【東京美食】新宿起家、24小時營業、全年無休！歌舞伎町必食凪煮干王拉麵！

新宿係香港人必到嘅東京旅遊熱點，歌舞伎町亦係景點之一。新宿美食眾多，無需特別找尋資料，隨便一間都已經令人讚歎不已。今次編輯帶大家拍拖兩個人到歌舞伎町一間於新宿起家嘅煮干拉麵店，不僅24小時營業，而且全年無休！

位於新宿歌舞伎町嘅「すごい煮干ラーメン凪」，為街店本館，前名為「ラーメン凪煮干王」，小店於「新宿黃金街」起家，一直係受當地人及旅客歡迎嘅隱藏拉麵店，附近遍佈牛郎。

最基本味玉煮干王拉麵1000日圓，而特製煮干王拉麵則為1250日圓，分別在於是否加辣。最平一款為900日圓嘅煮干王拉麵，不過就無味玉，即蛋。另外，亦有沾麵可以選擇，而無論拉麵、沾麵要並盛、中盛、大盛，店內價錢均一，宵夜必揀！

呢間拉麵店於日本著名食評網站「Tabelog」中有超過3.6分，新宿區拉麵列表中亦排行首5名。「煮干王」基本上只得日本先有得食，簡單來說就係以小魚乾熬煮出濃郁可口嘅湯頭，而新宿歌舞伎町本店以沙甸魚乾炮製，湯底特別濃味。

煮干魚湯入口醇厚，魚味細緻，魚干與醬酒鹹香味足，醃製魚乾配搭青綠蔥花，加上原隻味玉、鬆化叉燒、大塊紫菜，令人滿足，而湯底竟然一啲魚腥味都無！頭啖湯濃郁可口，順滑而充滿鮮甜味，頭一半拉麵令人忍不住一口接一口湯，但食到下半場，感覺湯底鹹度頗高，可以話愈食愈鹹。

此外，店內拉麵特別之處不限於湯頭，連麵底亦非常獨特。一碗拉麵內，同時包含粗身麵條及幼身麵條，粗麵寬度有如寬粉，而幼身麵條就似平常嘅拉麵，幼身比較吸附湯汁，而粗身則有如一塊塊麵皮，入口比較Q軟及有咬口，同樣可以掛湯，吸收魚干香氣精華。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 「西武新宿駅」徒步約5分鐘即達；「新宿駅西口」徒步約8分鐘即達；「新宿三丁目駅」徒步約5分鐘即達。

❷ 加100日圓可以加大麵底，加250日圓可以加辣，加900日圓可以加湯，加菜就加250日圓。

❸ 先於販賣機前買票，然後搵位坐低，將票交俾店員即可。

❹ 拉麵即叫即煮，所以需要等候約10至15分鐘。