【台北交通2024】全新接駁車直通漁人碼頭！淡水輕軌換乘攻略懶人包｜附輕軌路線及票價

平常拍拖兩個人到台北淡水遊覽，多數都會乘搭捷運至「淡水站」，出站後再轉乘客運紅26，可以直達「淡水漁人碼頭」。但今年最新消息指，淡水區一帶有全新接駁交通工具「淡海輕軌」，與捷運緊緊相連，似乎好方便。今次編輯就前往淡水漁人碼頭，即管試吓乘搭客運與「淡海輕軌」有無分別！

「淡海輕軌」係新北市嘅全新輕軌路線，為架空式電動列車，隸屬新北捷運，路線以朱紅色為標記，設有14個站，全長有近10公里，基本上主要係連接淡水區一帶。輕軌雖然係走淡水區，但就唔經捷運「淡水站」，只係來往「紅樹林站」至「淡水漁人碼頭站」。

基本上，目前「淡海輕軌」設有「綠山線」、「藍海線」，兩條路線去到「濱海沙崙站」就會分成兩條路線，能夠前往「淡水漁人碼頭站」嘅為「藍海線」。官方有輕軌時刻表，時間固定，站與站之間唔算耐。而乘搭客運紅26從捷運「淡水站」至「情人橋」最快係15分鍾左右，似乎係比較快，不過一旦遇上塞車就比較麻煩，時間難以控制。

乘搭「淡海輕軌」同捷運一樣，使用悠遊卡就得，不過出入站同捷運稍有分別。但對於香港人嚟講，應該比較容易理解，因為出入站就同香港輕鐵一樣，上車前於拍卡位拍卡，落車後再於出站拍卡位拍卡付款就得。

票價方面，「淡海輕軌」官網亦有標示公價，所有輕軌站票價都介乎於NT20至NT30，最貴嘅係來往「紅樹林站」至「淡水漁人碼頭站」。而網上亦有「輕軌一日券」，來往淡海至安坑一帶景點，人均港幣HKD12就可以全日無限次乘搭！

「淡海輕軌」車廂內有唔少廣告版位，亦特別打造繪本藝術家「幾米」童話裝置藝術主題系列，成就幾米藝術輕軌站。車廂內以《閉上眼睛一下下》為主題，將繪本同公共藝術二合為一。當中，有幾米繪本場景、壁畫及雕塑公仔，相當療癒，可謂最靚輕軌線！旅客無需要專程前往「宜蘭火車站」，亦可以於幾米車廂打卡！

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 官方網站為https://www.ntmetro.com.tw/，輕軌既接受悠遊卡付款，亦接受Line Pay Money、 MasterCard信用卡、Apple Pay、Google Pay與Samsung Pay付款。

❷ 乘搭捷運淡水信義線至「紅樹林站」，於1號出口離開，左轉徒步約5分鐘即達。淡海輕軌車站」。

❸ 車廂內不時有唔同主題可以打卡。

❹ 輕軌列車來往「淡水漁人碼頭站」至「紅樹林站」大概需時30分鐘，而等候發車時間則約10至15分鐘。

EATWO

Miss A

【區區有小店2024】新蒲崗17間尚存本土餐廳推介！干炒粒粒通／芝味壽司／野菜料理｜新蒲崗美食推薦2024

兩個人旅吓行

專題

E.A.Tips :

淡海輕軌紅樹林站

淡海輕軌淡水漁人碼頭站