【東京景點】2023年新地標MIYASHITA PARK城市空中花園！原宿竹下通／代代木／明治神宮／涉谷站典型東京熱點交匯處

東京原宿、涉谷一帶係旅客多年來必遊勝地，原宿竹下通、代代木公園、明治神宮都係耳熟能詳嘅東京景點。而今年2023年，涉谷有一個全新地標，既有新商場，亦有空中花園，無論拍拖兩個人逛街或散步都好適合。

原宿竹下通

原宿竹下通係以往到訪原宿必逛嘅街道，狹長小巷內佈滿小型商店，舊時原宿服飾店擁有獨特日式街頭風格，以售賣潮流服飾產品為主。形形式式小商店曾經充滿青少年文化，滿滿流行時尚服飾及可愛雜貨，而且係「卡哇伊（カワイイ）」文化元祖起源地，唔少人會專程去到訪原宿掃貨，返港自然充滿年青活力，更可以走在潮流尖端。

目前，原宿風格服飾店似乎較以前有所分別，走過竹下通街道，感覺就只係到此一遊，去咗原宿。不過，原宿竹下通一帶屹今依舊吸引部份當地年輕學生、外地遊客前往，其中竹下通內嘅「RAINBOW SWEETS HARAJUKU」早於2018年開業，以彩虹甜品聞名，現時仍然有旅客慕名而至。而「MARION CREPES」則以法式可麗餅為主打，一直以來都吸引眾多人排隊。至於「Totti Candy Factory」更加係IG打卡必到小食店，當中有彩色棉花糖及特色飲品，店內用色粉嫩，同樣吸引少女進場。

代代木公園

代代木公園一年四季都有特色，春季更加係東京賞櫻好地方之一，偌大公園內種滿粉嫩櫻花樹，可於園內細味櫻花盛開之美。好天時，可以於櫻花樹下草地野餐賞櫻；雨天時，人流較少，但亦可觀賞獨特雨櫻動靜。公園頗大，所以場內有單車租借服務，想要繞一圈走，可以單車代步。

事實上，代代木公園由1967年開園至今，地方偌大，為24小時開放，係東京都心公園中規模最大嘅一個，面積有約54平方米，亦係東市都內一個大型公園。週末時，不時會有唔少Cosplayer、搖滾團體、舞者團體、武道家等，眾多時髦打扮嘅人會相繼聚集，而公園內亦係有各種界別嘅人匯聚，非常實用。

明治神宮

而與代代木公園為鄰嘅明治神宮，夜間就禁止進入。當中有巨型鳥居、酒樽牆及明治神宮本殿，由原宿入口走到本殿，需要花上30分鐘時間，路程頗長，而且係無第二條路，必須原路折返。明治神宮內可分別通過夫婦楠、清正井、龜石嚟祈求姻緣、能量、守護。

基本上，明治神宮供奉嘅明治天往、昭憲皇太后，當地民眾多數會於大時大節前往參拜。明治神宮被綠地包圍，有如躲藏於森林之間。近年，明治神宮更開設博物館，名為明治神宮博物館（明治神宮ミュージアム）於逢星期四休息。博物館樓高2層，設計融入明治神宮內苑自然環境，當中擺放多項寶物，包括明治天皇之物，不過進入博物館就需要收費。

宮下公園 ( RAYARD MIYASHITA PARK)

講到東京原宿、涉谷今年最新熱點，宮下公園 ( RAYARD MIYASHITA PARK) 亦係其中一個，為原宿、涉谷新地標。MIYASHITA PARK雖然名為宮下公園，但其實係一個全新商場設計嘅購物地方，位於上述東京熱門景點之間，可謂原宿、涉谷站、代代木中間點，地理位置非常優越。宮下公園內商店眾多，亦有唔少餐廳，更有24小時營業大排檔可以選擇。

宮下公園「MIYASHITA PARK」其實於1953年開園，當時位於宮下町，後來經過改建，變成東京都內首個空中公園，包含多項娛樂設施，更有滑板場。而現時宮下公園又再改建，集合購物商場與公園及酒店於一身，於近年先開幕，旁邊更有三井集團旗下最新酒店「Sequence」。

「MIYASHITA PARK」1樓至3樓多為商店及餐廳，購物中心各層開設多間日本當地品牌及選物店，亦有國際品牌及精品店。而1樓有美食街道，打造澀谷橫丁，將來自日本及世界各地帶到美食街內，當中更設有一道居酒屋街，古色古香，屬真正懷舊夜市。

而4樓為頂樓，則為觀賞涉谷景觀嘅空中花園。宮下公園天台為露天綠地公園，有多項運動設施，亦可讓遊人休憩，更有叮噹漫畫打卡位。雖被鐵絲網包圍，但從中亦可俯視涉谷一帶街景。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 大多數原宿景點都鄰近JR山手線「原宿駅」、地鐵千代田線或副都心線「明治神宮前駅（原宿）」。

❷ 於JR、地鐵半藏門線／銀座線／副都心線或、東急東橫線／田園都市線、或京王井之頭線至「涉谷／澀谷駅」落車，徒步約3分鐘即達宮下公園。

❸ 明治神宮博物館入場費為成人1000日圓、高中生以下為 900日圓。

❹