【東京美食】澀谷平價燒肉店首推黑毛和牛七輪燒肉安安飲酒放題人均$78喝到飽！

日式燒肉係拍拖兩個人去東京自由行其中一款必食菜式之一，燒肉放題往往令人垂涎，但價位亦通常較高。想要食平價燒肉，其實都有唔少選擇，連鎖店七輪燒肉安安就係平價之選，當中既有套餐可擇，單點價錢亦可接受，更有飲酒放題，店舖甚至營業至凌晨4點，絕對係宵夜好去處！

「七輪燒肉安安」涉谷店距離人氣觀景台「SHIBUYA SKY」及「澀谷站」不遠，入口處於巷子內，位置比較隱蔽，需要步行上階梯先會到達。店舖從昭和57年創業起，屬一間老店燒肉，而目前同時係一間連鎖燒肉店，全國有約百間分店。

呢間燒肉店出品不單美味，最大優點係交通便捷，價格親民，而且營業至凌晨4點半，同時有日語及英語餐牌，故此較容易吸引當地人及旅客，尤其係鍾意宵夜歎燒肉及飲酒到凌晨嘅朋友。

店內以平價燒肉放題聞名，主打係日式炭火燒肉，平板電腦上有100品任君選擇。其中，1800円包含11品，而2500円則包含15品，大概只係港幣108至150元；加上1300円更可無限量飲酒，折合港幣78元就可無限暢飲，無論燒肉定酒品，都可以用低價吃到飽又喝到飽，適合預算有限嘅旅客！

肉類有不少可以選擇，包括黑毛豬肉、五花肉、軟骨、腿肉、橫隔膜肉、里肌肉、豬頸肉等，甚至內臟。而前菜則有大涼拌大豆芽、韓式泡菜，每碟收250至290円，而燒肉用嘅牛油亦另計190円。

當日未有點選套餐，只以單點模式點餐，不過挑選一款三種拼盤，包含蔥花。一份拼盤980円，基本上兩盤先夠食。而黑毛和牛亦係推介之一，一碟1200円，價錢需較高，份量亦唔多，但肉質特別腍滑，油花誘人。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 於JR「澀谷站」八公口徒步約3分鐘即達。

❷ 分店營業至凌晨，但最後點餐時間為04:00。店舖會不定期休息。

❸ 事前最好先預約座位。晚餐人均大概需2000至2500円。

❹ 店舖接受VISA, MasterCard, JCB, American Express, Diners Club, DC, 銀聯, Suica, PASMO, iD, Edy, Rakuten Pay, QUICPay, WAON, nanaco, Apple Pay付款。

EATWO

Miss A

【區區有小店2024】慈雲山7間尚存本土餐廳推介！人氣煲仔飯／巷弄居酒屋／學生價薄餅｜慈雲山美食推薦2024

兩個人旅吓行

專題

E.A.Tips :

七輪燒肉 安安 道玄阪店

七輪燒肉安安道玄阪店