【東京美食】3間新宿平靚正連鎖牛丼專門店松屋／吉野家／Sukiya 24小時無休宵夜好去處

拍拖兩個人去日本旅行，行程豐富，時間通常都唔充足，夜瞓自然是常識吧！東京夜生活地方眾多，新宿既有唔少娛樂、美食，同時亦交通方便，其中多間牛丼專門店都為24小時營業，最為人熟悉嘅3間連鎖店絕對係宵夜好去處，有1間早餐時段更有三文魚食，所以連鎖牛丼既係宵夜好去處，亦係必選東京早餐店！

於2022年底，LINE手機曾經以LINE research以「最愛牛丼連鎖店」為題，向日本全國用戶進行調查，對象係15至64歲，讓用戶票選最喜愛嘅牛丼，投票獲得5254個用戶回覆。該次調查於不分男女嘅投票中衍生出嚟，結果顯示，頭3位依次序為Sukiya、吉野家、松屋，原來TOP 3 最受歡迎嘅牛肉飯，係日本全國都有嘅牛丼連鎖店。

第1位﹕Sukiya すき家

於該次調查結果顯示，排行首位嘅係Sukiya，於無分性別嘅結果中獲得34.1%得票率。而只計女性嘅結果中，單單20至29歲群組入面，就有44.9%得票率，似乎Sukiya尤其獲得女性支持者。

點解Sukiya會成為日本人最愛牛丼飯專門店呢？於同一個調查報告中顯示，有好多人於喜愛原因一欄上，都選擇豐富、方便、價錢平嘅因素。Sukiya以和式定食、牛丼、日式咖喱飯為主，早餐、宵夜選擇多樣，價格上亦低廉，當中包括三文魚、牛肉三文魚、生雞蛋拌飯，材料布牛肉、吞拿魚、鰻魚、豬肉，甚至中式麻婆豆腐、魚香茄子。Sukiya嘅飯量可任選，加錢更可任揀湯同菜式。一般套餐包含丼飯、沙律、日式清湯，大概600至800日圓就足以醫吓肚，滿1000日圓直到吃到飽。

Sukiya於日本全國擁有超多分店，東京新宿一帶就有好多間，部份更24小時營業！至今香港、台灣都有多間海外分店，台灣有64間分店，而香港亦有9間分店，都屬日本直營店，故此Sukiya理應對香港人、台灣人嚟講同樣唔陌生，編輯亦會幫襯。基本上，Sukiya同吉野家、松屋被譽為「牛丼御三家」，3間連鎖店都係日本全國知名牛肉飯專門店，而Sukiya於當中更稱冠。

第2位﹕吉野家

該次用戶票選中，屈居第二位嘅係吉野家，佔用戶率嘅27.3%。從結果中可見，大多數選擇吉野家嘅用戶，40歲以上男性為主，得票率佔40%！

於喜愛原因一欄中，唔少人都認為吉野家嘅牛肉、醬汁美味，兩者得票率佔43.4%與31.2%。此外，有部份人覺得吉野家係比較方便獨食，價格相宜，而且等候時間較少。

吉野家為另一間日本快餐連鎖店，不單全國都有好多分店，包括新宿一帶，而且香港、台灣，甚至星馬、美國都有分店。由於吉野家香港店基本上都唔係日本直營，所以編輯只會於日本食吉野家。

日本嘅吉野家雖然都係以牛肉丼飯為主，如同牛肉蓋飯，亦有唔少定食可以選擇，大多數價格都維持於300至600日圓。除咗可以宵夜時間食牛丼，編輯比較鍾意吉野家嘅早餐，皆因早餐定食選擇不少，包含湯同配菜，當中既有牛肉飯，更有一塊燒三文魚，真係有魚有肉！於吉野家食牛丼，最好係加一份生雞蛋、紅薑絲。

第3位﹕松屋

至於投票中同樣打入三甲嘅係松屋，雖然只係獲得10.7%得票率，但唔少用戶都鍾意松屋分店嘅地理位置，而且品牌唔錯、價格相宜，牛丼CP值亦夠高！有大概20.5%用戶更表示，松屋嘅優點並非只有牛丼，而且重有其他主食。

松屋雖然於日本有唔少分店，包括新宿區，亦有一直拓展海外業務，包括台灣就有4間分店，其中1間離西門町不遠。不過，松屋至今仍然未有於香港設有分店，呢一點同上述2間連鎖牛肉飯專門店就有所不同，令松屋成為3間日本連鎖牛丼專門店中，唯一未有於香港開設海外分店嘅一間。

的確，松屋既有牛肉飯，亦有定食、咖喱飯，松屋牛丼可以自行升級為大碗飯或特大碗飯，亦可加小食，堂食則送味噌湯。雖然松屋於3間連鎖牛肉飯專門店中只係排行第3，但編輯認為松屋牛肉飯係3間中最惹味，而且份量都係較豐富，只不過松屋嘅價格較上述2間高少少。

松屋雖然比Sukiya、吉野家價格稍高，但仍然係一間平價日式連鎖丼飯，部份分店更不打烊，包括新宿區分店，有唔少分店都會24小時營業。而早餐時段嚟講，松屋都係比其他早餐店早開門。松屋一份牛丼定食，一般價格大概為600至800日圓，但牛肉油香十足，而份量同水準上，編輯都係覺得比Sukiya及吉野家優勝。