【聖誕好去處2023】奧海城西瓜主題「CoComelon」商場瞬間變小朋友遊樂場

奧海城係香港著名商場之一，今年聖誕節期間亦特別以「CoComelon聖誕歷險」為題，舉行一個吹氣樂園，雖然以小朋友為主要目標，但拍拖兩個人亦可以經過打吓卡。

以「CoComelon」為主題嘅聖誕節裝飾，卡通造型有如西瓜模樣，最搶眼係打造成一個3000呎吹氣樂園。展覽活動由2023年11月25日至明年1月1日舉行，主題係來自幼童娛樂頻道「CoComelon」，大人未必了解，但就比較受小朋友歡迎。

整個吹氣樂園由紅、綠、黃色為主調，主色都係西瓜色設計，造型搶眼。雖然只有小朋友可走入吹氣樂園，玩玩吹氣波波池、滑梯、士的糖造型隧道等。但大人都可以於週邊打卡，當中有一棵11米高充氣版聖誕樹，亦有一架配合聖誕鹿嘅大型黃色校巴，更有「CoComelon」主角「JJ」1.2米高聖誕造型人像。

小朋友進入場內執行聖誕任務，大人可於樂園外打卡，黃色校巴其實係參照「Wheels On The Bus」造型，變成聖誕鹿車。而「CoComelon」主角「JJ」則似西瓜模樣，打造成1.2米人像。至於聖誕節不可或缺嘅聖誕樹，就變成充氣版，高約11米，週邊有禮物。不過，打卡位設計似乎熟口熟面，部份有啲似循環再用，當然環保係一件好事啦！

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 平日趣味歷險日期由2023年11月27日至12月21日，只限星期一至五11:30 - 20:30。需要先成為S + REWARDS會員，於手機應用程式憑8點數換領門票一張；Olympian Kids勳章持有人則可以5點數換領。

❷ 假日暢玩日期由2023年11月25日至12月17日，限週末假期，以及12月22日至2024年1月1日，時間由10:30-20:30。需於KLOOK網頁及手機應用程式購買，11月15日下午3時開售，售完即止。

❸ 有關方面建議年齡限2至12歲。每位身高120cm以下小童須由一位成人陪同入場，如有2位身高120cm以下小童則須由兩位成人陪同入場，所有入場人士均需憑門票入場，小童及成人同價。

❹ 早鳥票價由11月15日至11月24日為$70，原價$80。25分鐘無限暢玩由11月25日起$80。

❶ 期間限定會有「CoComelon氣球」派發，而S + REWARDS會員於手機應用程式憑20點數換領一個，現場以$35購買一個。

❷ 入場人士必須脫鞋並穿著襪子。如有需要，可於現場以HK$25加購CoComelon防滑襪一對。