀度會相對提升,只不過成本有機會較高。

而離添福漢堡只有一道行人過路燈距離嘅,係另一間小食店混醬坊,同樣以港式小食為主打,最出色嘅小食亦係同牛扯上關係,不過就唔係牛肉漢堡,而係比牛丸更特別嘅和牛牛丸,將兩者Crossover,反而係幾有驚喜。

老實講,混醬坊其他小食如混醬三寶都唔算特別,當中滷水小食如雞翼尖$15、雞髀$16、豬耳$15 更加係不值一提,滷水料質素麻麻,選材亦好一般。不過,當中和牛牛丸$30/6粒 就係附近幾個區內非常出色嘅牛丸,編輯話嘅。

和牛牛丸係一種日式混港式風格嘅牛丸,粒粒呈乒乓波狀,大小相近,有少少脂肪粒突出,牛丸模樣似Covid-19。牛丸同坊間牛筋丸味道大有分別,牛丸有好重牛脂香,油香十足,質感爽口彈牙,唔似平常牛筋丸有嘅筋膜質感,亦非免治牛感覺。牛丸粒粒有濃厚牛味,而且帶有甘香味,入口爆汁,絕對食完一粒想食第二粒。6粒牛丸連湯上,湯底以生菜絲墊底,亦有蒜粒,略有鮮甜,但同時帶有鹹味,不過不失。

兩個人旅吓行

bangkok
曼谷走走
tokyo
東京走走
台北走走

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好,
了解更多E.A.Two 資訊

E.A.Tips :

❶ 添福小食地址為深水埗長沙灣道80-82號文海樓地下A1舖,而最近新店為添福漢堡,地址為荔枝角長沙灣道648號中國船舶大廈地舖。

EATWO
Miss A
深水埗美食 添福小食 混醬坊

添福小食

深水埗長沙灣道80-82號文海樓地下A1舖
星期一全日休息;
星期二至日12:00 – 21:30
5721 0055

深水埗美食 混醬坊

混醬坊

深水埗長沙灣道84號地下B舖
14:00 – 01:00
9605 9712

醫吓肚

【區區有小店2024】紅磡+何文田+黃埔12間尚存本土餐廳推介!4色拉麵/屋邨泰菜/親民蕃茄麵|紅磡、何文田、黃埔美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年紅磡、何文田、黃埔區尚存嘅餐廳小店,即睇該區隱藏美食介紹!

【區區有小店2024】黃大仙5間尚存本土餐廳推介!人氣西瓜盅/港式茶記/椰皇甜品|黃大仙美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年黃大仙區尚存嘅餐廳小店,即睇該區隱藏美食介紹!

【區區有小店2024】油塘+鯉魚門4間尚存本土餐廳推介!上海中菜館/水門雞飯/可愛冬甩|油塘、鯉魚門美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年油塘、鯉魚門區尚存嘅餐廳小店,即睇該區隱藏美食介紹!

【區區有小店2024】九龍灣21間尚存本土餐廳推介!平價牛扒/工業區茶記/台式滷味|九龍灣美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年九龍灣區尚存嘅餐廳小店,即睇該區隱藏美食介紹!

{"speed":"1000","height":"600","pause":"4000"}
影吓相
{"speed":"1000","height":"600","pause":"4000"}