【台北景點】台北101隱身巷弄秘境打卡！城中超簡單行山路線Chill住走象山遠眺全台第一高樓

「台北101」係最能夠代表台北市嘅知名建築物，唔少人到台北都會到摩天大樓內嘅觀景台賞景，或者到附近「象山步道」從高空遠眺101層高嘅「台北101」。今次編輯就帶大家前往隱藏於巷弄中拍攝「台北101」嘅打卡好去處，一條路線可以走畢3個拍攝台北地標嘅好地方！

台北101觀景台

位於台北市信義區嘅「台北101」，樓高超過509米，呢幢摩天大樓內有地下5層及地面101層，既係「全台第一高樓」，同時係「世界第一高樓」，到台北必然要朝聖！

事實上，「台北101」本身係以後現代主義建築風格設計，將工業用料變成亞洲美學，更獲得美國認可嘅環保建築認證。大樓結構獨特，既可防禦地震、熱帶氣旋等，室內外亦有觀景台、商店等設施。

摩天大樓內嘅觀景台固然係打卡位，但並非處於最頂層，皆因該層只係用作接待超級貴賓。觀景台只係位於89樓「高空Sky Lounge區」，而各層展望台則分佈於88樓、89樓、91樓，而101樓需要加價。無論係日光定夜晚時份，都可以享受不一樣嘅最高視野景觀，能從高空觀景台360度環瞰整個台北市，享受無邊際景觀。

台北101巷弄秘境

想要找尋拍攝「台北101」嘅獨特角度，部份人會前往松高路「陶朱隱園」打卡，加鏡面效果，「台北101」自然被包圍起來。不過，編輯另有更好影相位，只要多走大概15分鐘，就可以到達一個拍攝「台北101」最美視角嘅小巷！

巷弄隱身於「台北101」南方，打卡位喺松仁路其中一道小巷內。從巷弄中拍攝，整座「台北101」並無遮擋，而且構圖獨特，新舊融合，大樓亦清楚活現眼前。

當大家以為「台北101」巷弄打卡位係好唔就腳嘅時候，細心一睇會發現，其實從該位置可以繼續上行至「象山」。故此，建議同時走「象山親山步道」！

象山親山步道

「象山」係台北市受歡迎嘅行山路線之一，從觀景台可高空遠眺整座「台北101」及台北市風景。而「象山親山步道」並不複雜，簡單易行，輕鬆已經可以到達賞景位置，簡單程度媲美香港「嘉頓山」、「平山」、「觀景山」。

同樣位於信義區嘅「象山」，海拔約有183米高，走「象山親山步道」就係最簡單嘅路線，但全長都有1450米，2小時內足以走完整條步道。而「象山」屬「四獸山」之一，與台北「獅山」、「虎山」、豹山」齊名。而「象山」並非只有白天景觀出色，「象山」夜景亦非常聞名，台北夜色醉人，亦吸引唔少人特意上山賞夜景。

基本上「象山親山步道」都係圍繞住西側山腰及山而走，步上觀景台，視野良好，整座「台北101」清晰可見，同「台北101」觀景台俯視角度或者巷弄角度相比，各有美感。如果想要走深度遊，可以繼續找尋「象山」六巨石及露出嘅地層，以及當中欣賞價值頗高嘅陡峭岩壁。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 乘搭捷運淡水信義線至「台北101/世貿站」徒步約1分鐘即達「台北101」大樓。

❷ 拍攝「台北101」巷弄位置距離「台北101」大概有15至20分鐘步程，可以定位「竹村居酒屋」。

❸ 建議先走巷弄，再上「象山」，然後折返「台北101」大樓。

❹ 捷運淡水信義線至「象山站」2號出口會比較近「象山」入口。

❶ 若去「台北101」建議預先上網購票，kkday或klook可買票，售票處位於5樓，成人每人NT420，而「Skyline天際線460票」則售NT3,000，可以通往91F、89F、88F，而101F要再加NT380。