香港人向來鍾意食甜品，尤其係IG-able嘅甜品，往往都可以相機食先，最啱男仔帶女仔去食，灣仔有一間小店隱藏於鬧市商場角落，不單有打卡甜品，重有飽肚之選，適合拍拖兩個人醫吓肚，男仔食得飽，女仔又可以影相，一舉兩得！
雖然因為將日本大熱嘅鹹甜千層帶嚟香港，成為一部份人嘅打卡小店，但其實呢間以「吔嘢事務所」命名嘅食肆，原先只係以三文治起家。小店位處灣仔集成中心商場一隅，於上年先開業，若然非刻意尋找，大概未必留意到呢間角落小店。
店內朝早有多份三文治可擇，其中招牌之作係店長最愛之治$42，即係水牛城醬炸雞三文治，小食就有倦鳥孜返、港式摔角、牛角包窩夫等，部份用字有趣。蝶豆花玫瑰梳打亦係打卡飲品之一，藍調與紅調混合之前其實幾靚，混合後變得污濁，反正混合後只係單純用嚟飲，好彩甜度唔高。
而午餐就有多款便當飯類，其中有好味嘅畢他初切勒$49、唔正宗三杯雞飯$49。畢他初切勒驟眼睇名稱奇怪，但明顯係印度名字，充滿東南亞風格，包含印度風味牛油雞便當配煎蛋，而後者就以台式三杯雞便當為藍本，變成帶有港式風味嘅三杯雞飯，再配上溏心蛋，其實便當組合都有啲九唔搭八，水準一般，唔係難食，但稱唔上好食，勝在價錢相宜，灣仔區Lunch $50有找重想點？如果於附近返工，最適合當作飯堂！
重點嚟啦！店內必食之作係酥皮調色板，亦即係法式千層酥。當中有鹹有甜，包括有朱古力香蕉、哈蜜瓜配風乾火腿、青提子配酒釀提子乾，基本只限平日，而藍莓忌廉芝士千層酥就只限週末，價錢較高，全份$68、半份$39。今次編輯選擇二合一，將兩個半份合拼，價錢其實變得較高，千層酥內紅紅綠綠，顏色鮮艷奪目！
其中，士多啤梨千層酥含士多啤梨、吉士醬、士多啤梨醬，全份$68、半份$39；而抺茶吉士配麻糬千層酥則含麻糬、抺茶吉士醬、紅豆蓉、抺茶醬、日式抺茶蕨餅，全份$58、半份$35，將兩份合拼，價錢為兩個半份計算，即$39加$35，今次做咗一個錯誤示範，其實除咗可以同時試兩款口味之外，就無乜好處，建議一係全份一種口味，或者兩份兩種口味。
巨大千層酥被膠袋包封，放置一個有設計感嘅特製方形小盒內，港味十足，感覺係日式千層酥配上少少香港味道。千層酥直徑有約6吋長，大塊得有如舊時嘅光酥餅，入口就似拿破崙，法式千層酥(Mille Presse)酥脆可口，絕對唔只IG打卡用途，真係入得口，而且要豎起手指公讚賞。
內餡用料實在，一邊舖滿士多啤梨、吉士醬，另一邊亦放滿抺茶、麻糬，毫不吝嗇，軟心內餡帶上水果香甜味，濕潤中有煙韌口感，有料有誠意，充滿質感，同外邊酥脆口感構成對比，整體層次豐富。
小店並非一般文青Cafe，或打卡小店，室內一直播放香港本地流行歌曲，牆上又掛滿香港電影截圖，加上各類港式裝飾物、hashtag、語錄，感覺本土味濃厚，尤其係廣東話、粵語方面， 一句「吔嘢」就知道，店主有幾愛香港。
E.A.Tips :
❷ 下午茶時間為14:00至18:00。
❸ 製作需時，所以要比較等得耐。
❹ 早餐時間為08:00至11:00。
吔嘢事無所
灣仔軒尼詩道302-308號集成中心地下G4號舖
星期一至五11:30 - 20:15；星期六11:30 - 18:30；星期日全日休息
6694 4128
西環蛇竇茶記創意咕嚕拔絲豬扒包！早午晚下午茶時間真「蛇王」無限時任坐！
【#創意豬扒包】茶餐廳係係好有獨特風格嘅香港特色之一，港式茶餐廳其實唔只係香港人嘅飯堂，唔少旅客都會專程去港式茶記搵食。不過，拍拖兩個人去茶餐廳，可能會畀人感覺太迆，但其實只要搵到賣相同味道兼備嘅經濟選擇，一樣可以係男男女女一齊去食嘅小店。
美孚全新五目食堂街坊價日式定食餐CP值高！甜品森林姊妹店、Cafe 82舊店重開！
【#美孚新店】雖然香港近年係出現結業潮，但依然有唔少小店於逆市中開業，非常勇敢，更加值得拍拖兩個人支持。美孚早前就有間咖啡店宣告結業，近日就有間同樣位於該區嘅小店喺原址開設姊妹店，以日式定食為主打，E.A.Two前往呢間新店嘅時候，只係剛剛試業5日！
上環半山樓梯街轉角黃色頭盔公仔壁畫已失蹤！輝煌快餐店平價港式碟頭飯！醫學博物館咫尺可達！
【#半山快餐店】香港地道美食其實真係值得推廣出去，雖然好多已經消失得無影無蹤，但依然有唔少真港式美食存在。現時好多香港餐廳已經唔再係本土美食，甚至只係扮港式，如果唔同外地旅客講，真係外地旅客們好大可能會誤解咗港式餐廳。E.A.Two今次上行至上環半山一帶，再次前往當中一間樓梯轉角處嘅地道港式快餐店，呢間小店毗鄰一間博物館，適合拍拖兩個人前往，只不過原先嘅靚靚壁畫已經被消失。
