到台北自由行，最方便入住嘅飯店當然係台北車站或西門町，選擇咁多點揀好呢？今次E.A.Two就推介一間適合拍拖兩個嘅平價小型旅館，房間縱然地方不大，但就交通便捷，更有趣嘅係旅館內可以24小時任攞免費零食飲品！
距離「西門站」及「西門町徒步區」嘅台北「町．記憶旅店（Cho Hotel）」，於2014年開業，曾於2022年進行翻新，有如小型旅館，但企理乾淨。登記後，職員會遞上一份有趣嘅紙皮信封，內有個人姓名資料，有該旅店卡片，亦有明信片設計嘅一頁，有房卡、優惠券、彩繪拼圖小卡，更有一張西門町地圖，介紹附近有咩景點、美食，職員有推介對面有間「食焱廠」嘅火鍋餐廳，屬姊妹店。另外，重有一塊puzzle，但見有人會將自己意見寫下，然後放喺電梯旁邊牆壁上。
呢間旅館被設計成藝術風格，雖則只係小型旅店，但都被評為3星飯店，設施充足。旅店設計帶有溫馨感，內外都有以木質為主調，亦擺放有好多老舊傢俱，同時又有少少工業風格。出入乘搭電梯時，都要用房卡，而室內週邊有唔少復古風格裝飾，有如穿梭舊時空，適合打卡。
旅館提供64間房間，以雙人房為主，亦有單人房、三人家庭房。每間都有2支免費樽裝水、拖鞋、吹風機、毛巾、熱水壺、雪櫃等，亦有免費wi-fi、電視等。不過，房間內就無任何盥洗用品，需要到地下自取所需用品，包括牙刷、牙膏、梳子、肥皂、刮鬍刀、棉花棒、浴帽等，都係免費自取，位置係櫃檯旁邊。而地下一隅有洗衣房，可以自行洗衫，帶少件衫都唔使怕唔夠衫著。
房間地方其實不大，可以話好細小，只係比浴室大少少，一端只有小窗戶，外望狹窄樓景。房間設計偏向工業風格，呼應大堂及外觀設計，比如床頭燈有如一支管道，而床頭櫃就似Z形階梯一樣。而浴室門設計亦有啲奇怪，大門係向內推，開門入沖涼位置無問題，但開門去馬桶位置就比較麻煩，個人需要攝入去另一邊。
整間旅館嘅戲肉，必定係2樓嘅公共空間，電梯左面係一個可以俾大家休憩聊天嘅地方，可以睇電影。而電梯右邊就係擺放免費零食及飲品嘅地方，一隅更有小型遊戲室、兒童樂園，可以打機。旅館將零食擺放成四面零食牆，第一眼抬頭一望，甚為壯觀！而週邊除咗擺放有各式零食、微波爐，重有飲品，咖啡、汽水、樽裝水都有，另一邊重有雪糕、漫畫書、離誌。零食牆上不單止有多款小包裝零食，而且有大量唔同口味嘅杯麵，最適宜當作宵夜，真係食零食都食到飽！
呢間旅館於大部份情況價格都係維持於每晚HKD300左右，但編輯當日撞正台灣大選期間，價格浮動，一晚需近一倍左右。如果平常日子入住，其實人均只係大概HKD150至200，CP值頗高。
E.A.Tips :
❷ 前台係24小時服務，入住時間為15:00後，而退房時間則為12:00前。
❸ 如果唔想人騷擾，記得掛上寫住木牌「靜」嘅一面於門把；如果想工作人員打掃，就翻轉另一邊「淨」字，掛於門把上。
❹
町．記憶旅店／Cho Hotel
台北市萬華區昆明街119號
https://www.chohotel.com/
+886223709830
觀塘Mini Friday與鄰舖米走雞合拼經營？半自助式變午市套餐更適合打工仔！
【#打工仔飯堂】網上嘅資訊好多時都係有真有假，E.A.Two查證以下餐廳時，發現最出名嘅飲食平台竟然寫佢已經結業。不過親身到達現場時，就發現同層兩間餐廳都係依然尚存。雖然無咗半自助式午餐，但仍然容許拍拖兩個人去醫吓肚。
