【曼谷交通】全新MRT黃線開放！編輯實測地鐵新路線直達火車鐵道夜市！即睇票價及購票方法

去曼谷旅遊，最常乘搭嘅交通工具必然係BTS或MRT，以往BTS嘅淺綠色線、深綠色線，以及藍色MRT就係最熱門嘅鐵路路線。而由上年中下旬起，曼谷有一道全新MRT線正式開放，E.A.Two編輯亦趁機實測呢條以黃色為主色嘅MRT線，全新路線更可以直達火車鐵道夜市！即刻睇吓黃色MRT地鐵線嘅票價及購票方法。

BTS為空鐵線，而MRT為地鐵線，另外重有BRT、城郊鐵路SRT，以及都算新簇嘅APM金色線，今次全新路線係MRT。從新鐵路路線圖可見，新單軌鐵路線係呈黃色，由上年6月起試營運，而編輯於9至10月實測該路線。黃色MRT線基本上有23個車站，全長有30.4公里，從Lat Phrao運行至Samrong，橫跨北部、中部及東部，與其他BTS線、MRT線等均有連接車站。該列車並非地下鐵路，反而係一架單軌電車，亦係全泰國首架單軌電車（Monorail）。據悉，由地下鐵路變成單軌列車係因為成本問題。

黃色MRT線頭站及尾站分別係「Samrong站」、「Lat Phrao站」，如果去開「Chatuchak Weekend Market 恰圖恰市集」嗰邊，可以從「Lat Phrao站」方向乘搭；而去開「The Erawan Museum」或「Asok」嗰邊，就建議從「Samrong站」方向乘搭。

基本上，MRT黃線並非主要觀光區，所以遊客量並唔多，而該路線最值得前往嘅地方，係直接能夠到達以往要搭的士或Grab車先可以去嘅「Train Night Market Srinakarin 席娜卡琳火車鐵道夜市」。只要乘搭MRT黃線至「Suan Luang Rama 9 站」，徒步大概5至10分鐘即可抵達，夜市入口可以望到鐵路線。附近嘅「Suan Luang Rama 9 Park 九世皇御苑」，都係值得逛一逛嘅地方，皆因該公園係全曼谷面積最大嘅公園。另外，距離「Si Lam 站」有大約15分鐘步程距離嘅水上樂園「Pororo Aqua Park Bangkok」及商場「Central Plaza」，亦係另一個值得停留嘅車站。

乘搭MRT黃線前，同MRT藍線一樣，都係需要買票，因為目前已經無一日票或卡可以購買使用。呢條新鐵路線不僅簇新，而且價格較高，所以乘搭人數都比較少。以當日行程為例，乘搭2個站人均需要23泰銖，而6個站人均則要40泰銖。

MRT黃線車廂同一般MRT或BTS唔一樣，車廂只有大概4架，而內部座椅亦較少。至於車程及時間上，MRT黃線等候時間都係比一般其他路線長，除咗啡色Airport Link機場線。基本上，MRT黃線多數都要等候10分鐘先可以上車，班次並非頻密，甚至有啲疏落。

延伸閱讀﹕【曼谷景點】新MRT線直達！曼谷人最愛席娜卡琳火車鐵道夜市復古味濃惹味燒物下放眼千個攤檔！｜Train Night Market Srinakarin

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 必須於售票機買飛，先可以乘搭MRT黃線。

❷ 雖然有QR Payment，但對旅客嚟講，現金會比較方便。售票機接受現金交易，而且只可以入20、50、100泰銖紙幣，以及1、2、5、10硬幣。

❸ 單程票用完一次，機器都會收回咭，下次要再購買另一程。

❹ 頭班車05:30就有，而尾班車最後則為00:44，最好都係唔好校到時間咁抆啦。

EATWO

Miss A

觀塘東廣場隱藏有趣自助販賣機！9cake港式玩味生日快樂插牌$40起可愛連登豬／Pepe公仔、幸福御守／型男世一任揀