灣仔《米芝蓮》中菜原汁原味、主打無味精菜式！原籠蒸飯／鴨腿湯飯／菠蘿咕嚕肉、$8碗中式糖水
【#原汁原味】香港餐廳能夠經營多年唔容易，能夠維持水準更難，灣仔有一間標榜無味精同少油嘅中菜館，連名都講明「原汁原味」，甚至獲得《米芝蓮》星級推介，追求無味精嘅話，不妨拍拖兩個人一試。
坪洲轉角咖啡店出色Affogato／椰子咖啡！Island Table Grocer Cafe 距碼頭僅130米、餐牌設飽肚菜式
【#坪洲咖啡店】坪洲係一個香港小島，地方細到想拍拖兩個人搵多幾間小店都唔容易，因為本身餐廳都係比較少。E.A.Two就曾經去過當中一間茶餐廳，今次就去另一間咖啡店，希望佢依然係一間小店啦。
西九文化區海濱長廊海景咖啡店Cupping Room分店眾多！椰香抹茶／香料咖啡、特設寵物美食／冠軍精品咖啡？
【#海景咖啡店】海景Cafe向來就係一個流量密碼，唔少人都鍾意拍拖兩個人前往能夠望海嘅咖啡店，景觀多數都係令人放鬆，而鍾意打卡嘅朋友更加會鍾意打卡呢一類型嘅咖啡廳。而E.A.Two就發現目前嘅西九文化區一間都無食過，所以至少去補返一間先，今次呢間咖啡店於香港有多間分店，唔單止有冠軍精品咖啡，戶外座位亦係寵物友善嘅空間，入面更特設寵物美食。
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。
金鐘CBD隱藏歷史遺跡！香港賽馬會復修軍火庫空中花園眺維港！入口神秘、保留火藥路軌、打卡石屎森林蜿蜒天橋！
【#CBD景點】香港CBD一帶向來都係金融中心、商業地區，四圍都係高聳商廈，景點並唔多，唔係近海就係近山。今次E.A.Two帶大家前往隱藏於金鐘區內嘅歷史遺跡，既保留舊時軍火庫，亦加入可眺望維港嘅空中花園，放空必到！拍拖兩個人更可以打卡石屎森林中嘅蜿蜒天橋，景點免費入場！
【下集】直擊馬灣舊村8大僅存完整保留打卡位！2025年翻新完畢正式開放、全變空盪盪彩色小屋？
【#全新開放】馬灣舊村早年被完全封鎖，經過幾年重修，最近終於翻新完畢，並正式開放公眾入場，有關當局似乎有意模仿意大利「五漁村」，將破舊小屋通通髹成繽紛彩色小屋，並加插藝術壁畫，吸引拍拖兩個人同一家大細入場打卡，同時命名為「馬灣1686」，到底昔日馬灣舊村變成咩樣呢？今次E.A.Two正式走入全新馬灣地標，發現大部份地方都已經人面全非，舊屋通通變成空有華麗外觀、缺乏實際內涵嘅彩色小屋，只係勉強搵到有8個僅餘完整保存嘅地方，即刻睇吓係邊幾個地方！
實試百年法定古蹟導賞團、螺旋形樓梯登小平台！些利街清真寺毗連中環半山扶手電梯！假日開放、打卡搶眼薄荷綠色！深入了解穆斯林與天主教分別！
【#隱藏平台】香港有唔少教堂都好靚，但大多數都係來自於天主教、基督教，來自於伊斯蘭教嘅清真寺就相當稀少，九龍、港島分別僅有1間，皆位處該區繁華地帶。E.A.Two曾經前往港島區清真寺，被薄荷綠色建築同獨特裝修設計吸引，未有深入了解，今次就嘗試參觀導賞團，了解香港殖民時代嘅穆斯林歷史文化，更有機會破例登上旋轉樓梯上嘅大平台，真歷史建築值得拍拖兩個人逛逛！
九龍西廢棄炮台隱藏尖沙嘴九龍公園！改建歷奇樂園遊樂場變小型城堡／瞭望台
【#神秘炮台】講到香港景點，身為香港人已經去到無意欲再提；所謂情侶拍拖兩個人嘅香港好去處，已經被網絡平台講到「爛」。個「爛」係歧義，一係指講得太多，令景點變成係人都知，唔再新奇有趣；二都係講得太多，但就引咗太多人去，令景點真係變得殘舊。「九龍公園」都算係講到「爛」嘅知名香港景點之一，最近更有博物館展出全新嘅「恐龍化石」，推動「恐龍經濟」！而事實上，公園內重有一個真真正正隱藏嘅歷史痕跡，只不過炮台堡壘一早變成遊樂場！
驚見全港最神秘郵筒！青山醫院參觀精神健康體驗館設5大展區 即睇報名方法體驗精神病患者情況
【#了解精神病】青山醫院向來都係重門深鎖，外人一般係嚴禁進入，而偏偏有個全港最獨特嘅英式郵筒就位於醫院範圍內，真係神秘得難以找尋！近月，青山醫院內就開放一個精神健康體驗館，不妨拍拖兩個人去了解吓精神病患者嘅實況。原來亦只可以從後門進入。不過，E.A.Two編輯入正門問路，赫然發現呢個最神秘嘅郵筒竟然活現眼前！