【台北景點】隱身台北古亭全新景點Parkup！廢棄空地搖身變IG打卡得獎小公園

台北不時有新景點，有好多都隱藏於市區，拍拖兩個人走過台北市區，隨時都可以搵到有趣嘅地方。今次編輯於台北古亭發現一個可愛小公園，將廢棄空地變成充滿設計感嘅童趣樂園，IG打卡必到！

「師大夜市」係當地人知名嘅夜市之一，而距離夜市不遠處，原來隱藏咗一個特別嘅空間！由雜草藤生嘅廢棄空地，搖身一變成為一個設有韆鞦、單槓等設施嘅可愛小空間。以為佢係公園，原來係一個居民共用空間，顯現台灣人嘅無窮創意。

位置鄰近台北捷運「古亭站」嘅小公園「Parkup」，地方不大，整個空間大概不足200平方米。公園大門口有一把紅色小傘為標記，據了解，該公園位置本身只係舊房舍拆除而來，後來經「台北好傘計劃／Umbrella Park Project」得到改變。

計劃將巷弄街角閒置空間重新規劃及設計，巧妙利用有限土地，演變成全新空間。本身「台北好傘計劃」以傳達保護、共享、連結為概念，將閒置空間供居民使用，比如單槓可以用嚟曬棉被、或吊球籃，韆鞦可以坐吓，俾小朋友玩，又或者打卡，用實際行動做到互動共融。

最後方牆壁上寫有「5.32m²」字樣，折合即係57平方尺，其實意思係一個健康城市，需要讓每個市民有足夠開放空間使用，建議每人要有9平方尺。而「Parkup」其實係一個品牌，來自「Plan b」團隊。計劃原意就係活化閒置土地，重新規劃設計。望望如何將閒置空間活化，比去大型文創園區更有意思同價值。

更特別之處，原來呢個「Parkup」小空間大有來頭，曾經獲得多國內外獎項，包括有「日本優良設計獎Best100」、「金點設計獎的最佳設計獎」、「臺北設計獎之臺北市長獎」、「臺灣室內設計大獎評審特別獎」。

兩個人旅吓行

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

❶ 小公園距離捷運「古亭站」僅有約3分鐘步程。

❷ 「師大夜市」近小公園，距離約有9分鐘步程。

❸ 小公園至「榕錦時光生活園區」大概為9分鐘步程。

❹ 角落有cctv，唔好做奇怪嘅事。

EATWO

Miss A