白石角一帶向來係美食沙漠，若拍拖兩個人於海濱長廊踩單車，肚餓要搵食時，想要找尋本地餐廳都唔容易。其中，科學園內雖有餐廳，但以連鎖店為主，據知有連登仔及單車友推介一間港式燒味餐廳，可算為白石角小確幸。
連登仔及單車友原先有推介一間小店「愛麵梓」，可惜目前已經結業。故此，白石角一帶只剩低另一間小店「楠天Kitchen」，該店以出爐燒味為主打，亦有其他港式小食、中式小菜可以選擇。
今次E.A.Two編輯就選擇2人套餐$188，包括有明爐燒味一碟、時令油菜一碟、白飯兩碗，亦可以於廚師推介、四川風味系列中任揀一款菜式，另外亦附送老火湯或飲品，可惜當晚老火湯已售馨。
店內碟頭飯及燒味飯都係受歡迎之選，有單車友表示叉燒水準不俗，值得一試。「楠天」燒味包含有秘製叉燒230、麻辣叉燒230、楠天燒鵝、原隻鵝髀、脆皮燒腩仔、佛山燻蹄、貴妃雞、蒜香麻辣雞、秘製口水雞、鮮沙薑雞、玫瑰豉油雞可擇，今次挑選秘製叉燒230及楠天燒鵝。而另一款菜式則可於各中式小菜及四川風味菜中選擇，四川風味菜有金湯酸菜魚、四川水煮魚、四川水煮牛，今次就選擇酸菜魚。
所謂叉燒230，到底係咩意思呢？估計230係同度數等有關，難道係採用230度燒製叉燒？小店以焦糖脆皮叉燒為主打，叉燒表皮微甜，帶有炭香味，再淋上醬汁，香而不膩，質感軟綿，入口唔黐牙。不過，燒鵝就稍為遜色，表皮雖同樣香脆，有柴火香，肉量亦唔介意少，但肥膏量就特別多，有啲失望。
至於酸菜魚，一碗魚片量適中，湯底呈金黃色，內有唔少娃娃菜等配料。湯頭一開始不錯，辛辣度唔高，但食到底則會愈食愈辣，原來辣椒量都唔少，包含有紅辣椒及青辣椒。
同時，店內亦有沙參玉竹燉烏雞燉湯，原價$88，跟餐$58；另外，亦有甜品如黑糖冬瓜牛奶桃膠，原價$40，跟餐$25。黑糖冬瓜牛奶桃膠即係將冬瓜茶與黑糖混合，再加入牛奶及桃膠，一碗桃膠份量不少，入口綿密，黑糖味、冬瓜味、奶味亦濃郁，女士養顏必揀。
E.A.Tips :
❷ 燒味新鮮出爐時間為上午11點及下午5點。
❸ 店舖位於科學園內，毗鄰單車路，店內亦有特別為單車友提供氣泵借用。
❹ 早餐07:30-11:00、午餐11:00-14:30、下午茶14:30-17:00、晚餐17:00-20:15。
楠天Kitchen
沙田白石角香港科學園1期科技大道西1號核心大樓2座地下S002號舖
07:30 - 21:00
9680 0127
白石角海濱長廊
科學園
24hours
【區區有小店】全港逾40間本地茶飲＋台灣直營店一覽！珍珠奶茶／水果茶／港式檸茶／純茶手搖飲品、私心本土廢水List！
【#香港茶飲店】香港人向來鍾意人手一杯嘅茶飲，好多人寧願出街買嘢飲，都唔會自備飲品，所以由全盛期台式茶飲進駐香港到而家，一間又一間手搖飲品店屹立至今。好多人會叫茶飲做廢水，飲廢水就象徵住飲手搖飲料，其實廢水就係起源於澳門，呢個詞語就係澳門同香港年輕人經常講嘅潮語。真正適合香港人嘅茶飲店其實唔多，今次E.A.Two就整理返本地嘅純茶飲，加上台灣直營嘅手搖飲料，希望大家拍拖兩個人飲廢水嘅話，多多支持吓本地出品嘅茶飲店啦！
銅鑼灣泰式船麵店船皇變迷你香港打卡酒場！突成網絡人氣店水準如何？主打維他奶醬串燒、埋單人均到底幾錢？
