【區區有小店】荃灣路德圍尚存食店 15間本土推介路德圍小店｜荃灣路德圍推薦2023

香港本來就係國際美食匯聚嘅地方，雖然環境有好大變化，唔少餐廳都陸續出現結業潮，但其實依然有唔同餐廳小店尚存，更有唔同類型嘅菜式可以選擇。今次區區有小店就為大家整理荃灣路德圍尚存嘅食店，適合拍拖兩個人前往，即刻睇睇荃灣路德圍推介之荃灣食街選擇！

Baba's Station

以荃灣路德圍一帶食肆嚟講，「Baba’s Station」可算係數一數二高質素嘅選擇，編輯曾經於東涌姊妹店「天湖印度餐廳 / Mansarover Restaurant」一嘗其印度菜式，口味正宗，絕對值得一試。基本上，荃灣路德圍嘅「Baba’s Station」無乜太大分別，最大優點係交通更便捷。

延伸閱讀﹕【野餐隨行】逾20cm超長爆餡烤餅卷！高水準正宗印度菜毗連東涌炮台登無人遊樂場野餐

加藤屋

而「加藤屋」就係開業較耐嘅連鎖店，以日式牛肉飯為主，價格實惠，廿幾蚊一餐飯，都算係時光倒流價，相信係唔少人嘅糧尾之選！

延伸閱讀﹕真正平民食堂加藤屋20蚊牛肉飯超抵食

新記冰室

開業有超過廿年嘅「新記冰室」，由尖沙嘴香檳大廈開到荃灣海壩街路德圍一帶，曾首創芝士撈丁麵，以元祖終極芝士麵$52為人熟悉，不過眼見食客進食嘅芝士撈丁，感覺名過於實，芝士與丁麵有分離感覺。

反而揀咗生炸雞髀$33、瑞士雞髀皇$38，下午茶時間為14:30-18:00，星期六日及公眾假期加$3。每份茶餐奉送咖啡式茶$3，紅豆冰$28，炸髀只有單點，並無套餐。雖然雞髀即叫即炸，而非預先做起，但炸髀似生炸與脆炸之間，比較乾身，味道一般。瑞士雞髀就較可取，主要係醃製過，瑞士汁黏喺雞髀內，所以無唔可能蘸到瑞士汁，不過不失。

以食物水準嚟計，大廚似乎並非大廚出身，而係二三廚出身，到餐廳就升呢大廚。反而紅豆冰水準不俗，份量恰好，紅豆軟腍可口，有傳統感覺。有種直覺，大廚係水吧出身，所以飲品較食物可取。

真台客

以台式美食為主，於全港有多間分店嘅「真台客」，內有多款台式著名菜式，例如台式牛肉麵、炸雞排便當等，都係喜愛台灣小吃不能錯過之選。

在 Instagram 查看這則帖子

https://eatwo.info（@e_a_two）分享的帖子

銘陽車仔麵

想要經濟實惠，又想有得坐，唔使於門口立食嘅餐廳，可以選擇「銘陽車仔麵」，話明車仔麵，價錢貴極有限，故車仔麵都係窮人用餐之選。

韓閣

以韓式菜式為主嘅「韓閣」，於黃大仙及荃灣皆有分店，係一間連鎖式韓國餐廳，主要菜式係韓式炸雞，亦有其他韓式料理，價錢相宜。

櫻

於本地有多間分店嘅「櫻」，以櫻花嘅日文字「櫻」命名，相當簡潔，於多區都以平價手卷為主，尤其吸引唔少學生幫襯，最大優點就係價格親民。

延伸閱讀﹕【野餐隨行】西灣河人氣掃街場太安樓中港日台大集匯 6蚊串魚蛋醬汁係靈魂對面海旁公園任坐任食

元朗燒賣皇后

至於「元朗燒賣皇后」，就係開業相對較長時間嘅小食店，由元朗起家，主要售賣燒賣，現時荃灣路德圍亦有分店，以前食嘅時候燒賣大粒飽滿，而家唔清楚，但價錢就較對面貴少少。

棟篤食

靠近荃灣路德圍主要路口嘅「棟篤食」，以港式小食為主，串燒、小食等價格親民，就屬於街邊篤魚蛋價錢。其中，魚蛋、燒賣$7/串、$10/2串，配上沙嗲汁，小店位置近後巷，略有偏僻，有舊時於街邊光顧小販檔感覺，分別在於以前直接一支竹籤串起五六粒魚蛋，現時配上一個發泡膠碗。以前最擔心食完會肚屙，而家最擔心食完製造多件垃圾，下次都係走發泡膠碗好。

Real T

毗鄰「棟篤食」嘅「Real T」，係一間路德圍之中嘅茶飲店，於荃灣路德圍食街掃街之後，最適宜加上一杯冰涼解渴嘅茶飲。茶飲店有10種人氣之選，當中排行首位嘅有碳焙烏龍珍珠奶茶$26，末位則有寒天白桃烏龍$30，蒟蒻配搭白桃烏龍茶，少甜少冰剛剛好。白桃味不過不失，鳥龍茶底有茶味，唔會有苦澀味，而寒天蒟蒻則有咬口。