【澳門限時好去處】新濠影匯實地打卡Sanrio Characters 萌爆8字摩天輪主題下午茶竟無公仔送？

由即日起至6月尾，澳門新濠影滙有新展覽，多位Sanrio Characters一齊登陸酒店，主題展覽、下午茶、精品等一次過萌爆現身，喜愛Hello Kitty、My Melody、Little Twin Stars、Cinnamoroll、Pompompurin、Gudetama、Bad Badtz-Maru、Kerokerokeroppi任何一隻卡通人物嘅朋友，不妨拍拖兩個人去打卡啦！

一眾可愛嘅Sanrio Characters一早已經登場，分佈於澳門新濠影滙唔同角落。活動分為4個主題，由3月29日起已經開幕，當中既有商場展覽，亦有主題摩天輪包廂，更有主題下午茶，以及限定精品等。不過，現實情況似乎有啲「搵笨」，到底點解？

目前，新濠影滙只有各個展覽打卡位，包括金光大道入口處嘅5米高Hello Kitty。而商場內則包裝成一個電影院場景，一眾Sanrio Characters以夏日造型現身中庭。成為新濠風尚會員嘅話，可以打卡上載相片到到任何社交媒體，tag上#影滙同萌、#Sanriocharacters、#新濠影滙、#StudioCity、#新濠風尚、#MelcoStyle、#Sanriohk，再向專櫃人員展示，即可免費獲得隨機Sanrio Characters獨家精品。4月26日前可到新濠影滙禮品車兌換，5月1日至5月5日可到酒店大堂入口兌換，而6月30日前則可到新濠影滙換領櫃檯兌換，每日兌換時間為12:00 – 20:00。中庭展覽細過香港嘅商場，每個角色基本上只有一個造型，編輯最愛嘅Hello Kitty有2款造型，已經算係最多嘅一個，最多加埋扶手電梯入口嘅角色造型門廊。

由4月23日至5月5日，任何人都可以於宴會廳旁東翼三樓票務處兌換禮品包。而5月1日至5月5日活動期間只要成為新濠風尚會員，即可獲得Sanrio Characters聯乘迎新禮品包乙份，包含有每日限量50份嘅「限定Sanrio Characters VIP體驗套裝」，售價為澳門幣3888，原價為澳門幣4088。據悉，當中包含首次推出嘅Sanrio characters x Melco Style 限定珍藏禮品，有一套7款Sanrio Characters毛公仔、Sanrio Characters獨家限定手提袋、Sanrio Characters獨家限定馬克杯、Sanrio Characters限定兒童相機、Sanrio Characters獨家限定移動充電器、Sanrio Characters x Melco Style 特別版澳門通，以及免費乘坐Sanrio Characters摩天輪主題包廂兌換券、獨家與HELLO KITTY及BAD BADTZ-MARU會面留影。值得留意，兌換時間只限5月1日至5月5日下晝2點至夜晚7點。

此外，5月1至7日期間，每日消費首50位兌換者，即可獲得全澳門獨家限量毛公仔，留意每日有唔同款呢！另外，當日指定時間更會有各人氣Sanrio Characters現身新濠影匯宣軌入口及載運美式餐室，由下晝3點至6點半期間，每日分3段時間，包括15:00 – 15:15、16:30 – 16:50、18:00 – 18:20。而今次展覽活動更興瀛菊拉麵聯乘，於5月1日推出全新造型美食，密切留意！現時，則可以於新濠影滙嘗試免費派發爆谷，不過我哋就搵唔到爆谷嘅地點，官方只係展示時間係中午12點至傍既6點，截至6月30日。而所謂全澳門獨家Sanrio Characters打卡造型美食，據悉位於載運美式餐室、羅浮餅廊及輕食限時供應，不過一樣係搵唔到有關菜式，最奇怪係現場餐牌及圖片都無張！

5月首5天主題活動特別多，加要身上穿有或佩戴任何同Sanrio Characters有關衣飾，即可於5月1日以免費乘坐主題摩天輪，記得帶備衣飾過大海啦！而首100位有關人等﹐亦可免費體驗主題影貼機。至於5月2至5日，同樣穿上或佩戴Sanrio Characters衣飾，連同消費收據滿澳門幣300，亦可以免費乘坐「影滙之星」主題摩天輪，首100位亦可免費體驗主題影貼機。

據悉，今次活動有Sanrio Characters主題下午茶，更有摩天輪包廂可以打卡，每個包廂會員價為澳門幣688，最多可以坐8人，而車廂主題則只係隨機安排，包括Hello Kitty、My Melody、Kuromi、Pompompurin、KeroKeroKeroppi。而主題下午茶則有多款法式甜點，與一眾Sanrio Characters融合。雖然官網寫明會免費送贈一隻Sanrio Characters公仔，但編輯查問下先知道現時根本無公仔！故此，E.A.Two編輯並無實試Sanrio Characters摩天輪及下午茶，會員價都要澳門幣1088，原價需澳門幣1288，優惠截至5月26日，時間為14:15-16:40限定。而摩天輪包廂必須預約，每人只限1小時，而且每日只限12份，每個包廂最多可坐4人。