【東京新宿】地鐵口跳出巨型可愛3D貓星人！歌舞伎町鬧區有新地標？｜5大新宿景點

日本新宿係香港人去東京自由行必去嘅地方，於新宿街頭內不時會聽到大大聲嘅廣東話，相信新宿駅一帶大家合埋眼都識得行。近年，新宿地鐵站口有一隻巨型3D貓咪，恍惚準備從屏幕中跳出；而歌舞伎町一帶亦係新宿熱門娛樂區，以夜生活聞名，原來2023年4月有一個全新地標商場，值得拍拖兩個人去逛一逛！

新宿好去處﹕新宿東口の猫

日本新宿駅東口廣場一帶，有一隻超大型的3D貓咪，被稱為「新宿東口の猫」。貓星人由黑、白、橙色為主，有如一隻大花貓，躲藏於上方廣告板上，4K大型屏幕中的3D影像有趣又逼真，恍惚準備從彎曲屏幕內嘅廣告影片中跳出，並與街上遊人玩樂，畫面極療癒，走過嘅路人不時停低駐足觀看，貓迷必到！

翻查之下，原來呢個廣和告係來自株式会社Cross space，株式会社MICROAD DIGITAL SINAGE. 與株式会社YUNIKA Corp. 為「クロス新宿ビジョン」（Cross Shinjuku Vision）共同打造可愛巨型立體貓咪畫面，貓星人從早到晚有唔同動作，比自由行旅客更能夠融入東京城市之內。

E.A.Tips :

❶ 貓咪會隔一段時間先會出現一次。

❷ 位置為新宿站東口對出。

EATWO

Miss A

新宿好去處﹕思出橫丁 Omoide Yokocho

新宿「思出橫丁 Omoide Yokocho」係區內一道居酒屋街，內裏攤販不少，雲集眾多日式居酒屋，充滿懷舊風格，據悉小巷當中有逾80間居酒屋！而思出橫丁內嘅居酒屋，唔少都保留住東京風格，包含有舊時以牛、豬內臟為主要食材嘅串燒，都算係東京宵夜好去處。當然，巷弄間並非只有舊式居酒屋，時代變遷下固然多咗較新潮嘅餐廳、酒吧，但小巷依靠燈籠照明，仍不失舊有日本風情。

E.A.Tips :

❶ 於新宿站西口徒步約3分鐘即達。

❷ 巷弄中有唔少老式居酒屋。

EATWO

Miss A

新宿好去處﹕歌舞伎町

新宿歌舞伎町係東京著名嘅夜生活好去處及娛樂區，區內佈滿一間又一間成人夜店，例如「無料案內所」，或者係「風俗案內」，意指免費介紹牛郎，實際上服務就需要付費。但區內亦有各式酒吧、餐廳，燈火通明，屬於大型紅燈區。

主要幹道中既有多面靚仔靚女廣告板，地面亦有各式打扮嘅男男女女。歌舞伎町牛郎更加係重點之一，基本上撐住透明傘嘅都係男公關。而區內亦有時更有科幻show或樂團演出，每晚熱鬧非常，不少日劇都以歌舞伎町為取景地。不過，歌舞伎町內都有唔少著名拉麵店、水產店、居酒屋等餐廳，而最大間嘅Donki都設於歌舞伎町主要入口一帶，藥妝及生活用品極齊全，同「歌舞伎町一番街」招牌一樣，都係東京著名地標，逛街及採購必到！

E.A.Tips :

❶ 於JR山手線新宿站東口徒步約7分鐘即達。

❷ 不遠處重有龍之巢新宿三丁目美食街，為深夜食堂，重有和牛燒烤可擇。

❸ 於西武新宿站、地鐵或JR新宿站下車，徒步約3至5分鐘即達歌舞伎町。

EATWO

Miss A

新宿好去處﹕東急歌舞伎町TOWER

編輯於2023年3月前往東京，卻發現東京新宿即將有一個準備開放嘅新景點，名為「東急歌舞伎町TOWER」。大樓位置靠近歌舞伎町，樓高225米，地面有48層，地下則有5層，有如一個全新大型商場，據悉當中既包含各式商店、餐廳，亦有電影院、舞台劇場等，基本為24小時營業，打造東京新宿不夜城，比香港夜經濟更有魅力。