【曼谷美食】近唐人街／古老大宅恆泰號！神秘民族風露天按摩咖啡店湄南河畔躺平賞日落！｜Baan rim naam

曼谷咖啡店有好多，你試過拍拖兩個人去過邊間呢？網上有甚至有曼谷特色咖啡廳一日遊行程，全個schedule都係行打卡咖啡店，其中包括有Bubble in the forest Cafe、After the Rain Coffee & Gallery、In The Garden Hut、Moo Yoo Rose House Cafe，相信唔少人都聽過、見過，或者去過。不過，以上打卡咖啡店都係距離曼谷市中心頗遠，E.A.Two今次就推介一間位於曼谷市中心、離MRT站好接近嘅咖啡店，既鄰近曼谷唐人街，亦係比較鮮為人知嘅一間音樂、按摩與打卡兼備嘅cafe，店內以民族風為主，呈半露天設計，毗連湄南河，能直接躺平欣賞日落！

走入鄰近曼谷唐人街嘅「Talat noi community」，即「Talad Noi」社區，或者叫「Talat Noi」社區，最為人熟悉大概係「恆泰號」，以及老華僑集中地，目前亦成為當地年輕人嘅文青地帶，附近不難發現唔少塗鴉作品。直到走到近昭披耶河畔位置，即湄南河畔，會見到一間隱身於神秘一角嘅咖啡店「Baan Rim Naam」。該咖啡店距離「恆泰號」只有1分鐘步程，喜愛到曼谷搜羅打卡咖啡店嘅朋友，必定要到呢間cafe。

「Baan Rim Naam」地方不少，甫踏有店內，民族風設計馬上映入眼簾，加上帶有露營風，以及唔少古董傢俱。兩者係編輯最喜愛嘅風格，故此若以裝潢設計及環境上嚟講，「Baan Rim Naam」係E.A.Two編輯私心推介嘅曼谷咖啡店No.1，咖啡方面當然另有其啡。

該店基本分成幾個空間，其中一邊係露天座位，但只有少量吧檯及民族風躺平座位，恍如野餐位，位置正對湄南河，可以一邊用餐，一邊瞓低欣賞河景，甚至日落，極chill。不過，呢個露天位置只有大概3至4個座位，地方有限。

露天座位背後，為按摩專用空間，進人餐廳嘅客人可以選取3種按摩服務，每款只需200至300泰銖，每次可以做30分鐘療程。其中，包括有Tapping Line Therapy，即輕敲穴位情緒舒解療法；亦有Neck & Shouder Aroma Massage，為一種泰北folk massage嘅香薫按摩；另外亦有Thai Foot Treatment，為最平嘅一種。

據悉，「Baan Rim Naam」係從貨倉改建而成，目前已經變成一個多用途空間，特別在於飛天舞龍。旁邊「恆泰號」其實即係「蘇恒泰宅邸（The So Heng Tai Mansion）」，該舊宅大得交關，中間更似有一個泳池，只不過已經荒廢得似香港啲廢墟。事實上，該老宅已有超過200年歷史，古色古香，亦係當地歷史建築物。

咖啡店既係來自於舊貨倉，亦同樣超過200年歷史，基本上可追塑至19世紀初期。目前，「Baan Rim Naam」日光時份係一間咖啡度，入夜後就會變成一間酒吧，由cafe變bar，用途廣泛。另外，週末更會有live band演出，甚至係電影觀賞等活動，有興趣不妨事前查看官方社交平台睇睇日程表。

店內有多款Signiture，包含泰國美食、海鮮、pizza，亦有素食、小食及甜品選項﹐即使每人只係點一杯飲品都可以。飲品除咗汽水，亦有咖啡、奶類飲品、mocktail及cocktail，更加有homemade自家製飲品，多數係梳打類。躺平於草𥱊上，左右只有當地人同少量外地遊客，但就未見亞洲遊客，簡單將梳打水啜入口，相當清涼，泰國炎熱天氣頓時一掃而空，暑氣全消。

主打食物有250泰銖嘅mixed thai herbs, young coconut in betal leaves and herb syrup with dry shrimps、295泰銖嘅pizza double cheese with chicken and sausage、280泰銖嘅penang red curry with chicken breast, jasmine rice and boiled egg、380泰銖嘅seabass with lemon, chili and garlic sauce、280泰銖嘅thai-burmese ginger pork curry with sticky rice、280泰銖嘅larb kour gai – roasted northern larb with chicken, served with sticky rice、150泰銖嘅homemade smoked coconut ice with young coconut flesh and roasted nuts、280泰銖嘅nam-took moo – spicy grilled pork salad with roasted rice、280泰銖嘅green curry with chicken breast and eggplant, thai basil served with jasmine rice、280泰銖嘅masaman curry with potato, carrot and textured vegetable protein served with cucumber、220泰銖嘅mango (chok anan) and sticky rice、240泰銖嘅kanom cheen saw nam – thai rice noodles with coconut milk include ground dried shrimps等。

今次先點兩杯飲品，一杯係無酒精嘅Mulberry Lemonade Soda 120泰銖，另一杯係Earthy – Bael apple (a Japanese Golden Apple) with rum and soda 240泰銖。從來無諗過，曼谷會有一個環境如此chill嘅空間，可以躺平飲酒，即使飲杯梳打水，都可以咁爽！

而「Baan Rim Naam」露天座位旁邊為有蓋空間，但同樣係毗連湄南河嘅座位，兩端分成兩種唔同座法嘅座位。靠近河邊嘅座位係坐地下，當然角落有檯櫈；而另一邊廂則為躺平座位，即係可以直接瞓低嘅座位，同露天座位一樣。平躺或斜躺於草𥱊上，仰視天花紅色窗簾，以及大窗外嘅河畔風景。黃昏時份，河畔涼風吹拂下，更可以靜靜地細心欣賞曼谷不一樣嘅日落景緻。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 乘搭MRT至「Hua Lamphong 站」，徒步約13分鐘即達。咖啡館位於Talat Noi 區內，So Heng Tai 恆泰號距離咖啡店亦只係1分鐘步程。

❷ 從咖啡店走返出曼谷唐人街，步程約為15分鐘。

❸ 咖啡館為半露天餐廳，而按摩位置係座位後方。每人最低消費為一杯飲品。入座前必須除鞋。

❹ 現場有live show，坐低時可以一邊聽現場演奏音樂。