【聖誕好去處2023】每日逾30攤檔？中港城驚喜車尾箱環保市集／紅綠車胎聖誕樹 hkexpress贊助抽獎送出580張機票！

今個冬日，尖東海旁燈飾老土，中港城海豚池平台花園內算係觀賞燈飾嘅比較好嘅地方。商場今年特別以「聖誕車尾箱環保市集」為主題，每一個舖位都等如一輛車，車尾箱就係舖位，而每日參與舖位則會輪流上場，不妨拍拖兩個人逛一逛。

中港城聖誕展覽活動以「聖誕車尾箱環保市集」為題，將超過500輛車變成車主檔攤，位置設於中港碼頭上蓋，毗連維港美景。事實上，今次車尾箱市集，都係以英國車尾箱市集為藍本，跟隨英國步伐，似乎想要喺香港推動環保及創意。今次市集就由車尾箱變車主檔攤，每次30架車輪流上場。

活動由2023年12月8日起，一連4個週末舉行，為期11日。現場不單有車尾箱環保市集，更由香港快運hkexpress贊助，於大抽獎中送出580張機票，航點包含有日本、台灣、韓國、泰國，想要獲得免費機票就要到現場留意登記抽獎啦！

現場亦有音樂表演，亦有兒童跑道電動車駕駛體驗區，更有戶外飄雪匯演。當中，比較特別嘅係2棵環保聖誕樹，一紅一綠矗立戶外平台及室內商場，聖誕樹以車胎組成，與車尾箱市集互相呼應。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 12 月 8 至 10 日、16、17、23 至 26、30、31 日(一共 11 天) 17:00 - 19:00，於中港城海豚池平台花園都會有聖誕車尾箱市集—機票大抽獎，結果公佈時間為21:15。

❷ 12 月 8 至 10 日、16、17、23 至 26、30、31 日(一共 11 天) 17:00 - 21:00，於中港城海豚池平台花園活動舞台會有小型音樂會。

❸ 12 月 8 至 10 日、16、23 至 26、30、31 日(一共 10 天) 17:00 - 21:00，中港城海豚池平台花園可以參加海景跑道駕駛樂。只要捐款$100就可以玩20 分鐘，活動只適合 6 歲或以下小童。12 月 8 至 10 日、16、23 至 26、30、31 日(一共 10 天) 17:00 - 21:00，於中港城海豚池平台花園有聖誕泡泡派對，只要捐款$20就可以玩一次。

❹ 12 月 8 至 10 日、16、17、23 至 26、30、31 日(一共 11 天) 17:00 - 18:00，中港城海豚池平台花園有聖誕親子環保工作坊及巡遊。只要捐款$30 即可參加一節，巡遊開始時間為18:00。