【展覽活動】MCP新都城中心木系小型遊樂場真木材製夏日森林小天地

香港商場活動復甦，唔少商場活動一個接一個，今次走到MCP新都城中心，當中係一個以木系森林為主題、來自台灣嘅夏日小型遊樂場，細心啲睇用料係以木材製造，為港人及小朋友提供木材教育，構成真正嘅木育森林，果然係台灣先會重視嘅話題。

MCP新都城中心以「Summer In the Wooderful Land」為題，打造台灣超人氣木系遊樂園「木育森林」香港站，為本地首個木育主題玩樂園，當中有一棵6米高森林樹屋，不單可以學習木碎好少年木藝，更有香港站限定體感模擬空中飛索大挑戰。雖然香港重視金錢多於環保，但呢個活動仍然以樹木、大自然為主題，帶出「木育」呢個環保題材，俾公眾有更多生態保育及環保概念。

由7月15日至9月3日，新都城中心2期都有一個室內木造遊樂園，都係文青、親子打卡好去處，喺台灣受到歡迎，有教育意義，又有療癒感，整個活動結合知識、科學、競技、療癒、闖關，有互動遊戲，亦有木藝展覽，更有保育證書小學堂，加強港人保育意念。當中，木育闖關區、木育競技區木球發射場就只限H・COINS會員可一試。

現場有如在森林和園野設計，有熊先生、小浣熊，入面又有樹屋、韆鞦等打卡位，不過韆鞦睇嚟唔會太user friendly，眼見唔少人打卡都要不斷避開背後行過嘅途人，其實既然係想整個打卡位，點解背景唔係向返樹屋一方呢？

而森林樹屋上有可愛小狐狸，下面就有木育展覽區、木碎好少年、木育科學區、木匠教室，當中有專程採集自台灣及世界各地嘅原木，甚有心思。小枱有木質四巧板、魯班鎖設計，俾公眾或小朋友可以動動腦筋玩吓小遊戲，寓學習於娛樂。

另一邊更有一棵木育大樹，寫滿各類森林與木嘅知識，更有解構樹木件輪秘密，而呢一個角落，大概只有少數人先會前往，估計因為咁嘅緣固，先將呢部份放到最末端。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 木育遊樂小學堂亦為H・ COINS會員而設，以3,000 Coins,即可於H・COINS手機應用程式換領電子入場證乙張。

❷ 長達1小時的小學堂由「木碎好少年」的導賞團開始，帶領各位欣賞木育展覽，以及於木球發射場擔當神射手，體驗並了解木炮的製作原理。

❸ 之後更特設，再造木匙扣工作坊，設計及製作出獨一無二的匙扣，完成學堂的小朋友更可獲贈參與證書。

❹ H‧COINS會員於場內以電子貨幣單一消費滿HK$500,經H‧COINS手機應用程式自助上載消費單據或親臨會員專區進行登記，成功登記賺取COINS後並於手機應用程式上MCP CENTRAL & MCP DISCOVERY頁打開印花收集卡,即可獲電子印花1枚。集齊3枚電子印花後，即可換領MCP x 木育森林期間限定木盒種子盆栽，有適合種植新手的粉嫩少女色的波斯菊和充滿正能量的向日葵兩款種子可供選擇。