香港本來就係國際美食匯聚嘅地方，雖然環境有好大變化，唔少餐廳都陸續出現結業潮，但其實依然有唔同餐廳小店尚存，更有唔同類型嘅菜式可以選擇。今次區區有小店就為大家整理港九新界尚存嘅海南雞飯餐廳，適合拍拖兩個人前往，即刻睇睇菜式推介之海南雞飯選擇！
港島
黃金雞
海南雞有來自泰式同新加坡，其中港島區「黃金雞」就係一間泰式海南雞飯外賣店，價格相宜，一盒雞飯套餐更配有雞湯，絕對係糧尾恩物。
九龍
幸福海南雞
大角嘴區內有多間海南雞飯專門店，其中「幸福海南雞」就係隱藏於大角嘴舊區，每份海南雞份量充足，而味道亦保持水準，編輯前往該區時，不時亦會當為飯堂。
後生仔海南雞1998
原先位處旺角女人街嘅「後生仔海南雞1998」，現時已經搬到深水埗西九龍中心food court，海南雞飯有4款口味任擇，不過編輯比較鍾意薑蔥味海南雞飯。
泰風佳味海南雞
躲藏於旺角熟食中心內嘅「泰風佳味海南雞」，顧名思議以泰式海南雞為主打，價格相宜，相信係本地數一數二平價嘅海南雞飯，而味道亦有地道風味。
泰亞箂海南雞專門店
於新蒲崗及荔枝角皆有分店嘅「泰亞箂海南雞專門店」，都係靠近工業區一帶，同樣只提供外賣飯盒，價格正常，雞肉份量與飯量大概係1:1，都算合理。
新界
路邊大排檔
新界區海南雞飯選擇眾多，其中編輯私心推介嘅係位於錦田大街一隅嘅「路邊大排檔」。雖然表面係一間街市大排檔，但其實主打係海南雞飯，回頭率最高嘅除咗海南雞飯，重有不得不提嘅醉雞！
海南雞叔叔
大多數人前往葵芳，都會去葵涌廣場搵食，但其實葵廣外都有好幾間高水準本土食肆，「海南雞叔叔」就係其中之一，只提供外賣，價錢合理，雞肉與油飯比例適中，味道亦不俗，更附送椰汁雞湯。
延伸閱讀﹕葵芳全新海南雞小店 $50雞飯送椰汁雞湯
OK德海南雞專門店
「OK德海南雞專門店」於全港有多間分店，但其實只有將軍澳寶林分店係值得一試，同樣以泰式海南雞專門店為牌頭，雞量與油飯比例適中，味道亦對得住連鎖店類別。
暢和號
只提供外賣嘅「暢和號」，同樣提供泰式海南雞飯，味道不俗，相對於其他堂食雞飯，價格上係比較相宜，屬於街坊價之餘，亦係糧尾之選。
肥仔海南雞
原先位於元朗嘅「肥仔海南雞」，有堂食及外賣可擇，雞飯價格低廉，係打工仔lunch好選擇，現時大多數分店都只係提供外賣雞飯，全港約有6間分店。
南香雞飯
位於元朗的「南香雞飯」，亦係主打海南雞，亦係新加坡海南雞飯，雞肉量多而嫩滑，不過呢間海南雞飯價錢就相對較高，甚至係「肥仔海南雞」元朗店嘅一倍價錢。
水門泰式海南雞飯專門店
對於海南雞專門店，相信大家對「水門泰式海南雞飯專門店 」毫不陌生，元朗區原本有綠色嘅「水門雞飯」，但結業後只剩低黃色嘅「水門泰式海南雞飯專門店 」，雖然價格係好平，但水準就比較參差。
【區區有小店】菜式篇！港九新界尚存台灣菜 29間本土推介台灣菜餐廳｜台灣菜推薦2023
街坊先識！大角嘴隱藏快餐店高水準豬扒麵／咖喱腸粉 還原學生時代平靚正撈麵香中帶辣
【#隱藏快餐店】學生時代係充滿回憶，讀書時期Lunch或放學都會同朋友行吓街、食吓嘢，但零用錢往往有限，平靚正嘅小食或撈麵就成為學生醫肚選擇；現時失業率上升，唔少人經濟拮据，呢種平靚正小食或撈麵又變成大家午餐恩物。大角嘴就有一間快餐店提供返呢種學生時代平價小食，既可以一嚐回味無窮嘅煎豬扒、咖喱撈，亦係拍拖兩個人慳錢之選。
【區區有小店】坑口food lane尚存美食廣場小店 5間本土推介坑口餐廳｜坑口推薦2023
【#區區有小店 】香港本來就係國際美食匯聚嘅地方，雖然環境有好大變化，唔少餐廳都陸續出現結業潮，但其實依然有唔同餐廳小店尚存，更有唔同類型嘅菜式可以選擇。今次區區有小店就為大家整理港九新界尚存嘅坑口餐廳，適合拍拖兩個人前往，即刻睇睇菜式推介之坑口food lane選擇！
