價錢高未必一定係美食，價錢低亦唔等如係劣食，美食可以係躲藏於一個角落地方，觀塘工廈向來係有唔少本土嘅寶藏，今次又到其中一幢工廈搵食醫吓肚，店內現時並無堂食，只有外賣，餐牌內多以日式定食為主，最平一款只係$48，拍拖兩個人隨時可以$100埋單。
店名以「一期一會」命名，前身叫「岩本便當」，內裏有日式屏風，你又知唔知咩叫「一期一會」呢？事實上，「一期一會（いちごいちえ）」係來自日本茶道，主旨係要知道呢次相會係無法重來，機會可能只有一次，時光唔會再來，故此需要俾誠意，亦需要珍惜。
小店食物款式不少，包含有定食、吉列炸物、烏冬、拉麵、烤魚、日韓小食，豬牛雞魚都有，外賣就似一款款日式便當，都算方便。配菜本身有芝麻醬椰菜沙律蘿蔔漬，加$3日式涼拌豆腐，加$4可轉日式柚子蘿蔔、韓式醃青瓜、韓式醃辣蘿蔔，加$5可轉韓式小米蟹、日式雜菜、糖心蛋、溫泉蛋、手工泡菜，加$8更可轉玉子燒，芝麻醬椰菜沙律蘿蔔漬就好簡單，就係麻醬拌沙律，而日式涼拌豆腐亦係麻醬拌豆腐，同樣簡潔。
醬燒牛肉定食$54，飯量可以自由挑選，珍珠米煙韌，但有比較乾，亦可以揀配搭日式飯素、韓式飯素或日式小梅，肉量更可選並盛或大盛，即正常或1.5倍嘅肉量，即使只係並盛，都裝滿便當一角，牛肉軟腍，牛味濃郁，大多數都係偏瘦，就只有部份偏肥，但有牛脂感，並非乾柴，醬汁濃厚，可以揀元祖清甜、關東濃口風味，前者就已經夠香口，啖啖有洋蔥香味，略帶清甜，比連鎖店只有死鹹醬汁同似紙皮牛肉嘅牛肉丼更惹味。
至於京蔥牛舌定食$52，牛舌份量亦唔少，舖滿一角，牛舌都幾大塊，煮得腍身，唔會好韌，入口感覺柔軟，只係簡單有蔥香同醬汁，狀似平常嘅和風醬汁，醬汁、京蔥、牛舌炒勻之後，令牛舌增添一股醇香。
E.A.Tips :
❷ 付款方式接受Cash、PAYME、FPS、八達通。
❸ 下午茶時間為15:00至17:00。
❹ 現時只有外賣自取，無堂食。
❺ 需要用QR Code點餐。
❻ 加$3有味噌湯包，可沖泡一小杯。
一期一會· 尋味
觀塘成業街19-21號成業工業大廈5樓13室
11:00 – 20:30
9541 7943
荃灣大良甜品店$20有交易！老店鴻輝記傳統糖水﹕古法製芝麻糊／合桃糊／杏仁糊？
【#中式糖水】以往拍拖兩個人喺香港食完晚餐，唔少得就係去搵間糖水舖sweet吓，就算多個朋友gathering亦少不免用甜品店延續聚會時間。不過，香港餐廳營業時間愈嚟愈短，大多好早就收舖，想要食個糖水都唔容易。荃灣就有間以中式甜品為主嘅小店，唔單止不時大排長龍，頗受到街坊歡迎，而且最平$20就有交易！
荃灣罕見真地踎大排檔！食得喜小廚正對三棟屋博物館！椒鹽鮮魷／滷水鵝／酥炸蠔餅／小炒皇
【#香港大排檔】以前食大排檔係因為價錢平，但今時今日食大排檔無幾百一千都難以埋單，恍惚係一種由低消費變成高消費嘅文化。拍拖兩個人去食大排檔其實一直都唔係好抵，份量多而菜式選擇少，平均價格就好高，所以大排檔係一大班朋友聚會先至比較適合。如果有朋友想食大排檔，不妨揀荃灣呢間老牌地踎大排檔，位置正對三棟屋博物館，起碼仍然有得揀。
佐敦70年代老牌西餐廳！牛屋餐廳懷舊扒房港式西餐最平$48﹕蒜蓉雞扒／威靈頓牛柳／原條牛脷／德國鹹豬手
【#平價西餐廳】有時候，情侶拍拖兩個人想搵間浪漫西餐廳撐檯腳，想慶祝吓紀念日或生日，但唔知道有咩好選擇，又擔心價格over budget。今次E.A.Two前往一間座落佐敦有超過50年歷史嘅老牌懷舊西餐廳，感覺似港式西餐，價格竟然低至$48！
復古商場近尖沙嘴重慶大廈！濕潤英式鬆餅花華慶方重開！與Peek-a-Poke招牌夏威夷丼飯相連！
【#簇新商場】尖沙嘴重慶大廈向來係一個聚集東南亞人嘅地方，一般本地人比較少會進入呢個殘殘舊舊嘅地方。而呢幢樓附近竟然有個表面簇新而入面賣復古風嘅商場。呢個商場入面有兩間小店相連，不妨拍拖兩個人去醫吓肚。有留意E.A.Two嘅讀者應該知道我哋亦曾經食過，當中包括夏威夷丼飯，重有一間由咖啡店變酒場嘅食肆，店內嘅英式鬆餅絕對令人難忘！
【區區有小店2025】九龍塘5間尚存本土餐廳美食！校園西餐廳／散水餅Cupcake／台式手搖飲
