【曼谷酒店】5分鐘到BTS！Ari文青區酒店人均$250/晚最美無邊際泳池打卡！｜The Quarter Ari by UHG

泰國曼谷有不少靚酒店﹐擁有無邊際泳池嘅酒店就一直吸引網紅打卡。今次編輯體驗一間位於Ari文青區嘅簇新酒店，其無邊際泳池媲美5星級酒店，盡享市區景色，連房間都設有偌大玻璃窗，透視曼谷市景。酒店每晚只需約$500，拍拖兩個人計算，每人平均僅約$250，CP值極高！

曼谷Ari區向來係文創地帶，聚集眾多咖啡店，於該區晃晃隨時飲咖啡飲到飽。Ari區雖然唔係Siam區咁熱鬧，但就有種靜中帶旺感覺，入住Ari區酒店環境舒適，餐廳眾多，卻又同時享受交通便捷嘅優點。以人氣住宿「The Quarter Ari by UHG」為例，既係網紅打卡酒店，價格亦唔高。

「The Quarter Ari by UHG」於2017年開業，從BTS走到酒店，腳程只需約5至10分鐘。酒店位置毗連辦公大樓，樓下亦有7-Eleven、Starbucks、餐廳，但需要從辦公大樓拐入去酒店入口櫃檯。

酒店雖然只係3星酒店，樓高34層，既有池畔小酒吧、健身室，但最矚目嘅地方必然係頂樓無邊際泳池，泳池景觀媲美5星級酒店！泳池邊都係透明玻璃，市區景觀完全通透，一端亦有躺椅，難得係用低廉價錢就可以入住，並享受如此網美無邊際泳池，IG打卡必到！

此外，酒店設於高樓層，其他地方都以大量方透明玻璃設計，比如22樓係早餐用餐地方，內有簡單西式早餐，加上少量即叫即煮嘅輕量食物，觀景台與早餐地緊緊相連，食個早餐都可以走到外面觀景，景色一望無際，同樣盡收眼底。

房間間隔四正，雖然唔係落地窗，但亦有偌大玻璃窗，無高樓大廈遮擋，採光明亮，視野甚佳，即使回到房間，都一樣可以賞景及打卡。而房間設計簡單，無乜多餘裝飾，基本設備齊全，亦有咖啡、茶包、水，亦有足夠地方擺放行李箱。浴室亦寬敞，但沖涼處就有少少滲水到外面，整體都算可以接受。

酒店如同公寓式設計，合共有196間房間，主要有4種房型，包括高級房、豪華房、頂級套房、家庭房等，價格唔貴。以當日6晚入住高級房計算，兩個人連稅及服務費約需10000泰銖，折合港幣約2500元左右，每晚則為500元，人均僅約250元，都算係一間平價酒店！

入住日期﹕2019年6月

即睇【The Quarter Ari by UHG】住宿價錢及限時優惠﹕Agoda｜ Booking.com｜Trip.com｜ Hotel.com｜Expedia｜官網預訂

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 於「蘇凡納布國際機場」(Suvarnabhumi International Airport)起步，於B1樓轉乘曼谷機場線，一直到另一端終點站「Phaya Thai」，其後轉乘BTS空鐵至「Ari」，徒步5至10分鐘即達。

❷ 曼谷酒店需於14:00 check in、12:00 check out。

❸

❹

EATWO

Miss A

【區區有小店2024】粉嶺6間尚存本土餐廳推介！70年粥店／平民丼飯／泰式船麵｜粉嶺美食推薦2024