港式燒臘天花板！灣仔人氣燒味店主打古井燒鵝／黯然銷魂鴛鴦飯
【#人氣燒味店】港式燒味向來係香港菜式嘅代表作，亦係其中一種他國難以模仿嘅菜式選擇。要拍拖兩個人喺香港搵到適合自己又高水準嘅燒臘店唔容易，當中現時灣仔與大埔都有分店嘅燒味店，突然又成為香港排隊店，堪稱港式燒臘天花板！
坑口商場food lane美食匯聚 筷賞街坊港式西餐罕見時光倒流價
【#港式西餐】一般人前往將軍澳坑口一帶，都未必諗到覓食好去處，其實坑口商場有一個小型美食廣場，其中有約5間本土餐廳值得拍拖兩個人去食。今次前往貌似茶餐廳嘅一間，原來不單係大件夾抵食嘅街坊價錢，而且係舊時港式西餐嘅質素。
僅餘4分店！旺角火鍋撚7款台式湯底任揀 腐竹雞蛋糖水／冬瓜茶驚變冰涼沙冰？
【#秋季火鍋】秋冬季來臨，到時又可以拍拖兩個人準備食火鍋暖吓身啦！本地有唔少火鍋店，但數量愈來愈少，其中一間係「火鍋撚」，現時都仍然有4間分店可以選擇，最大特色反而唔係火鍋，而係飲品？
毗鄰連鎖店！石硤尾舊區港式快餐店抗通脹 魚柳bell塊塊魚柳反高潮
【#港式快餐店】80至90年代嘅港式快餐係舊時拍拖兩個人好去處之一，但香港傳統舊式快餐店買少見少。而石硤尾南山邨係現代情侶打卡好去處，唔少人大概估唔到附近大坑東邨仍然有一間舊式快餐店，旁邊更有間連鎖快餐店，兩者對比強烈。
【聖誕好去處2023】中環大館12米高巨型聖誕樹 入夜指定時間現光影音樂亮燈儀式
【#聖誕節預告】中環大館向來係拍拖兩個人打卡嘅好去處，今年聖誕亦有聖誕裝飾，並以與大眾同樂為主題，企劃既帶嚟馬戲表演、美食巡禮，亦有高約12米嘅巨型聖誕樹，入夜時更會有音樂亮燈儀式，打卡必到！
【聖誕好去處2023】中環置地廣場高水平冰雪樂園 白色聖誕5米長滑梯／VR動感座
【#聖誕節預告】高檔次商場同街坊商場嘅展覽通常都會有好大分別，街坊商場展覽一般budget有限，故唔會太多大型宣傳；而較高檔次商場就有更多budget，所以展覽通常用料十足，細節位亦有驚喜，值得拍拖兩個人逛一逛。以中環置地廣場為例，今年聖誕就打造成一個冰雪樂園，不僅有巨型雪球、滑雪木屋、雪山，亦有5米長嘅滑梯！
【香港楓葉季】直擊Hello Kitty限定紅葉巴士首航！朗屏出發抵元朗大棠賞楓兼行山！
【#HelloKitty專車】Hello Kitty迷召喚！又到咗香港楓葉季節，今年Sanrio同港鐵巴士聯乘推出Hello Kitty主題限定紅葉巴士，並已經於12月2日首航。今次編輯特意到現場作直擊報道兼自肥打卡，Hello Kitty紅葉巴士會從元朗朗屏邨直抵大棠山道，由即日起至明年1月中旬，可以拍拖兩個人作賞楓路線代步工具，即刻睇睇現場限定紅葉巴士啦！
【聖誕好去處2023】驚現聖誕老人！太古廣場穿梭奇幻小精靈魔法森林 聖誕花園裝飾細節有誠意
【#聖誕節預告】位於港島中區嘅金鐘廣場，處於商業地帶，商場環境都係比較商業味重，附近大多都係高貴大方嘅OL，可能係比較少拍拖兩個人逛街嘅目的地。今次聖誕展覽就採用趣味奇幻森林為主題，帶上小精靈設計，分佈於商場不同角落，當中重有真人聖誕老人可以打卡合照！
【聖誕好去處2023】芬蘭聖誕精靈登陸銅鑼灣時代廣場 6米高聖誕樹／壁爐小屋打卡
【#聖誕節預告】銅鑼灣時代廣場係拍拖兩個人熱門逛街地，今年商場既有一棵6米高聖誕樹，亦特別以一隻芬蘭聖誕精靈為主題，打造一個聖誕夢工場﹐紅紅綠綠色調吸引唔少人打卡及參與，不過最大優點應該係地理位置優越，穿梭嘅人流甚多。
【聖誕好去處2023】銅鑼灣利園區＋希慎廣場高水準時尚藝術設計 聖誕裝置難度極高竟然無人打卡？
【#聖誕節預告】銅鑼灣係熱門聖誕好去處之一，希慎廣場、利舞臺及利園一帶都係唔少人拍拖兩個人喜愛逛街之處，今年聖誕期間就有一個幾高水準嘅藝術裝置展覽，同平常方方正正嘅展覽比較之下，裝置明顯可見一斑，但竟然無人上前打卡？