【#船麵變串燒】銅鑼灣謝斐道內，本來有間泰式船麵店，值得拍拖兩個人前往。該店曾經由銅鑼灣開到其他地區，後來只係剩返老銅分店，到最後直接結束營業，E.A.Two都覺得好可惜，因為船麵出品其實不俗。最近，有唔少人推介一間同一舖位嘅港式串燒酒場，原先以為係唔關我事嘅食肆，直到見到一張餐牌寫住「聯乘船皇」。
上環搬到銅鑼灣地帶？老字號飛藥堂蔘茸海味店隱身冷清商場！海味零食、過大禮專門店
【#海味專門店】銅鑼灣雖然係人流滿滿嘅區域，但現時都有唔少冷清商場，銅鑼灣地帶就係其中之一，屹今已經愈來愈少人會走上去行街。事實上，有一間老字號蔘茸海味專門店隱身於呢個商場內，一邊係賣海味、藥材，另一邊係過大禮專門店，拍拖兩個人結婚必揀！
北角鯊魚肉四式燒賣隱身中醫診所！新天中藥茶館老中醫師處方自家涼茶／湯包！
【#老式涼茶舖】燒賣、魚蛋係香港知名而獨有嘅港式小食，好多燒賣、魚蛋都會喺小食店度搵到，而北角有間老字號涼茶舖就憑住鯊魚肉燒賣爆紅，受到一眾喜愛食燒賣嘅網友追捧，唔少人都拍拖兩個人朝聖。唔知點解，好多涼茶舖唔單止賣涼茶，都係會賣埋燒賣、魚蛋，到底點解呢？
西灣河小街極細粉紅Cafe、樣樣加甜！蛋糕店Rose Home Kitchen情侶拍拖紀念日餐廳之選！
【#粉紅咖啡店】雖然好多人話香港有好多劣食，但其實有唔少小店依然默默地做好自己本份，有好多值得支持嘅餐廳等待大家發掘。今次E.A.Two前往西灣河，發覺有一間絕對值得更多嘅細小粉紅咖啡店，適合情侶拍拖兩個人前往，無論紀念日定撐檯腳都好適合！
大角嘴富多來商場最神秘小店！我要辣魚蛋主打港式雞煲、原來真係有魚蛋！
【#最神秘食店】香港有好多神秘到不得了嘅小店，好多時候就算拍拖兩個人行過，都唔知間舖賣乜嘢。E.A.Two每次走過大角嘴富多來商場，都留意到一間非常騎呢嘅小店，睇落好似真係有嘢賣，但實際上長期都閂門，而且唔係畀客人行入去，但佢又選址地舖，原來間中真係會有限時車仔檔推出嚟！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。
金鐘CBD隱藏歷史遺跡！香港賽馬會復修軍火庫空中花園眺維港！入口神秘、保留火藥路軌、打卡石屎森林蜿蜒天橋！
【#CBD景點】香港CBD一帶向來都係金融中心、商業地區，四圍都係高聳商廈，景點並唔多，唔係近海就係近山。今次E.A.Two帶大家前往隱藏於金鐘區內嘅歷史遺跡，既保留舊時軍火庫，亦加入可眺望維港嘅空中花園，放空必到！拍拖兩個人更可以打卡石屎森林中嘅蜿蜒天橋，景點免費入場！
【下集】直擊馬灣舊村8大僅存完整保留打卡位！2025年翻新完畢正式開放、全變空盪盪彩色小屋？
【#全新開放】馬灣舊村早年被完全封鎖，經過幾年重修，最近終於翻新完畢，並正式開放公眾入場，有關當局似乎有意模仿意大利「五漁村」，將破舊小屋通通髹成繽紛彩色小屋，並加插藝術壁畫，吸引拍拖兩個人同一家大細入場打卡，同時命名為「馬灣1686」，到底昔日馬灣舊村變成咩樣呢？今次E.A.Two正式走入全新馬灣地標，發現大部份地方都已經人面全非，舊屋通通變成空有華麗外觀、缺乏實際內涵嘅彩色小屋，只係勉強搵到有8個僅餘完整保存嘅地方，即刻睇吓係邊幾個地方！