曼谷新景點2023｜去泰國曼谷旅遊，有好多必去嘅景點、必食嘅美食，近月又有一個全新商場開幕，位置近人氣芒果糯米飯，商場更有一道IG打卡必到嘅純白色滑水式天橋走廊，拍拖兩個人去曼谷旅行都有新商場可以逛啦！
BTS「Thong Lor 」站為曼谷較有消費力嘅一個小區，大型商場唔多，但就稍有異國風。該區最高人氣嘅地方必然係售賣芒果糯米飯嘅「Mae Varee Sweet Sticky Rice with Mango」，唔少人都會跨區前往，香港人更加特意去將芒果糯米飯帶返香港。而距離呢間相當受歡迎嘅芒果糯米飯不遠處，近月就有一個全新商場落成，以生活休閒購物為主打，白色主調加上綠化空間，絕對係網美IG打卡地！
全新商場以「Marche’ Thonglor」命名，係一個混合用途生活綜合商場，空間充滿時尚感。商場位於Thong Lor Road，門口附近可見24小時營業嘅Burger King。
「Marche’ Thonglor」分為2幢建築物，包括有Podium ＆ Tower，前者有超過13000方呎，樓高5層，以購物區為主；而後者就樓高12層，主要係辦公室及商業區。商場以叢林及綠色植物為主要設計，概念源於森林，為商場帶上不少綠意，生機勃勃，為該區打造成一個都市森林。
商場既係混合用途，風格都係Lifestyle為主，而戶外空間都佔有逾2300方呎，設計理念為Vertical Oasis。整個「Marche’ Thonglor」最特別之處係採用一道純白天橋走廊連接，該天橋狀似滑水道，加上純白色設計，既係商場亮點，亦係少女必到嘅IG打卡位！
來自「Central Pattana」集團嘅「Marche’ Thonglor」，雖然目前商戶唔算多，只係陸續有商戶進駐，包括有少量餐廳、服裝店，甚至生活選物、酒吧，高層數則為美容店或診所，比較清靜。而地下一層則有大型超級市場Tops，該超市係其中一個泰國人喜歡到嘅超市！
此外，商場亦有其他獨特打卡位，連接唔同層數嘅樓梯都設計成橙黃色，用色搶眼。而較高層一隅有一道純白通道斜路，畫面上上下下有如香港美利酒店經典打卡位。
E.A.Tips :
❷ 新商場離人氣芒果糯米飯店「Mae Varee Sweet Sticky Rice with Mango」只係約5分鐘。
❸ 商場為寵物友善，歡迎寵物進入。
❹
Marche' Thonglor／มาร์เช่ ทองหล่อ
148 Thong Lo Rd,Khlong Tan Nuea,Watthana,Bangkok 10110,Thailand
10:00-24:00
https://www.facebook.com/marchethonglor/
串噹噹宵夜店與平記茶餐廳合拼！每人送一隻藤椒鮑魚！大排檔小菜有鑊氣、本地僅存小店賣脆炸臭豆腐！
【#串燒x茶記】近年，香港結業潮湧現，唔少餐廳為求生存落去都想盡辦法。E.A.Two最近前往紅磡一間串燒店，覺得好適宜拍拖兩個人去食宵夜。同時發現該店目前已經同另一間茶餐廳合併，朝早至下午賣茶記菜式，夜晚就繼續賣大排檔菜式。雖然呢個合作方法好聰明，完全慳成本，但就有啲擔心佢哋可唔可以再捱得住。
觀塘Mini Friday與鄰舖米走雞合拼經營？半自助式變午市套餐更適合打工仔！
