【區區有小店】菜式篇！港九新界尚存Pizza店 4間本土推介Pizza餐廳｜Pizza推薦2023

香港本來就係國際美食匯聚嘅地方，雖然環境有好大變化，唔少餐廳都陸續出現結業潮，但其實依然有唔同餐廳小店尚存，更有唔同類型嘅菜式可以選擇。今次區區有小店就為大家整理港九新界尚存嘅Pizza餐廳，適合拍拖兩個人前往，即刻睇睇菜式推介之Pizza選擇！

九龍

孖宝薄餅屋/孖寶薄餅屋

由外賣店轉為堂食店嘅「孖寶薄餅屋」，價錢可謂時光倒流價，相信係附近學生嘅飯堂，既有pizza，亦有炸雞、意粉等西式快餐，只係pizza屬港式麵包類pizza，但已經比連鎖店更有價值，不過只此一店。

延伸閱讀﹕【野餐隨行】慈雲山8月新店外賣自取平過堂食肉醬意粉多料到滿瀉套餐$40有找公園自製High Table歎高汁炸雞/Pizza

趣意廚 DK Pizza Cafe

毗鄰連鎖店嘅「趣意廚 DK Pizza Cafe」，同隔離著名嘅連鎖pizza店一樣，以pizza、意粉等為主打，亦有多款小食，有如pizza為主題嘅cafe，只係與「孖寶薄餅屋」一樣，都係屬港式麵包類pizza，不過走進小店總比走進連鎖店好。

延伸閱讀﹕長沙灣炸雞薄餅店毗鄰Pizza Hut 外賣享9折優惠人均$50有找

Tino's Pizza 堤諾比薩

如果想食正宗意式pizza，其中一間推介嘅係來自台灣嘅「Tino’s Pizza 堤諾比薩」，小店於台灣為人氣之作，而香港則搬來搬去，現時店舖則設於深水埗市中心一帶，pizza為薄批底，能夠稍為捲起，只係部份配料偏向港式。

延伸閱讀﹕全港唯一分店！台灣過江龍堤諾比薩深水埗鬧區炮製正宗意式Pizza

離島

The Kitchen

講到編輯私心推介，必定係位於梅窩「The Kitchen」！小店應該係全港數一數二高質素嘅pizza店，pizza極為正宗及地道，薄餅屬薄批之餘，每一塊亦可以輕鬆捲起，餡料完全包裹於pizza餅底內，pizza輕軟，餡料亦實在，細批已經係出面嘅大批，非常抵食！值得一提，小店最多嘅客人唔係香港人﹐而係外藉人士。