【新年好去處2024】新都城新春粉色和風庭園日式風鈴步道／木系茶室打卡

日式和風裝飾向來係受到香港人歡迎嘅設計，故此今個農曆新年，亦有商場打造咗一個粉色系和式庭園，吸引拍拖兩個人前往打卡，有意製造商場人流。

MCP 新都城中心今個新年以「花舞春瀛御賞園」為主題，結合日式庭園美學，特別於新年打造一個粉色系風景，包含有櫻花樹、掛滿500個祈願風鈴嘅小步道，亦有木系茶室花漾光影燈林。

由2024年1月13日至2月25日，將軍澳 MCP CENTRAL，即新都城中心 2 期，既有日式和風庭園，亦有互動占卜遊戲，更有派發利是封及舉辦茗茶工作坊。而MCP DISCOVERY，即新都城中心 3 期﹐就另有與麥田捕手文創空間聯乘嘅「新春迎福市集。

2期商場中庭整體呈現一片粉紅，除咗一棵棵櫻花樹，一隅亦有一道「瀛春風鈴步道」。步道兩旁掛滿兩種粉色嘅花漾風鈴，畫面有如小型風鈴海。

中庭正中央位置就有一座「御花開運茶舍」，採用日式茶室為藍本，內裏佈置有模仿恬靜茶室空間感覺，旁邊更有櫻花掛畫。至於另一端就有一個S形嘅「花漾光影燈林」，設計上就以日本京都嵐山站「京都禪光林」為藍本，選用日式花紋佈置，包裹20支燈柱，微弱燈光滲出花紋剪影。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 凡為H・COINS 會員於2024 年 1 月 13 日至 2 月 9 日 12:00 - 22:00期間，於場內以電子貨幣即日單一消費滿 HK$600，親臨 MCP CENTRAL L1 禮賓部登記消費單據，即可換領花舞龍騰利是封乙套 (1 套 8 個)，名額 1,500 套，換完即止。而凡為H・COINS 會員2024 年 1 月 13 日至 2 月 4 日 12:00 - 22:00期間，於場內以電子貨幣即日消費滿指定金額，親臨 MCP CENTRAL L1 禮賓部登記消費單據，即可換領以下指定新春賀年糕點禮券乙張，每款禮品數量有限，換完即止。

❷ 凡H・COINS 會員於2024 年 1 月 13 日至 2 月 25 日 (逢星期六、日及公眾假期) 12:00 - 20:00期間，於場內以電子貨幣即日單一消費滿 HK$300，即可換領「瀛春開運茶卦」互動遊戲券乙張，參與遊戲後可獲「瀛春祈福繪馬」乙個，名額2,000 個，換完即止。

❸ 2024 年 1 月 27 日及 2 月 3 日 (星期六) 會有2節「春日茗茶工作坊」。而2024 年 1 月 19 日至 2 月 9 日 12:00 - 21:00 於MCP DISCOVERY L1 天幕廣場會有新春迎福市集。2024 年 2 月 17 日 (星期六、年初八) 中午 12 時，於MCP CENTRAL 及 MCP DISCOVERY L1 天幕廣場，會有醒獅龍騰賀新歲活動。

❹

EATWO

Miss A

【區區有小店2024】粉嶺6間尚存本土餐廳推介！70年粥店／平民丼飯／泰式船麵｜粉嶺美食推薦2024

兩個人旅吓行

專題

E.A.Tips :

MCP 新都城中心「花舞春瀛御賞園」