【#打工仔飯堂】網上嘅資訊好多時都係有真有假，E.A.Two查證以下餐廳時，發現最出名嘅飲食平台竟然寫佢已經結業。不過親身到達現場時，就發現同層兩間餐廳都係依然尚存。雖然無咗半自助式午餐，但仍然容許拍拖兩個人去醫吓肚。
慈雲山平價街坊店兩三碗餃子逾10款餡任揀！最受歡迎竟然係石板／石鍋小食？
【#平價餃子】慈雲山係一個完全屋邨地，同時係一個學校邨，週邊最多嘅就係屋邨同中小學，附近都係街坊同學生。不過，該區食肆並唔多，至今都有唔少餐廳結業，E.A.Two已經食得八八九九，今次去嘅餃子店就係附近車仔麵店嘅姊妹店，拍拖兩個人想食平啲都有所選擇。
【中秋月餅2026】超過20間香港小店本地生產月餅！流心咖啡／港式奶茶／金腿伍仁／開心果麻糬／黑芝麻冰皮／燕窩月餅！留意早鳥優惠、英國專線點買？
【#月餅攻略2026】每年一到暑假，都係準備預訂中秋月餅嘅時候。隨住本地結業潮，拍拖兩個人喺香港買月餅，選擇可能已經愈來愈少。不過，識揀依然有唔少選擇，首選一定係小店模式，如果真係想再穩陣啲，都可以揀日資連鎖店。上年有店舖特設英國專線，今年都唔例外。E.A.Two又再整合2026年中秋節月餅推介，想食咩口味嘅月餅都係任君選擇！
灣仔金庸武俠小說主題Cafe玩味十足！笑林寺隱藏被咖啡耽誤嘅意粉大廚？
【#被咖啡耽誤】雖然近年香港結業潮湧現﹐但有啲餐廳依然客人一個接一個，價格豐儉由人﹐E.A.Two覺得今時今日仍然能夠吸引客人拍拖兩個人排隊都照食，必然有原因。香港有唔少咖啡店，灣仔有一間中西合璧嘅咖啡店非常有玩味，實試之後就覺得咖啡唔係最吸引，意粉先至係最意想不到嘅選擇，入面絕對有位被咖啡耽誤嘅意粉大廚！
荃灣海旁屋苑平台隱藏平價漢堡包／Pizza店！Hustle Guy近月搬入街市重新開業！
【#搬遷試業】要數荃灣區平靚正嘅美食，應該有排數，呢個大區每個角落都有值得拍拖兩個人前往嘅小店。今次E.A.Two於海濱一帶去到一個屋苑平台，當中有一間隱身街市內嘅burger同pizza店，真係可以叫做平靚正，難怪一直係街坊選擇。最近該店更將原店搬入街市內，堂食座位增加，試業當中連紅紙都未拆！
赤柱東頭灣道隱藏神秘舊式街牌界限里！地圖都搵唔到！同界限街有無關係？
【#神秘街牌】香港嘅街牌越見新穎，舊式街牌真係買少見少，E.A.Two曾經講過一塊又一塊已經好罕見嘅殖民地時代T形街牌。今次喺赤柱見到一塊頗為獨特嘅街牌，到底有咩特別呢？
赤柱隱藏免費博物館！香港懲教博物館毗連監獄！設10個展覽館＋2個打卡位、最驚喜係邊個？
【#赤柱博物館】於2025年11月，有個「香港博物館節」，有超過17個博物館都係免費入場，但就唔包括隱身於赤柱嘅呢個博物館。不過，呢個博物館本身都係免費入場，如果拍拖兩個人於赤柱一帶散步，不妨順路遊覽呢個展覽館。
超迷你唐樓博物館隱身上環街頭！近PMQ元創方／新聞館！保留裝潢、件件舊香港人昔日必備架生！
【#超迷你博物館】好多人成日話香港無地方去，無嘢好行，其實現時依然有好多地方隱身市區內，值得拍拖兩個人去搜索一下。今次E.A.Two就前往一間近月先開放公眾進入嘅「唐樓博物館」，原來呢間小型博物館真係隱身於一幢唐樓內，入面保留咗昔日嘅場景同用具。而唐樓位置唔單止近上環知名文創地標「PMQ元創方」，同時毗鄰「香港新聞博物館」，任何人都係免費入場，即睇預約方法！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！