【#大學餐廳】雖然處於結業潮當中，但香港小店依然不少，只要有心尋找，拍拖兩個人留港搵食其實不難。E.A.Two繼續為香港人搜羅仍舊隱身香港、默默經營嘅地道小店，而且唔少都有一定水準。小店選擇眾多，每間各有優點同缺點，好食就食多啲，唔好食唔好逼自己食，希望本土香港人明白，自己小店自己撐！呢篇係九龍塘篇﹕
葵興KCC商場聚集小店！瓜破菓子店網店變實體！和風甜品x烏冬套餐有9折優惠！
【#和風蛋糕】葵涌一帶一邊係工業區，另一邊係住宅區，當中以葵興KCC商場比較為人熟悉。呢個商場雖然地方細小，但就一直聚集唔少小店，適合拍拖兩個人去醫吓肚。今次就前往一間開放式食店，該店由蛋糕網店變成實體店，除咗和風甜品，重有烏冬套餐，食烏冬或飲咖啡再食蛋糕更有9折優惠！
金鐘CBD隱藏歷史遺跡！香港賽馬會復修軍火庫空中花園眺維港！入口神秘、保留火藥路軌、打卡石屎森林蜿蜒天橋！
【#CBD景點】香港CBD一帶向來都係金融中心、商業地區，四圍都係高聳商廈，景點並唔多，唔係近海就係近山。今次E.A.Two帶大家前往隱藏於金鐘區內嘅歷史遺跡，既保留舊時軍火庫，亦加入可眺望維港嘅空中花園，放空必到！拍拖兩個人更可以打卡石屎森林中嘅蜿蜒天橋，景點免費入場！
【下集】直擊馬灣舊村8大僅存完整保留打卡位！2025年翻新完畢正式開放、全變空盪盪彩色小屋？
【#全新開放】馬灣舊村早年被完全封鎖，經過幾年重修，最近終於翻新完畢，並正式開放公眾入場，有關當局似乎有意模仿意大利「五漁村」，將破舊小屋通通髹成繽紛彩色小屋，並加插藝術壁畫，吸引拍拖兩個人同一家大細入場打卡，同時命名為「馬灣1686」，到底昔日馬灣舊村變成咩樣呢？今次E.A.Two正式走入全新馬灣地標，發現大部份地方都已經人面全非，舊屋通通變成空有華麗外觀、缺乏實際內涵嘅彩色小屋，只係勉強搵到有8個僅餘完整保存嘅地方，即刻睇吓係邊幾個地方！
實試百年法定古蹟導賞團、螺旋形樓梯登小平台！些利街清真寺毗連中環半山扶手電梯！假日開放、打卡搶眼薄荷綠色！深入了解穆斯林與天主教分別！
【#隱藏平台】香港有唔少教堂都好靚，但大多數都係來自於天主教、基督教，來自於伊斯蘭教嘅清真寺就相當稀少，九龍、港島分別僅有1間，皆位處該區繁華地帶。E.A.Two曾經前往港島區清真寺，被薄荷綠色建築同獨特裝修設計吸引，未有深入了解，今次就嘗試參觀導賞團，了解香港殖民時代嘅穆斯林歷史文化，更有機會破例登上旋轉樓梯上嘅大平台，真歷史建築值得拍拖兩個人逛逛！
九龍西廢棄炮台隱藏尖沙嘴九龍公園！改建歷奇樂園遊樂場變小型城堡／瞭望台
【#神秘炮台】講到香港景點，身為香港人已經去到無意欲再提；所謂情侶拍拖兩個人嘅香港好去處，已經被網絡平台講到「爛」。個「爛」係歧義，一係指講得太多，令景點變成係人都知，唔再新奇有趣；二都係講得太多，但就引咗太多人去，令景點真係變得殘舊。「九龍公園」都算係講到「爛」嘅知名香港景點之一，最近更有博物館展出全新嘅「恐龍化石」，推動「恐龍經濟」！而事實上，公園內重有一個真真正正隱藏嘅歷史痕跡，只不過炮台堡壘一早變成遊樂場！
驚見全港最神秘郵筒！青山醫院參觀精神健康體驗館設5大展區 即睇報名方法體驗精神病患者情況
【#了解精神病】青山醫院向來都係重門深鎖，外人一般係嚴禁進入，而偏偏有個全港最獨特嘅英式郵筒就位於醫院範圍內，真係神秘得難以找尋！近月，青山醫院內就開放一個精神健康體驗館，不妨拍拖兩個人去了解吓精神病患者嘅實況。原來亦只可以從後門進入。不過，E.A.Two編輯入正門問路，赫然發現呢個最神秘嘅郵筒竟然活現眼前！
香港機場禁區美食廣場僅存2間小店！上機前歎米芝蓮級阿元來了／兩姊妹涼皮！即睇正確位置＋營業時間
【#禁區餐廳】今年電影《九龍城寨之圍城》風靡唔少港人，最近香港機場都特設一個香港電影展覽。以前城寨處於舊機場旁邊，而家將城寨搬到新機場﹐認真奇妙！去旅行搭飛機前，除咗睇展覽，唔少得係搵吓上機前有咩食，機場禁區選擇雖然不少，但現時小店只係剩返2間，同樣都係《米芝蓮》水平嘅小店。一間近閘口，另一間則位於偌大窗戶旁邊嘅美食廣場，即刻睇吓呢2間小店嘅正確位置同營業時間啦！