【東京購物】東京連踩8間Sanrio Gift Gate！掃盡萌爆卡通人物紀念品即睇獨特創意打卡位！

去東京旅遊，必然要拍拖兩個人去購物，身為Hello Kitty忠實粉絲，固然要找尋東京Sanrio店！今次編輯接連走勻主要區域其中9間Sanrio Gift Gate，掃盡各可愛卡通人物紀念品，其中有部份主題店更有打卡位，有啲更充滿創意，即睇Sanrio主題店有咩特別！

新宿﹕Sanrio Gift Gate アドホック新宿店商場的地下一樓／Sanrio 京王百貨店新宿店7F サンリオ 7樓／Sanrio 高島屋新宿店9F サンリオ 9樓

新宿區有3間Sanrio Gift Gate，基本上3間都係無特別Sanrio Characters打卡位﹐只係純賣商品，只不過係位於最方便而又人流最多嘅新宿，距離新宿東口約有5分鐘步程。而Adhoc新宿店勉強有一個Hello Kitty雕像作打卡位，小女孩於門口似乎大叫歡迎光臨。不過，都要留意3間大致上都會於夜晚9點正關門，週末有可能提早1小時落閘。另外，店內有免稅優惠，只要購物超過10000日圓就可以免稅啦！

淺草﹕Sanrio Gift Gate 浅草店

而Sanrio Gift Gate 淺草店最特別嘅地方就係大門口拎住紅蘋果嘅Hello Kitty，位置靠近淺草知名景點淺草寺及雷門，離地鐵淺草站只有約3分鐘步程。淺草店於晚上7時就會關門，呢個時候就要特別注意，淺草店營業期間，大門口嘅Hello Kitty係呈開眼狀態，而關門嘅時候就係呈雙眼緊閉狀態，至於限定一瞬間就係Hello Kitty出現眨眼嘅時候，絕對萌爆！皆因店舖目前準備關門，日本人嘅創意往往都係意想不到地出現喺細微之處！

渋谷﹕Hello Kitty Japan Shibuya 1樓東急百貨店渋谷駅・東横店

同樣係旅遊必到嘅渋谷區，亦有一間 Hello Kitty Japan Shibuya，位置係渋谷駅東横店1樓東急百貨店，該店位於原宿竹下通，基本上係一間純商品店，極其量有Sanrio Characters雪糕筒及牆壁作打卡位。

池袋﹕Sanrio Gift Gate

本來池袋有一間Sanrio Cafe，但目前2023年就只係見到得返一間Sanrio Gift Gate，餐廳位置已變成另一間餐廳，而紀念品店就同樣係一間純Sanrio Characters商品售賣店。

台場﹕HELLO KITTYのこんがり焼ダイバーシティ東京プラザ店

至於毗鄰富山電視台嘅台場HELLO KITTYのこんがり焼ダイバーシティ東京プラザ店，以「Hello Kitty Japan」為名，位於Diver City Tokyo Plaza商場2樓，既係一間紀念品、手信專賣店，亦係一間小型cafe，當中有唔少Sanrio Characters造型商品，亦有天花、牆壁佈置，更有Hello Kitty人形雕像等可以打卡。台場嘅Hello Kitty店最特別嘅地方並非只有1：1人形打卡雕像，更有可愛嘅Hello Kitty人形燒。

店內以雞蛋燒炮製成萌爆Hello Kitty嘟嘴模樣，當中包含原味、粟米片、朱古力及custard口味，每10個賣500日圓，20個就賣1000日圓，有不過略嫌並非即叫即製，上手時冷冰冰，柔軟中欠缺熱度。另外，亦有Hello Kitty造型冬甩，每個300日圓，有6款口味，包括原味、士多啤梨、朱古力、抺茶、檸檬、白朱古力，唔算太甜，但表皮基本係一層朱古力模樣，底層只係普通冬甩，只係外觀上模仿Hello Kitty。而每盒糖霜曲奇則賣1000日圓。

橫濱﹕Hello Kitty Studio WONDER 美髮店

而橫濱嘅Hello Kitty Studio WONDER，其實只係一間美髮店，尤其係做小童生意，當地家長會帶小朋友到該店剪頭髮。店內有Hello Kitty飾品櫃，而座椅亦以Hello Kitty設計，粉紅色模樣非常可愛，門口對出就有一個人形公仔，穿著公主服裝，頭部換成Hello Kitty，變成貨真價實嘅人形公仔！