【東京美食】新宿歌舞伎町和牛壽喜燒店營業至凌晨套餐兩片肉＋蔬菜盤人均$270起

すき焼き（Sukiyaki）係東京自由行不得不試嘅美食之一，新宿一帶有唔少壽喜燒專門店可以拍拖兩個人選擇。不過，編輯當日時間比較夜，要找尋一間仍然營業嘅壽喜燒店係有啲難度，結果前往最夜經濟嘅黃金地段，即係新宿歌舞伎町，發現一間營業至凌晨2點嘅壽喜燒店！

走入新宿歌舞伎町，最搶眼嘅必定係牛郎，當中有一間營業至凌晨嘅壽喜燒、涮涮鍋專門店「しゃぶしゃぶにいむら新宿本店」，地理位置優越，交通方便，店內有唔少各地旅客。

江戶時代嘅壽喜燒，係一種令人垂涎三尺嘅美食，將肉片切成薄片放入鐵鍋內，添加醬汁，然後加入蔬菜，熬煮出簡單湯頭，入口鮮甜。肉片煎熟後，放於生雞蛋內，令肉片黏滿蛋液，咬入口令人難忘，配搭白飯特別適宜。

而呢間壽喜燒店大門口寫明有兩款壽喜燒可以選擇，包含有和牛套餐及上等和牛套餐，人均4500至5300円，折合港幣約270至318元，於Google評分就有4.1分，出品抵唔抵食呢？

兩個人點選套餐，基本只有四片和牛肉片、兩隻生雞蛋、一盤蔬菜、白飯、味噌湯、前菜，肉片需大塊，但價格上抵唔抵食就見仁見智。雖然有「遊客價」感覺，但壽喜燒亦已經不俗，肉片嫩滑，肉湯鹹中有甜，服務不俗。只係如果呢間舖喺香港，必然係藍店，接待好多國內客，竟然話小紅書係香港人用，雖然明顯係有人扮香港人。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 「新宿駅」東口徒步約3分鐘即達，或西武新宿線至「西武新宿站」，徒步約1分鐘即達。

❷ 店舖無休息日，最後點餐時間為01:00。

❸ 付款方式接受VISA, MasterCard, JCB, American Express, Diners Club, UC, DC, NICOS(日本信販), UFJ, SAISON, 銀聯, Suica, PASMO, ICOCA, SUGOCA, HAYAKAKEN, TOICA, Kitaca, nimoca, Edy, QUICPay＋, WAON, nanaco, WeChat Pay。

❹ 店內有中英日韓餐牌，客人以旅客為主。