【展覽活動】香港仔中心隱藏打卡館 10個韓式美食主題夏日好去處

夏天溫度上升，到戶外只能去水上活動，否剛最適合於室內逛街，唔少人都鍾意拍拖兩個人搵地方影相打卡，多個大型商場都提供打卡位，而其實小型商場都有適宜打卡嘅展館。最近香港仔中心就有一個韓式迷你照相館，以韓國美食為主題，大概10個主題俾公眾隨意打卡。不過，小型商場活動現場實況上有個問題，就係即使活動係免費入場，令唔少人過門而不入，大多數人經過都唔敢進入，到底點解？

最近，香港仔中心以《香港仔中心 X 韓食∙韓色夏日照相館》為題，設立10大韓食主題場景，俾公眾自由入場打卡，色彩豐富，加入韓國潮流元素，重有知名美食，例如韓式炸雞、杯麵等美食作打卡裝置，更有韓國地鐵月台、路邊攤、韓式Cafe等場景，充滿少女心，最啱IG打卡，恍如找尋Oppa的韓妹。

香港仔中心係港島一個小型街坊商場，展覽活動位於層數較高之處，人流唔算多，而多數人經過都唔敢進入，編輯亦誤以為要有咩要求先可以進入，但實情上任何公眾都能進入參觀及打卡。雖然門口寫有免費入場，但可能字句太細小，一般人未必留意到，望向室內，有如收費場地或Studio，自然唔敢進入。如果要有效增加人流，或者要更明確話俾公眾知道，場地係容許公眾自由出入。

10大韓式打卡位

韓國地鐵站月台

甫踏入門口，就有一個韓國地鐵站月台映入眼簾，綠色月台相當搶眼，設計者大概想令韓迷諗起某啲韓劇。

韓迷手信

於門口左手邊，即會見到ACmart超市模樣嘅打卡位，就似一間24小時唔會休息嘅超市或便利店，場景紅粉緋緋，擺明引誘一眾擁有少女心之人。ACmart韓風購物車載滿貨品，令打卡者有如於韓國搜羅大熱零食。

韓式Cafe

位於手推車旁邊、近門口位置有一間小型雲朵咖啡室，以糖果系色調為主，粉紅、粉藍色加上雲朵狀裝飾，韓流味十足，雖然無乜特別，但就係屬典型韓國Cafe樣版。

韓風杯麵溫泉

韓國出名嘅名物當然有杯麵，Cafe對面有一個巨型杯麵，被形客為「韓風杯麵溫泉」，令人打卡時可有如置身杯麵溫泉內，感受熱湯嘅熱血沸騰感覺。

美味韓式炸雞

於韓國美食中，炸雞係其中一種韓國人非常熱愛嘅國民美食，連港人都好鍾意，故炸雞盒必然要出場，不過cusion有幾分似淘寶貨。

香甜香蕉奶

一端裝滿香甜香蕉奶嘅韓式販賣機，同樣係以韓國人鍾意飲嘅韓國招牌香蕉奶為主，不過啲cusion都係伕淘寶貨。

Y2K心心牆

香蕉奶旁邊有一面打卡牆，而牆上面以現時流行嘅Y2K風格設計，加上愛情信箋，不過比較單調，唔講唔知係其中一個場景。

韓式路邊攤及迷幻韓米酒

另一邊盡頭就有一間展現韓國地道風味嘅路卧攤，天花擺滿燒酒樽，加上牆上霓虹燈裝飾、銀色鐵圓桌、汽水籃組成嘅櫈，係有幾分似韓式餐廳。

夏日水果空間

轉入去，會見到盡頭有一個夏日水果空間，擺放咗一張沙灘椅，地下以沙灘設計，兩側就有檸檬、青檸，似乎係想俾人一個戶外感覺，似足濟州島，但感覺就係一個有冷氣嘅沙灘。

甜蜜Donut滋味

十個場景當中，比較估唔到係呢兩粒繽紛Donut，圓碌碌嘅大小Donut，有如烘焙店嘅Donut，係兩粒3D版Dunut，相對嚟講用料係比較實在，簡單得嚟有設計感，似乎愈簡單反而愈好。

活動其實有一個周末限定，以韓國人氣大熱「個人色彩診斷」為主，為大家搵出個人「命定色」，只係一個「個人色彩診斷」體驗服務，而月台旁邊嘅小型化妝間就係呢個用途，有機會有專業個人色彩分析師Carrie Kwok幫助主行專屬色彩檢定，即時提供日常穿搭指示及彩妝建議。

香港仔中心引入不同地區風味美食，其中包括台灣風味 – 犀牛犀牛，有興趣可以行過去醫吓肚。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 活動引入韓國熱話「個人色彩診斷」貼心體驗，於指定日子憑指定消費相約色彩診斷師，可尋找天生「命定色」。

❷ 活動提供夏日消費賞，可換領餐飲現金券，晚上6點後堂食加碼賞惠顧滿$600可換領$200餐飲現金券。

❸ 於7月1日至8月6日（逢星期六及日），凡於香港仔中心最多兩間不同商舖以電子貨幣消費滿指定金額，即可於消費當日換領指定餐飲商戶現金券，消費滿$300可獲贈$50餐飲現金券；消費滿$600更可獲贈$100餐飲現金券。

❹ 同期亦推出晚市堂食加碼賞，於下午６時後在香港仔中心惠顧任何食肆商戶堂食，以電子貨幣單一消費滿指定金額，消費滿$300可獲贈$100餐飲現金券；消費滿$600更可獲贈$200餐飲現金券。