美孚美食 鮨德

美孚係美食沙漠?隱藏版日本菜門面猶如高檔居酒屋 午市日式定食平過食Cafe

美孚現時係一個以住宅為主嘅區域,但食肆唔多,來來去去都係連鎖店,都可算係香港其中一個美食沙漠,想拍拖兩個人搵間好少少嘅餐廳都難,但其實有啲餐廳係隱藏於住宅之間,當中有一間日本菜餐廳表面似足高檔居酒屋,驟眼睇似價錢好高嘅地方,但原來價錢係合理水平,午市定食更加比開到氾濫嘅Cafe平!

平常喺香港去Cafe,往往價錢以100起跳,食嘅只係意粉、漢堡包、All Day Breakfast,水準一般;但美孚區內就有一間日本菜餐廳,以魚生、刺身、定食為主打,午餐價錢竟然唔使$100,甚至低於$80,定食包含沙律、麵豉湯茶碗蒸、甜品,唔需要另外加錢。

店舖位於曼克頓山商場曼坊,與美孚新邨只係咫尺之間,而荔枝角公園嶺南之風亦非常接近。以「鮨德」命名嘅餐廳,門面的確令人卻步,皆因貌似一間高級日本餐廳,恍如日式居酒屋,但原來餐廳竟然屬街坊價錢,至少平過Cafe。餐廳內裏座位有幾十個,包括吧枱,乾淨企理,但堂食要收加一服務費,外賣反而可享9折優惠。以官方介紹嚟睇,除咗刺身、壽司、魚生飯、有唔少炭火燒物,部份燒物為限量供應。

汁煮牛舌定食$88,包括有沙律菜、麵豉湯、茶碗蒸、抹茶蕨餅,白飯與牛舌分開,牛舌有湯汁,伴有紅蘿蔔、白蘿蔔,湯汁似台式牛肉麵嘅湯底,呈深褐色。牛舌嘅份量令人咋舌,編輯從來無諗過一碗飯入面會有8至10個牛舌肉,而且每一舊都係大大舊,而兩色蘿蔔亦屬大舊,白蘿蔔入味,紅蘿蔔清甜,牛舌軟腍,紋理明顯。

沙律菜包括少量粟米粒、車厘茄,以簡單醋汁伴勻,茶碗蒸外賣都係難逃賣相差命運,但至少食到滑溜蒸蛋,內有雞肉粒、冬菇粒、鳴門卷,而麵豉湯就係最驚喜嘅配角,麵豉湯並非只係沖水,湯汁色水較深,而係真係煮出嚟,味道濃郁,內有大量昆布,加上蔥花點綴,更特別之處係有連皮三文魚肉,難怪湯內有魚肉嘅鮮甜味。飽餐之後,加上一粒抹茶蕨餅,甜度不高,但可以解解膩,牛吞芯始終有點點膩感。

兩個人旅吓行

bangkok
曼谷走走
tokyo
東京走走
台北走走

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好,
了解更多E.A.Two 資訊

E.A.Tips :

❶ 位置喺曼坊商場1樓,扶手電梯上到1樓之後轉向後面行。

❷ 堂食收加一服務費。

❸ 外賣自取有9折優惠。

❹ 店內接受現金、八達通等電子支付工具。

EATWO
Miss A
美孚美食 鮨德

鮨德

美孚寶輪街1號曼克頓山商場(曼坊)1樓101A號舖
12:00 – 22:00
3619 0644

醫吓肚

【區區有小店2024】西環16間尚存本土餐廳推介!尼泊爾餃子/豬扒米線/米芝蓮鹽酥雞|西環美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年西環、西營盤、堅尼地城區尚存嘅餐廳小店,即睇該區隱藏美食介紹!

全港淨2分店!香港老牌快餐店大大隻德國熱狗 幾時再有芫荽熱狗?

【#傳統熱狗】若提到本地熱狗,大家拍拖兩個人會諗起邊間,又會選擇邊間呢?相信大多數人會第一時間諗起分店眾多嘅「齊柏林熱狗店」,又或者已經結業嘅「Bull Dog Hotdog」,但其實重有一間老牌熱狗專門店隱藏於何文田一帶,該店為「德國熱狗」,原來目前只係淨返兩間分店!

【區區有小店2024】尖沙嘴26間尚存本土餐廳推介!燒肉放題/四川冒菜/新派素食|尖沙嘴美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年尖沙嘴區尚存嘅餐廳小店,即睇該區隱藏美食介紹!

【區區有小店2024】石硤尾4間尚存本土餐廳推介!港式快餐/激平兩餸飯/學生哥小食|石硤尾美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年石硤尾區尚存嘅餐廳小店,即睇該區隱藏美食介紹!

【區區有小店2024】石門7間尚存本土餐廳推介!新派素食/中式點心/台式麵餐|石門美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年石門區尚存嘅餐廳小店,即睇該區隱藏美食介紹!

{"speed":"1000","height":"600","pause":"4000"}
影吓相
{"speed":"1000","height":"600","pause":"4000"}