慈雲山平價街坊店兩三碗餃子逾10款餡任揀！最受歡迎竟然係石板／石鍋小食？
【#平價餃子】慈雲山係一個完全屋邨地，同時係一個學校邨，週邊最多嘅就係屋邨同中小學，附近都係街坊同學生。不過，該區食肆並唔多，至今都有唔少餐廳結業，E.A.Two已經食得八八九九，今次去嘅餃子店就係附近車仔麵店嘅姊妹店，拍拖兩個人想食平啲都有所選擇。
【中秋月餅2026】超過20間香港小店本地生產月餅！流心咖啡／港式奶茶／金腿伍仁／開心果麻糬／黑芝麻冰皮／燕窩月餅！留意早鳥優惠、英國專線點買？
【#月餅攻略2026】每年一到暑假，都係準備預訂中秋月餅嘅時候。隨住本地結業潮，拍拖兩個人喺香港買月餅，選擇可能已經愈來愈少。不過，識揀依然有唔少選擇，首選一定係小店模式，如果真係想再穩陣啲，都可以揀日資連鎖店。上年有店舖特設英國專線，今年都唔例外。E.A.Two又再整合2026年中秋節月餅推介，想食咩口味嘅月餅都係任君選擇！
灣仔金庸武俠小說主題Cafe玩味十足！笑林寺隱藏被咖啡耽誤嘅意粉大廚？
【#被咖啡耽誤】雖然近年香港結業潮湧現﹐但有啲餐廳依然客人一個接一個，價格豐儉由人﹐E.A.Two覺得今時今日仍然能夠吸引客人拍拖兩個人排隊都照食，必然有原因。香港有唔少咖啡店，灣仔有一間中西合璧嘅咖啡店非常有玩味，實試之後就覺得咖啡唔係最吸引，意粉先至係最意想不到嘅選擇，入面絕對有位被咖啡耽誤嘅意粉大廚！
荃灣海旁屋苑平台隱藏平價漢堡包／Pizza店！Hustle Guy近月搬入街市重新開業！
【#搬遷試業】要數荃灣區平靚正嘅美食，應該有排數，呢個大區每個角落都有值得拍拖兩個人前往嘅小店。今次E.A.Two於海濱一帶去到一個屋苑平台，當中有一間隱身街市內嘅burger同pizza店，真係可以叫做平靚正，難怪一直係街坊選擇。最近該店更將原店搬入街市內，堂食座位增加，試業當中連紅紙都未拆！
土瓜灣人氣茶飲店裕吉堂近月重開！手搖飲貴過碟飯？店舖限定用茶煮飯整炸雞？
【#重開試業】土瓜灣向來美食眾多，E.A.Two已經基本上食過晒值得前往嘅小店，有好多更加係重複地去完又去。當中有間原先位於大街上嘅茶飲店「裕吉堂」喺上年底宣佈結業，而近月就重開試業，選址轉為內街，原先只提供外賣，現時就增設堂食，重有土瓜灣限定嘅茶味嘅飯餐，碟飯比茶飲更加抵食，拍拖兩個人不妨一試。
赤柱隱藏免費博物館！香港懲教博物館毗連監獄！設10個展覽館＋2個打卡位、最驚喜係邊個？
【#赤柱博物館】於2025年11月，有個「香港博物館節」，有超過17個博物館都係免費入場，但就唔包括隱身於赤柱嘅呢個博物館。不過，呢個博物館本身都係免費入場，如果拍拖兩個人於赤柱一帶散步，不妨順路遊覽呢個展覽館。
超迷你唐樓博物館隱身上環街頭！近PMQ元創方／新聞館！保留裝潢、件件舊香港人昔日必備架生！
【#超迷你博物館】好多人成日話香港無地方去，無嘢好行，其實現時依然有好多地方隱身市區內，值得拍拖兩個人去搜索一下。今次E.A.Two就前往一間近月先開放公眾進入嘅「唐樓博物館」，原來呢間小型博物館真係隱身於一幢唐樓內，入面保留咗昔日嘅場景同用具。而唐樓位置唔單止近上環知名文創地標「PMQ元創方」，同時毗鄰「香港新聞博物館」，任何人都係免費入場，即睇預約方法！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。