大窩口唯一！毗鄰連鎖炸雞快餐店鳥元大大件日式炸雞啖啖外脆內軟

提到炸雞，大家會拍拖兩個人去選擇邊間炸雞店呢？好多人只會諗起「KFC」、「Jollibee」、「McDonald’s」等連鎖店，甚至係「豪大大雞排」，但其實香港重有好多間炸雞小店，詳情請留意eatwo嘅炸雞髀推介列表。除咗「很得輝」、「和順記」等炸雞店，毗連荃灣嘅大窩口亦有一間隱藏於商場地牢嘅炸雞店，位置竟然正正喺連鎖店隔離，水準卻比連鎖店高幾班！

大窩口雖然毗鄰荃灣區，但小區內值得支持嘅小店寥寥無幾，其實全區目前只有一間食店，亦即係大窩口內唯一一間小店！位於「悅來坊」商場地庫嘅「鳥元炸雞專門店」，顧名思議以炸雞為主打，另外亦係各款日式飯麵可以選擇，價格相宜，而份量不少，能夠飽肚，比相連嘅連鎖炸雞店擁有幾倍高嘅性價比。

日式飯麵中，北海道芝士忌廉雞皇飯係唔少人選擇嘅菜式，而和風牛肉飯$50、蒲燒鰻魚飯$58亦係熱門之選。雖然鰻魚肉質算係彈牙而黏滑，但蒲燒味唔重，醬汁亦較少，難以撈飯食。反而牛肉飯不俗，不僅有份量十足嘅牛肉，厚薄均勻，連飯底都有油香，並非單純係白飯。

小食分為「梅」、「蘭」、「菊」、「竹」、「松」，有沙律、泡菜、餃子、炒麵、炸雞翼，其中炸雞翼加$24、炸雞加$24，其他小食單買就有芝士南瓜餅、榴槤烤彈等。而套餐配凍檸茶則免加錢。不過，凍檸茶水準就比較參差，茶底基本上同飲水無乜分別，只係檸檬係比較清香。

店內重點既然係炸雞，炸雞髀、炸雞翼都係不得不試嘅選擇，因為元祖烏元炸雞就係招牌之作。店內炸物擁有頗高水平，兩款炸雞都係即叫即炸，所以上檯特別熱焫焫。炸雞大大件，據悉大小直頭係連鎖店嘅兩三倍。炸雞上檯色澤金黃，由表皮到內裏都唔乾身，表皮酥香脆口，一啖入魂，真正外脆內軟！最難得係咬開酥脆雞皮後，內裏不單係雞髀肉，而且極為軟嫩，有雞肉鮮甜，同時帶有滿滿肉汁及油花，成功地將雞肉脆炸而保留肉汁。